Bl 21:1 - Sơ̆p Hlabơar Nơ̆r 'Bok Kei-Dei

¹ Kră Yang năm tơgŭm yă Sara, kiơ̆ thoi nơ̆r sư đei pơma pơkă, pơm 'blep thoi Sư đei khan kơ Sara.

Bl 21:1 Iomraidhean Croise

Bl 17:16

Inh gô ăn pŭn hiôk kơ sư, đơ̆ng sư Inh gô ăn kơ ih minh 'nu kon drŏ-nglo. Inh ăn kơ sư đei pŭn hiôk, sư gô pơm mĕ kơ lơ adrĕch adrung; wă kơ đơ̆ng sư jing đei lơ dêh char păng dôm lu pơtao gô lĕch đơ̆ng sư.”

Bl 17:19

Kră Yang 'Bok Kei-Dei khan dơ̆ng thoi âu: “Sĭt tơpă, Sara, akăn ih, gô pơjing kơ minh 'nu hơ'lơ̆p drŏ-nglo, na ih gô krao anăn sư Isăkc Inh gô pơgơ̆p pơkă hăm sư, wă pơgơ̆p pơkă ling-lang hăm adrĕch adrung sư.

Bl 17:21

Mă-lei Inh gô pơgơ̆p pơkă hăm Isăk truh sơnăm anăp dang âu, Sara gô tơpŭ kơ ih Isăk.”

Bl 18:10

Na Kră Yang khan: “Lăm minh sơnăm dơ̆ng, Inh gô năm tơ âu, wă ngôi tơ ih, ưh kơ pơngiĕl ôh păng kơplah noh Sara, akăn ih, gô đei minh 'nu hơ'lơ̆p drŏ-nglo.” Sara oei ngôi tơ rŏng kơ Kră Yang 'bơ̆t anăp 'măng bơsŭn, kơtơ̆ng dôm lu nơ̆r noh.

Bl 18:14

Hăm đei tơdrong kiơ mă Kră Yang ưh kơ gơh pơm? Truh năr đêl pơkă, lăm minh sơnăm dơ̆ng, inh gô hơlơ̆k tơ ih păng Sara gô đei tơpŭ kơ minh 'nu kon drŏ-nglo.”

Bl 24:36

Sara akăn yŏng tơ'ngla inh, rai kră, đei tơpŭ kơ sư minh 'nu kon drŏ-nglo; đei jao boih dôm mŭk tơmam sư đei noh kơ kon drŏ-nglo sư.

Bl 50:24

Đơ̆ng noh Jôsep khan kơ lu 'nhŏng sư thoi âu: Inh gô lôch mă-lei đei Kră Yang 'Bok Kei-Dei sư wei rong iĕm tơpă. Gô chông ba lu iĕm wih brŏk tơ dêh char mă Kră Yang 'Bok Kei-Dei đei pơkă hăm Abraham, Isăk păng 'bă bơ̆n Jakôp.

II Pot 4:17

Duch ei anăp na truh minh sơnăm đơ̆ng rŏng, kư̆m kơplah bơyan 'nei mơ̆n, sư hơiơch hĭ kơ minh 'nu kon drŏ-nglo, 'blep thoi nơ̆r Êlisê khan lê̆ kơ sư adrol.

Horiso 106:4

Ơ Kră Yang, apinh 'blŏk kơ inh, mưh Ih mơnat ăn kơ kon pơlei Ih. Năm tơgŭm inh, mưh Ih dŏng pơklaih lu sư?

Horiso 12:6

Dôm nơ̆r Kră Yang jơ̆ nơ̆r rơgoh, Thoi jên hu rơgoh đe rơ̆ lăm ŭnh rơ̆ tơpơh wơ̆t.

Le 20:5

Iĕm 'nĕ drap kơkuh 'bơ̆t anăp lu rup noh păng kư̆m 'nĕ kơ soi sơmah kơ lu sư, yua kơ Inh boih Kră Yang 'Bok Kei-Dei iĕm, Inh Kră Yang 'Bok Kei-Dei băt kơ gar, dah bơngai bu areh kơ Inh, Inh gô jô̆ yoch đơ̆ng sư na phak truh tơ kon sâu se sư pêng puăn jơhnơr,

Le 3:16

Ih năm akŭm pơpôi bĕ lu kră bơngai Isơrael, khan kơ lu sư: Kră Yang 'Bok Kei-Dei 'bok lu iĕm, Kră Yang 'Bok Kei-Dei Abraham, Kră Yang 'Bok Kei-Dei Isăk, Kră Yang 'Bok Kei-Dei Jakôp, tơ'bôh boih kơ inh păng khan: Tơpă Inh năm tơmang lu iĕm, 'bôh dôm tơdrong lu sư pơm kơ lu iĕm lăm dêh Êyiptơ;

Le 4:31

Lu sư lui kơ nơ̆r 'noh, băt kơ Kră Yang oei hơdai hăm kon pơlei Isơrael păng 'bôh dôm tơdrong pơmat-tat lu sư; na lu sư kŭp kơ̆l kơkuh kơ Kră Yang hloi.

Mathiơ 24:35

Plĕnh teh gô hiong tôch đĭ, mă-lei dôm tơdrong Inh pơma ưh kơ đei layơ hiong tôch ôh, gô 'bôh tơpă.

Luka 1:68

“Bĕ bơ̆n ư-ang kơ 'Bok Kei-Dei, Kră Yang wei-lăng bơngai Isơrael bơ̆n, yua kơ Sư tơgŭm bơ̆n tơpă na Sư huai iŏk bơ̆n.

Luka 19:44

“Lu sư gô blah pơchah pơlei pơla iĕm păng pơlôch lu kon pơlei pơla iĕm. Lu sư blah pơchah pơlei pơla iĕm ưh pă đei tơmo ayơ mă tơklep băl dơ̆ng, yua kơ iĕm ưh kơ băt 'Bok Kei-Dei wă pơklaih iĕm dang ei.”

Galati 4:23

Kon sư mă tơpŭ đơ̆ng sư iŏk kơdih đĭch sư noh, sư tơpŭ rok thoi bôl buăl hmă. Mă-lei kon đơ̆ng akăn tơm sư noh, sư tơpŭ kiơ̆ thoi 'Bok Kei-Dei mơnat kơ Abraham khan wă gô ăn kơ sư kon.

Galati 4:28

Nge Isăk sơ̆, mĕ sư Sara tơpŭ kiơ̆ thoi 'Bok Kei-Dei mơnat khan wă gô ăn kơ Abraham kon. Thoi noh na bơ̆n dang ei kư̆m lei-lăi mơ̆n, bơ̆n jing kon 'Bok Kei-Dei yua kơ Sư mơnat khan wă gô ăn kơ bơ̆n jing kon Sư.

Ru 1:6

Kơplah noh Naômi kơtơ̆ng khan Kră Yang đei tơgŭm kon pơlei sư, tơmam sa phĭ mah, na sư hăm bre mŏ mai sư iung lĕch đơ̆ng dêh Môap wih brŏk tơ dêh char sư kơdih.

I Sam 1:19

Lu sư iung đơ̆ng hrôih drap kơkuh 'bơ̆t anăp Kră Yang; đơ̆ng noh lu sư wih brŏk tơ hnam lu sư tơ pơlei Rama. Êlkana oei hơdai hăm akăn sư Hana, Kră Yang 'blŏk kơ sư.

I Sam 2:21

Kră Yang mơnat kơ Hana, na đei anăp tơpŭ pêng 'nu kon drŏ-nglo păng 'bar 'nu kon drŏ-kăn. Kon tơdăm anăn Samuel rai wơ̆ 'lŏ 'bơ̆t anăp Kră Yang.