Bl 24:32 - Sơ̆p Hlabơar Nơ̆r 'Bok Kei-Dei

³² Bơngai đam noh mơ̆t tơ lăm hnam; đĭch đam La'ban yaih lê̆ an đơ̆ng aseh lăk-đa, iŏk hơnong 'ba păng 'nhĕt hiĕm lu aseh lăk-đa noh sa; đơ̆ng noh iŏk đak wă ôp jơ̆ng đam noh păng lu bơngai năm hơdai sư.

Bl 24:32 Iomraidhean Croise

Bl 18:4

Apinh lu iĕm ăn kơ inh iŏk đak ôp jơ̆ng lu iĕm păng apinh iĕm ngôi pơdơh tơ ala yơ̆p 'long âu wă kơ rơngơp.

Bl 19:2

Sư khan: “Kơkuh kơ măr iĕm, ơ kơdră, apinh năm ngôi tơ hnam inh đĭch đam măr iĕm păng 'bĭch ngôi hloi măng 'nâu. Âu đak măr iĕm ôp jơ̆ng, na pơgê dơning măr iĕm yak năm.” 'Bar 'nu linh jang 'lơ̆ng khan. “Ưh măng âu nhi 'bĭch 'bơ̆t 'măng jang pơlei.”

Bl 24:33

Đang kơ noh, hnam dơnŏ sư hơmet por 'nhot sŏng sa; mă-lei bơngai đam noh khan: “Ưh, inh ưh kơ sŏng sa ôh, dah inh tam mă pơma dôm nơ̆r inh wă pơma.” La'ban tơl, “pơma bĕ!”

Bl 29:13

'Nao kơtơ̆ng roi khan Jakôp, kon tơdăm oh sư, na La'ban kơdâu truh kuăr păng chŭm na chông pơtơm ba mơ̆t tơ hnam sư. Jakôp roi ăn kơ mih sư La'ban băt dôm tơdrong truh kơ sư.

Bl 43:24

Đơ̆ng noh năm ba lu 'nhŏng oh sư mơ̆t tơ lăm hnam Jôsep, iŏk ăn đak ôp jơ̆ng păng kư̆m hiĕm aseh lu sư sa.

Luka 7:44

Đơ̆ng noh na Yêsu hue tơ bơngai drŏ-kăn noh khan hloi kơ Simôn: “Ih lăng bơngai drŏ-kăn âu. Lăp Inh mơ̆t tơ hnam ih, ih ưh kơ ăn kơ Inh đak wă ôp jơ̆ng Inh ôh, mă-lei sư âu ôp jơ̆ng Inh păng đak măt sư păng sut pơhrĕng păng sŏk sư kơdih.

Lu 19:21

Bơngai kră ei pơtơm lu sư mơ̆t lăm hnam sư, ăn kơ aseh iĕ sa, đang kơ noh lu sư ôp hơrao jơ̆ng ti, sŏng sa.

I Sam 25:41

Abigail, drap kơkuh hloi, na khan: Inh âu wă pơm đĭch đam Đawit pơm bơngai ôp jơ̆ng yŏng tơ'ngla inh.