Bl 23:13 - Sơ̆p Hlabơar Nơ̆r 'Bok Kei-Dei

¹³ Păng pơma hloi thoi âu 'bơ̆t anăp Êphrôn păng kon tơring mơ̆ng: “Mơ̆ng inh bĕ, inh ăn jên kơ bri noh, iŏk bĕ, na mă inh gơh 'bŭ bơngai lôch âu.”

Bl 23:13 Iomraidhean Croise

Bl 23:12

Abraham drap bon kơkuh 'bơ̆t anăp kon pơlei ei.

Bl 23:14

Êphrôn tơl Abraham:

Bl 33:19

Sư kư̆m răt hloi teh 'bơ̆t anih sư oei pơm hnam, minh-hrĕng hlak jên hu đơ̆ng lu 'nhŏng oh Sichem kon drŏ-nglo Hamôr.

II Sam 24:24

Mă-lei pơtao tơl khan: “Ưh kơ gơh. Inh wă răt păng ăn kơ ih jên tôm, inh ưh kơ wă pơyơ̆r ăn kơ Kră Yang 'Bok Kei-Dei inh lu tơmam soi 'buh, mă inh ưh kơ đei hiong jên răt.” Na pơtao Đawit răt dơnih noh păng rơmo noh dang tơdrâu tơpei hu.

Jang 20:35

Thoi noh lăm tôm tơdrong inh tơ'bôh kơ iĕm bơ̆n athei jang gleh 'mơ̆i na gơh đei tơmam 'me rong akâu kơdih hăm athei đei đon tơdŏng mơnat kơ lu bơngai dơnuh hoh. Bơ̆n 'nĕ hiơt mă âu nơ̆r Kră Yang Yêsu khan pơkă kơ bơ̆n hơdrol sơ̆ thoi âu: ‘Tơdah đe tơgŭm bơ̆n, jơhngơ̆m bơ̆n kư̆m hiôk mơ̆n; dah bơ̆n tơgŭm đe, jơhngơ̆m bơ̆n hiôk hloh loi.’ ”

Rom 13:8

Tơdrong bơ̆n hre kơ đe, bơ̆n athei jah ăn na jah tôch. Mă gah tơdrong 'mêm kơ bôl buăl ưh kơ tôch ôh. Bơngai bu 'mêm kơ bôl buăl, bơngai noh ưh kơ hŭt ôh dôm tơdrong juăt 'Bok Kei-Dei pơkă.

Kôlôsê 4:5

Bơ̆n athei adrin pơm mă 'lơ̆ng pơma mă trŏ kơ lu bơngai tam mă lui, wă kơ lu sư mơ̆ng trŏ na lui kơ 'Bok Kei-Dei.

Hêbrơ 13:5

Iĕm 'nĕ ham kơ mŭk tơmam ala teh, iĕm đei dôm yơ, iĕm hiôk-hiăi dôm noh. Yua kơ 'Bok Kei-Dei khan boih, Sư khan: “Inh ưh kơ đei layơ achăng lê̆ iĕm ôh.”