Bl 2:8 - Sơ̆p Hlabơar Nơ̆r 'Bok Kei-Dei

⁸ Đơ̆ng noh, Kră Yang 'Bok Kei-Dei pơjing minh hlak pơgar Êđen, tơ gah hơlĕch păng 'măn kon bơngai mă Sư 'nao pơjing oei tơ lăm noh,

Bl 2:8 Iomraidhean Croise

Bl 13:10

Lot sư tơmang lăng 'bôh tơ thŭng gah Krong Jôrđăn noh, anih mă đei đak ro hngôm truh tơ pơlei Suar; bri chŭn noh kư̆m thoi lĕ pơgar Kră Yang pơm, thoi char Êyiptơ mơ̆n. Năr noh adrol kơ Kră Yang tam mă pơrăm pơlei Sôđôm păng pơlei Gômôrơ.

Bl 3:23

Na Kră Yang 'Bok Kei-Dei puh tơlĕch kon bơngai đơ̆ng pơgar Êđen wă kơ choh jang sa teh mă đêl pơjing lu sư sơ̆.

Bl 3:24

Thoi noh Sư pơpuh tơweh kon bơngai đơ̆ng pơgar Êđen; đơ̆ng noh tơ gah hơlĕch Sư ăn Yang chêrubim hăm đao dăr rang mơnhal, wă kơ bơwei trong năm tơ tơnơm 'long tơdrong arih.

Bl 4:16

Na Kain kơdŭn weh đơ̆ng Kră Yang păng oei tơ dêh Not, gah hơlĕch kơ pơgar Êđen.

II Pot 19:12

Lu yang kơ lu adrĕch adrung nai mă lu 'bok kơdră inh hlôi pơrăm bơih, noh yang char Gôsan, pơlei Haran, Rêtsep, păng lu bơngai Êđen oei tơ Pơlei Têl Asar, sư gơh dŏng pơklaih lu sư mơ̆n hă?

Êsai 51:3

Kră Yang gô pơlung pơlei Siôn; Kră Yang gô ăn kơ rim anih sư đĭ bri juơ. Kră Yang gô pơm kơ teh sư lê̆ bri jing thoi pơgar Êđen. Char glă jing thoi pơgar Kră Yang; Tơ anih noh gô 'bôh đei tơdrong hiôk chơt, 'nă hal, nơ̆r bơnê păng nơ̆r hơri.

Êsêkiên 27:23

Bơngai mơdro đơ̆ng lu pơlei Haran, Kannê păng Êđen, Sêba, Asur păng Kilmat bơngai mơdro sa hăm ih.

Êsêkiên 28:13

Ih oei tơ pơgar Êđen, pơgar Kră Yang 'Bok Kei-Dei. Ih pơguăng hăm tơmam tơmo gĭt thoi jơmŏng tơmo jasper, tơmo saphirê, tơmo Shơkêđô tơmo samarađô, tơmo siađô, tơmo krisôlia, tơmo borelô, tơmo tôpasiô, ih hling hrâu hăm maih dơ̆ng. Đơ̆ng năr mă đei pơjing ih đei hơmet lê̆ boih dôm tơmam noh.

Êsêkiên 31:16

Inh ăn kơ lu adrĕch adrung hli tơrơ kơplah kơtơ̆ng tơdrong sư pơchah răm 'bơ̆t Inh tơhuŏng sư tơ anih lôch, hơdai hăm đĭ-đăng lu bơngai huŏng tơ sơlŭng jrŭ! Dang ei đĭ-đăng lu 'long tơ pơgar Êđen, lu 'long 'lơ̆ng đei rơih iŏk lu 'long 'lơ̆ng đơ̆ng kông Liban, đĭ-đăng lu 'long mă đei đak hơiuh lơ̆m, đĭ lu 'long noh đei tơdrong pơlung lăm hơlŭng jrŭ.

Êsêkiên 31:18

Dôm lu 'long lăm pơgar Êđen, ih nhen thoi 'long ayơ mă tih-tin 'lơ̆ng rŏ? Inh kư̆m gô tơhuŏng ih tơ lăm dơnâu ŭnh hơdai hăm lu 'long lăm pơgar Êđen; ih gô 'bĭch hơdai hăm lu bơngai mă ưh kơ chu kăt tơdra hơkar, hăm lu bơngai lôch kơ đao gưm. Noh Pharaôn păng đĭ-đăng lu kon pơlei sư Kră Yang khan bơih.”

Jôel 2:3

Ŭnh sa tơ anăp lu sư, đei ŭnh sa tơ rŏng lu sư, đei pla ŭnh sa pơgoh. Adrol kơ sư teh đak âu thoi pơgar Êđen, truh đơ̆ng rŏng kơ sư weh teh đak noh jing juơ juŏ, păng ưh kơ đei kiơ gơh klĕnh đơ̆ng lu sư ôh.