Bl 21:6 - Sơ̆p Hlabơar Nơ̆r 'Bok Kei-Dei

⁶ Sara khan thoi âu: “Kră Yang 'Bok Kei-Dei đei pơm kơ inh minh tơdrong hiôk, đĭ-đăng bu bu kơtơ̆ng kư̆m hiôk chhôk hơdai hăm inh.”

Bl 21:6 Iomraidhean Croise

Bl 17:17

Abraham drap bon tơ teh, hiĕk păng khan lăm to thoi âu: “Ô 'bônh ah bơngai kah minh-hrĕng sơnăm boih, na gơh pơjing kon dơ̆ng? Gah Sara, sư tơsĭn-jĭt, gô đei hơ'lơ̆p hă?”

Horiso 113:9

Sư ăn kơ drŏ-kăn hơwŏng lăm hnam sư, jing mĕ chơt hiôk hăm lu kon sư. Halêluya!

Horiso 126:2

'Bơ̆r lu nhôn 'bĕnh kơ nơ̆r hiĕk chơt. Hơpiĕt lu nhôn hơri 'nă hal. Lu đe teh đak khan: “Kră Yang đei tơgŭm lu sư tih tơpă.”

Êsai 49:15

Mĕ hăm gơh hiơt kơ kon sư mă oei mŏm. Dah ưh kơ mơnat kơ kon kơdih pơjing hă? Mă khan bơngai âu gơh hiơt, Inh ưh kơ hiơt kơ ih ôh.

Êsai 49:21

Kơplah 'noh ih gô pơma lăm jơhngơ̆m khan: Bu pơjing bơih kơ inh lu kon hơ'lơ̆p 'nâu? Inh hiong đĭ-đăng bơih kon hơ'lơ̆p; kơplah inh thông hoang weh jăk păng tơklah tơklang? Na lei bơngai bu gô wei rong lu kon hơ'lơ̆p 'nâu? 'Nâu inh gô oei uăi minh 'nu, adro po, pơsĕl pơsŏ lu kon hơ'lơ̆p 'nâu lu sư truh đơ̆ng yơ?”

Êsai 54:1

Ơ bơngai drŏ-kăn hơwŏng, bơngai ưh kơ đei hơiơch hơri bĕ. Ơ bơngai tam mă jĭ rơneh, hơri jreo hiôk chơt bĕ, yua kơ kon hơ'lơ̆p bơngai drŏ-kăn tŭk gô đei lơ hloh kơ kon hơ'lơ̆p bơngai drŏ-kăn mă đei klo, Kră Yang khan thoi 'noh.

Je 20:15

Hiap bĕ bơngai bu mă năm roi kơ 'bă inh khan: “Đe tơpŭ kơ ih minh 'nu kon drŏ-nglo!” Pih pang pơm kơ 'bă chhôk chơt.

Luka 1:14

Ih gô hiôk tơpă păng kư̆m đei lơ bơngai nai hiôk yua kơ đei sư.

Luka 1:58

Lu bôl buăl hăm kon pơlei pơla kơtum kơtŏng 'nhŏng oh sư kơtơ̆ng ang tơdrong 'Bok Kei-Dei mơnat kơ sư tơpă ăn kơ sư kon, na lu sư kư̆m wang hiôk chơt mơ̆n.

Rom 12:15

Bơ̆n 'bôh đe hiôk, bơ̆n kư̆m hơdai hiôk; bơ̆n 'bôh đe sơ'ngon, bơ̆n kư̆m hơdai sơ'ngon.

Hêbrơ 11:11

Yua kơ sư đei đon lui na mă klo kăn bre sư kră pă kĕ, 'Bok Kei-Dei ăn kơ bre sư yă Sara gơh pơjing kon. Na sư lui hloi kơ 'Bok Kei-Dei wă ăn kơ bre sư kon kiơ̆ thoi 'Bok Kei-Dei pơkă.

I Sam 1:26

Păng khan: “Ơ yŏng tơ'ngla inh arih ling-lang ơ yŏng inh, inh bơih bơngai drŏ-kăn mă oei dơ̆ng tơ âu 'bơ̆t anăp ih krao apinh Kră Yang.