Bl 24:31 - Sơ̆p Hlabơar Nơ̆r 'Bok Kei-Dei

³¹ Sư khan thoi âu: “Bơngai mă Kră Yang đei ăn pŭn hiôk! Apinh ih mơ̆t bĕ liơ mă oei ngôi tơ 'nguaih thoi noh? Inh đei hơmet anih kơ lu iĕm tep hăm lăk-đa ih boih.”

Bl 24:31 Iomraidhean Croise

Bl 18:3

Păng khan thoi âu: “Kră Yang dah Ih mơnat kơ inh lei apinh Ih drong ngôi tơ hnam inh đĭch đam Ih, 'nĕ kơ yak yoh.

Bl 19:2

Sư khan: “Kơkuh kơ măr iĕm, ơ kơdră, apinh năm ngôi tơ hnam inh đĭch đam măr iĕm păng 'bĭch ngôi hloi măng 'nâu. Âu đak măr iĕm ôp jơ̆ng, na pơgê dơning măr iĕm yak năm.” 'Bar 'nu linh jang 'lơ̆ng khan. “Ưh măng âu nhi 'bĭch 'bơ̆t 'măng jang pơlei.”

Bl 19:3

Mă-lei Lot 'nur khŏm khŏm dĭng 'bar 'nu linh jang 'lơ̆ng chu năm 'bĭch tơ hnam sư. Sư pôk ăn tơmam sa, pơm 'bĕng ưh kơ đei 'buh, na bre linh jang 'lơ̆ng sŏng sa.

Bl 24:30

Na sư kơdâu tơkan tơ đam ei 'bôh sư oei hơdai hăm aseh lăk-đa sư cheng đak sơlŭng ei.

Bl 26:29

Athei pơkăm thoi âu: Ih kư̆m pă đei pơrăm lu nhôn, kư̆m thoi lu nhôn kư̆m ưh kơ pơrăm hơtŭt 'bơm ih, kư̆m thoi lu nhôn hơpơi apinh ih yak mă 'lơ̆ng sơ̆. Dang ei ih đei Kră Yang ăn pŭn hiôk.

Bl 29:13

'Nao kơtơ̆ng roi khan Jakôp, kon tơdăm oh sư, na La'ban kơdâu truh kuăr păng chŭm na chông pơtơm ba mơ̆t tơ hnam sư. Jakôp roi ăn kơ mih sư La'ban băt dôm tơdrong truh kơ sư.

Horiso 115:15

Hơpơi sư ăn pŭn hiôk kơ lu iĕm. Kră Yang Tơ'ngla pơjing kơ plĕnh păng teh.

Tơdrông Pơđơk 17:8

Mŭk tơmam sa pơgâm thoi jơmŏng gĭt kơ bơngai bu mă yua sư. Mă sư năm gah yơ kư̆m kĕ ngăl.

Tơdrông Pơđơk 18:16

Tơmam bu pơyơ̆r gô pơih trong kơ sư. Ba sư truh tơ anăp lu bơngai yŏng mơng.

Lu 17:2

Sư khan kơ mĕ sư: Minh-rơbâu minh-hrĕng tơpei hu đe tơtông đơ̆ng ih; ih hiap bơngai bu iŏk jên liơ kư̆m bưh inh gô mơ̆ng; jên noh dang ei lăm ti inh, inh iŏk jên noh. Mĕ sư khan: Apinh Kră Yang tuh ăn tơdrong pŭn hiôk kơ kon dăm inh!

Ru 3:10

'Bôô khan, ơ mŏ adruh apinh Kră Yang ăn kơ ih tơdrong pŭn hiôk! Ơ mŏ adruh tơdrong ih pơm 'nâu 'lơ̆ng hloh kơ adrol, yua kơ ih ưh kơ wă kiơ̆ lu tơdăm mơlôh mă sư mơdrŏng dah dơnuh.