Bl 24:53 - Sơ̆p Hlabơar Nơ̆r 'Bok Kei-Dei

⁵³ Sư iŏk dôm tơmam pơhrôp păng hu, maih păng ao tai chro ăn kơ Rê'bêka; păng kư̆m đei lu tơmam gĭt kăp pơyơ̆r ăn kơ 'nhŏng sư hăm Mĕ sư.

Bl 24:53 Iomraidhean Croise

Bl 24:10

Đơ̆ng noh, đam sư rôp mơjĭt tŏ aseh lăk-đa yŏng tơ'ngla sư păng chĕp ba dôm tơmam đơ̆ng yŏng tơ'ngla sư, jao ăn, na iung yak tơ char Mesôpôtami truh tơ pơlei Nahôr,

Bl 24:22

Đang kơ lu aseh lăk-đa sư nhă boih, bơngai đam noh sư iŏk gŏp muh maih trăp dang minh puăt jên hu păng 'bar tŏ kong maihb trăp dang mơjĭt hlak jên hu.

II Ho 21:3

'Bă sư pơtao đei ăn boih kơ lu sư lơ mŭk tơmam, hu maih, lu mŭk tơmam gĭt păng jao ăn lu pơlei kơjăp lăm char Juđa; mă-lei jao ăn kơ Jêhôram pơm pơtao, yua kơ sư kon kơdră.

Esơra 1:6

Lu kon pơlei oei lăm tơring ei lu sư tơgŭm tơmam ngăl, ăn kơ lu sư tơmam păng hu păng maih, mŭk tơmam, sem dơrong păng dôm lu tơmam gĭt, ưh kơ jô̆ lu tơmam mă đe đei pơyơ̆r nai.

Le 11:2

Na athei roi bĕ kơ kon pơlei păng pơkă khan wă kơ rim 'nu lu sư mă drŏ-nglo dah drŏ-kăn athei apinh lu bơngai jih 'ma sư dôm tơmam gĭt păng hu, dah maih.

Le 12:35

Lu kon pơlei Isơrael pơm kiơ̆ lei-lăi thoi nơ̆r Môis tơtă. Lu sư apinh dôm tơmam gĭt, hu dah maih truh kơ ao tai đơ̆ng lu bơngai Êyiptơ.

Le 3:22

rim 'nu bơngai drŏ-kăn Isơrael gô apinh đơ̆ng bơngai drŏ-kăn Êyiptơ rông 'bôt sư, hăm lu bơngai tơmoi oei hơdai lăm hnam dơnŏ, dôm tơmam thoi maih, hu, truh tơ hơbĕn ao, iŏk pơhrŭk ăn kơ kon drŏ-nglo, drŏ-kăn lu iĕm kơdih. Lu iĕm gô plôh iŏk pơđĭ đơ̆ng akâu kon pơlei Êyiptơ thoi noh.

Hơri Hiôk 1:10

Meng ih 'lơ̆ng 'breo Thoi le, Hơko ih kư̆m 'lơ̆ng yua kơ ih 'băk hơnam tơmo rang.

Hơri Hiôk 4:13

Đĭ 'long ih jing minh hlak pơgar, Plei 'long gărnăt păng đei plei sa 'ngam 'lơ̆ng. Thoi lu pơkao hêna păng 'long 'bâu phu.

Êsai 39:2

Hesekia hiôk sơng iŏk lu sư, na sư ăn năm lăng lăm hnam pơtao, anih lê̆ tơmam gĭt thoi kơ: Hu, maih, pơgang 'bâu phu, đak plei ôliwơ gĭt hăm năm lăng anih 'măn lu tơmam tơblah păng dôm lu tơmam gĭt lăm anih hnam sư, mă tơmam kiơ kiơ lăm anih pơtao păng lăm jơ̆p kơ dêh char pơtao sư, ưh kơ đei minh pôm tơmam yă kiơ mă Hesekia ưh kơ ăn kơ lu bơngai tang măt ăn kơ dêh char Babilôn lăng.