Bl 24:1 - Sơ̆p Hlabơar Nơ̆r 'Bok Kei-Dei

¹ Abraham kră boih, sơnăm đĭ lơ, lăm tôm tơdrong Kră Yang đei ăn pŭn hiôk kơ sư.

Bl 24:1 Iomraidhean Croise

Bl 12:2

Inh gô ăn kơ ih jing minh adrĕch adrung tih, Inh gô ăn kơ ih pŭn hiôk, đe kư̆m gô ư-ang kơ ih, păng ih gô jing tơm kơ tơdrong pŭn hiôk,

Bl 13:2

Abram mơdrŏng dêh, đei lơ sem dơrong, đei hu, maih.

Bl 18:11

Âu, Abraham păng Sara đĭ kră boih, sơnăm bre sư đĭ lơ, Sara ưh pă gơh pơjing hơ'lơ̆p kiơ̆ kơ bơngai drŏ-kăn hmă.

Bl 21:5

Âu, kơplah Sara tơpŭ kơ Isăk, Abraham đei minh-hrĕng sơnăm boih.

Bl 24:35

Kră Yang đei ăn kơ yŏng tơ'ngla inh pŭn hiôk dêh, jing keh 'lơ̆ng; Kră Yang ăn kơ sư đei triu, Rơmo, hu hăm jên maih, đĭch đam drŏ-nglo drŏ-kăn, aseh lăk-đa hăm aseh iĕ.

Bl 25:20

Na, kơplah Isăk đei puăn-jĭt sơnăm, sư oei kơ Rê'bêka, kon adruh Bêthuel păng oh drŏ-kăn La'ban, lu sư bơngai Aram đơ̆ng char Phadan Aram.c

Bl 26:12

Isăk choh jang lăm tơring noh; sơnăm noh sư đei kĕch yuă iŏk lơ hloh kơ adrol hrĕng wơ̆t, yua kơ Kră Yang ăn đei tơdrong pŭn hiôk.

Bl 49:25

Kră Yang 'Bok Kei-Dei đơ̆ng 'bă gô tơgŭm e; Kră Yang mơsêh mơyang gô ăn pŭn hiôk kơ e, Wă khan tơdrong pŭn hiôk jruh đơ̆ng plĕnh. Hăm tơdrong pŭn hiôk jruh đơ̆ng anih jrŭ. Tơdrong pŭn hiôk đơ̆ng toh păng đơ̆ng lăm klak mĕ.

I Pot 1:1

Pơtao Đawit đĭ kră sơnăm đĭ kơjung boih, mă khan đe pơhrŭk ăn hơbĕn ao kơ sư lơ hơdôm blah ră mă-lei sư oei ưh kơ tơnŏ.

Tơdrông Pơđơk 10:22

Pŭn hiôk đơ̆ng Kră Yang ba ăn mơdrŏng; Sư ưh kơ đei thim tơdrong sơ'ngon ôh.

Êsai 51:2

Athei tơchĕng bĕ kơ Abraham 'bă iĕm, hăm Sara, bơngai pơjing lu iĕm; kơplah Inh krao sư, sư lăp minh 'nu; Inh tuh ăn tơdrong pŭn hiôk kơ sư na jing đei bơngai lơlap lơlang.

Mathiơ 6:33

Thoi noh na iĕm athei ăn kơ Sư pơgơ̆r iĕm, hăm adrin pơm 'lơ̆ng thoi Sư wă, noh kăl hloh kơ dôm tơdrong nai; pơm thoi noh na Sư gô ăn kơ iĕm tôm tơmam iĕm kăl yua.

Luka 1:7

Mă-lei bre sư ưh kơ đei hơ'lơ̆p yua kơ Êlisabet bơngai hơwŏng. Bre sư kư̆m kră ngăl boih.

Galati 3:9

Kơlih kơ Abraham lui păng gơnang kơ 'Bok Kei-Dei tơpă, na 'Bok Kei-Dei tơgŭm sư tơpă mơ̆n. Thoi noh na dôm lu bơngai lui păng gơnang kơ 'Bok Kei-Dei, 'Bok Kei-Dei kư̆m wă tơgŭm lu sư lei-lăi thoi noh mơ̆n.

Êphêsô 1:3

Bơnê kơ Kră Yang 'Bok Kei-Dei 'Bă Yêsu Krist Yŏng bơ̆n, yua kơ Sư ăn kơ bơ̆n tôm tơdrong hiôk 'lơ̆ng tơ plĕnh ti. Bơ̆n đei tôm tơdrong noh yua kơ bơ̆n lui kơ Yêsu Krist.

I Tim 4:8

Bơ̆n pơhrăm pơtơ̆p wă kơ jơhngơ̆m pran kư̆m kăl yua ră mơ̆n, mă-lei ưh kơ dang tơdrong 'Bok Kei-Dei. Bơ̆n pơhrăm tơdrong 'Bok Kei-Dei kăl yua tơpă kơ bơ̆n. Bơ̆n pơhrăm tơdrong Sư bơ̆n arih hiôk dang ei păng gô arih hiôk ling-lang ning-mônh.