Bl 21:7 - Sơ̆p Hlabơar Nơ̆r 'Bok Kei-Dei

⁷ Na khan dơ̆ng thoi âu: “Hăm đei bu pơ̆n khan kơ Abraham khan Sara wă tơmŏm kon sư hah? Mă-lei inh tơpŭ boih kơ kon drŏ-nglo kơplah inh đĭ kră pă kĕ.”

Bl 21:7 Iomraidhean Croise

Bl 17:17

Abraham drap bon tơ teh, hiĕk păng khan lăm to thoi âu: “Ô 'bônh ah bơngai kah minh-hrĕng sơnăm boih, na gơh pơjing kon dơ̆ng? Gah Sara, sư tơsĭn-jĭt, gô đei hơ'lơ̆p hă?”

Bl 18:13

Kră Yang pơma jet Abraham thoi âu: “Yua kơ kiơ Sara hiĕk thoi noh khan: ‘Hăm sĭt đei tơpă inh đĭ kră boih lâu khan đei kon?’

Bl 21:8

Kon hơ'lơ̆p wơ̆ 'lŏ, na pă mŏm boih; trŏ lăm năr Isăk lê̆ mŏm noh, Abraham đei hơmet sŏng sa tih wă kơ chơt hiôk.

I Pot 11:20

Oh yă Tahpênes tơpŭ ăn kơ sư kon drŏ-nglo anăn sư Gênubat, dĭng Gênubat ưh pă mŏm bơih na Tahpênes iŏk rong sư tơ lăm hnam pơtao. Tơ noh Gênubat wơ̆ 'lŏ oei hơdai hăm lu kon pơtao Pharaôn.

I Pot 3:21

Truh kiơ̆ pơgê hrôih, inh hơđơ̆r wă tơmŏm kon inh ră, mă-lei inh 'bôh sư lôch bơih, lăp truh 'năr lĕch hơdah inh lăng hơlen sư 'noh ưh kơ trŏ kơ kon inh pơjing ôh.

Horiso 86:10

Ih Kră Yang mơsêh, pơm tôm tơdrong hlĭch chrơp; Lăp minh 'nu Ih đĕch Kră Yang 'Bok Kei-Dei.

Horiso 86:8

Ơ Kră Yang, lăm lu yang ưh kơ đei bu thoi Ih; Dôm tơdrong jang lu sư kư̆m ưh kơ đei thoi tơdrong jang Ih.

Êsai 49:21

Kơplah 'noh ih gô pơma lăm jơhngơ̆m khan: Bu pơjing bơih kơ inh lu kon hơ'lơ̆p 'nâu? Inh hiong đĭ-đăng bơih kon hơ'lơ̆p; kơplah inh thông hoang weh jăk păng tơklah tơklang? Na lei bơngai bu gô wei rong lu kon hơ'lơ̆p 'nâu? 'Nâu inh gô oei uăi minh 'nu, adro po, pơsĕl pơsŏ lu kon hơ'lơ̆p 'nâu lu sư truh đơ̆ng yơ?”

Êsai 66:8

Hăm tam đei bu kơtơ̆ng minh tơdrong thoi noh? Hăm đei bu 'bôh bơih tơdrong thoi noh? Hăm đei dêh char ayơ tơpŭ pơjing lăm minh năr? Dah hăm đei teh đak ayơ tơpŭ pơjing băl lăm minh wơ̆t hơdai? Mă-lei Siôn 'nao wă jĭ anăp tơpŭ pơjing hloi kơ lu kon hơ'lơ̆p bơih.”

Je 20:15

Hiap bĕ bơngai bu mă năm roi kơ 'bă inh khan: “Đe tơpŭ kơ ih minh 'nu kon drŏ-nglo!” Pih pang pơm kơ 'bă chhôk chơt.

Jo 23:23

Ưh kơ đei bơngai pơjâu lăm Jakôp. Lăm Isơrael kư̆m ưh kơ đei bơngai tơwir hơlĕnh yua kơ dang ei trŏ boih đe gô pơma khan gah Jakôp păng Isơrael thoi âu: Lăng đei tơdrong Kră Yang pơm hlĭch tơpă! Pă băt dang yơ.

Êphêsô 3:10

Mă dang ei Sư ăn kơ lu bơngai lui kơ Kon Sư tơbăt ăn kơ lu yŏng pơgơ̆r lu linh jang, tơbăt ăn kơ lu yŏng pơgơ̆r oei tơ kơpal plĕnh wă kơ lu sư băt kơ tơdrong tơchĕng 'Bok Kei-Dei hơgei tơpă wă tơgŭm kon bơngai.

II Tes 1:10

Năr 'noh kơnh boih Sư jur tơ ala teh na đĭ-đăng lu bơngai lui kơ Sư lăp 'bôh Sư glêu kơ măt hloi hăm khan kơ Sư: “Bơnê kơ Ih.” Năr ei kơnh iĕm kư̆m khan bơnê kơ Sư hơdai hăm đĭ-đăng bơngai lui mơ̆n kơlih kơ iĕm lui boih kơ tơdrong 'nao 'lơ̆ng Sư nhôn bơtho lu iĕm.