Bl 22:18 - Sơ̆p Hlabơar Nơ̆r 'Bok Kei-Dei

¹⁸ Yua kơ ih chu yom kơ nơ̆r Inh athei, na kon pơlei pơla lăm teh âu yua kơ đơ̆ng ih gô đei pŭn hiôk.”

Bl 22:18 Iomraidhean Croise

Bl 12:2

Inh gô ăn kơ ih jing minh adrĕch adrung tih, Inh gô ăn kơ ih pŭn hiôk, đe kư̆m gô ư-ang kơ ih, păng ih gô jing tơm kơ tơdrong pŭn hiôk,

Bl 12:3

Inh gô ăn pŭn hiôk kơ bu mă sơkat kơ ih pŭn hiôk. Inh gô hiap pơtê̆ bơngai bu mă hiap pơtê̆ ih; păng đĭ-đăng adrĕch adrung kon bơngai kơpal teh âu gô đei pŭn hiôk đơ̆ng ih.”

Bl 18:18

Yua kơ Abraham gô jing minh adrĕch adrung tih păng pran; rim adrĕch kon bơngai kơpal teh gô đei pŭn hiôk yua kơ đơ̆ng sư.

Bl 18:19

Inh đei rơih iŏk boih Abraham wă kơ bơtho tơ'bôh kơ kon sâu lăm hnam dơnŏ sư wei tơdrong lui yom kơ Kră Yang, wă pơsĭt nơ̆r mă Kră Yang đei pơkă boih hăm Abraham.”

Bl 22:10

Abraham chĕp săng yơ̆r ti sư hơ-ô wă 'bet kon sư.

Bl 22:3

Abraham iung đơ̆ng hrôih, hrơ̆t aseh. Sư chông ba 'bar 'nu đĭch đam sư păng kon sư Isăk kư̆m năm hơdai. Sư chăl 'long ŭnh chĕp ba wă 'buh tơmam soi na năm tơ anih mă Kră Yang 'Bok Kei-Dei đei tơ'bôh ăn.

Bl 28:14

Adrĕch adrung ih gô lơ kơdrâ̆m thoi chuơh tơ lăm teh âu, lanh truh tơ bơmơ̆t hơlĕch, gơal yă-nơ̆m păng lu khŭl kon bơngai a gô đei pŭn hiôk đơ̆ng ih păng đơ̆ng lu adrĕch adrung ih.

Horiso 72:17

Anăn sư gô oei đei ling-lang. Măt 'năr sư oei đei dang yơ, anăn sư gô oei dang noh; Kon pơlei đei pŭn hiôk đơ̆ng sư! Lu kon pơlei gô sơkat kơ sư đei pŭn hiôk.

Le 7:6

Môis păng Arôn pơm kiơ̆ lei-lăi thoi nơ̆r Kră Yang đei tơtă kơ bre sư.

Je 4:2

Tơdah iĕm pơkă sĭt hăm tơdrong tơpăt hơnơ̆ng, tơdrong trŏ thoi Kră Yang arih sĭt lei teh đak gô đei pŭn hiôk đơ̆ng Sư, Păng lu sư gô ư-ang kơ Kră Yang,”

Je 7:23

Mă-lei 'nâu tơdrong Inh tơtă kơ lu sư. ‘Chu bĕ kơ nơ̆r Inh, Inh gô jing Kră Yang 'Bok Kei-Dei lu iĕm, iĕm jing kon pơlei pơla Inh. Arih yak kiơ̆ bĕ lăm rim trong Inh đei tơtă, wă kơ lu iĕm đei tơdrong pŭn hiôk.’

Mathiơ 1:1

Yêsu Krist kon sâu pơtao Đawit, mă 'bok kơdră lu sư Abraham. Na tơ ala âu jô̆ tôm lu anăn 'bok kơdră Yêsu Krist sơ̆:

Jang 3:25

“Bơ̆n boih kon sâu lu bơngai khan lê̆ hơdrol noh. 'Bok Kei-Dei pơkă ăn kơ lu 'bok kơdră bơ̆n sơ̆, Sư kư̆m pơkă ăn kơ bơ̆n lei-lăi mơ̆n. Sư khan kơ Abraham: ‘Yua kơ đei minh 'nu Kon Sâu ih na đĭ-đăng khŭl bơngai ala teh gô hiôk.’

Rom 1:3

Tơdrong 'nao 'lơ̆ng noh roi gah Kon Sư Yêsu Krist mă pơm Yŏng bơ̆n. Yêsu Krist jur jing kon bơngai Sư lĕch đơ̆ng adrĕch pơtao Đawit sơ̆.

Galati 3:16

Tơdrong 'Bok Kei-Dei pơkă kơ Abraham noh kư̆m thoi tơdrong pơgơ̆p noh hei mơ̆n, tơdrong noh 'Bok Kei-Dei khan wă ăn kơ Abraham păng kon sâu sư tơpă. Lăm sơ̆p hla bơar 'Bok Kei-Dei khan boih thoi âu: “Tơdrong pơkă noh inh wă ăn kơ kon sâu ih tơpă.” Mă-lei ưh kơ đei khan wă ăn đĭ-đăng kơ lu kon sâu sư hloi ôh. Sư wă ăn kơ minh 'nu bơngai đĕch, bơngai noh wă khan Yêsu Krist.

Galati 3:18

Mă tơpă 'Bok Kei-Dei wă tơgŭm bơ̆n yua kơ Sư pơkă kơ Abraham bơ̆n sơ̆, ưh kơ sĭ Sư wă tơgŭm bơ̆n yua kơ bơ̆n kiơ̆ tơdrong juăt Sư ôh. Dah 'Bok Kei-Dei tơgŭm bơ̆n yua kơ bơ̆n kiơ̆ tôm tơdrong Sư ată lei bơ̆n ưh kơ kăl kơ tơdrong Sư mơnat kơ bơ̆n tơdrong Sư khan wă tơgŭm kơ bơ̆n dơ̆ng.

Êphêsô 1:3

Bơnê kơ Kră Yang 'Bok Kei-Dei 'Bă Yêsu Krist Yŏng bơ̆n, yua kơ Sư ăn kơ bơ̆n tôm tơdrong hiôk 'lơ̆ng tơ plĕnh ti. Bơ̆n đei tôm tơdrong noh yua kơ bơ̆n lui kơ Yêsu Krist.

I Sam 2:30

Lei na Kră Yang 'Bok Kei-Dei khan. Inh pơkă bơih hăm hnam ih păng hnam 'bok ih gô bơ̆jang kơ inh ling-lang hloi. Mă-lei dang ei Kră Yang khan: Ưh kơ lei ôh. Inh gô pơyom kơ bơngai bu mă pơyom kơ Inh, bơngai bu mă pơjăm Inh, Inh kư̆m gô pơjăm sư.