Bl 2:2 - Sơ̆p Hlabơar Nơ̆r 'Bok Kei-Dei

² Năr mă tơpơh Kră Yang 'Bok Kei-Dei pơm keh boih dôm tơdrong jang Sư.

Bl 2:2 Iomraidhean Croise

Bl 1:31

Kră Yang 'Bok Kei-Dei 'bôh dôm tơdrong đơ̆ng Sư pơjing 'lơ̆ng tơpă. Đơ̆ng noh đei kơsơ̆ păng pơgê noh năr mă tơdrâu.

Bl 2:3

Đang kơ noh, Sư ăn pŭn hiôk kơ năr tơpơh, pơm năr giĕng 'lơ̆ng rơgoh; yua kơ lăm năr noh, Sư pơdơh kơ tơdrong jang Sư păng pơjing keh đĭ boih.

Le 23:12

Lăm rim giĕng ih athei bơ̆jang lăm tơdrâu năr, sơmă truh kơ năr mă tơpơh athei pơdơh, wă kơ rơmo păng aseh iĕ ih gơh pơdơh mơ̆n; hăm kon đĭch đam drŏ-kăn păng bơngai tơmoi gơh pơdơh jơhngơ̆m rơhơi.

Le 31:15

Đe gô bơ̆jang lăm tơdrâu năr, mă-lei năr mă tơpơh jơ̆ năr Sa'bat, năr pơdơh, năr 'lơ̆ng rơgoh ăn kơ Kră Yang. Lăm năr Sa'bat, dah bơngai bu bơ̆jang minh tơdrong kiơ, đe gô pơpuh sư.

Le 31:17

Tơdrong noh jing tơdrong tơdra Inh hăm kon pơlei Isơrael ling-lang khŏm khŏm, yua kơ Kră Yang pơjing kơ plĕnh teh păng tôm tơmam lăm tơdrâu năr. Truh năr tơpơh sư pơdơh.

Êsai 58:13

“Tơdah iĕm wei răk huay kơ pơm yoch lăm năr pơdơh Sa'bat. Ưh kơ pơm dôm tơdrong iĕm 'maih wă lăm năr rơgoh Inh. Tơdah iĕm lăng năr pơdơh Sa'bat jơ̆ năr hiôk chơt, lăng năr rơgoh Kră Yang jơ̆ trŏ kơ pơyom; tơdah iĕm pơyom gĭt năr noh ưh kơ đei pơm kiơ̆ trong iĕm kơdih, ưh pă pơm kiơ̆ đon iĕm kơdih 'maih wă păng ưh pă pơma nơ̆r mơ̆ng kơ wăn.

Yo 5:17

Yêsu khan kơ lu bơngai Juđê ei thoi âu: “'Bă Inh oei jang ling-lang truh dang ei ưh kơ đei pơdơh na Inh athei jang lei-lăi thoi Sư mơ̆n.”

Both 5:14

Mă-lei lăm năr tơpơh noh năr pơdơh Kră Yang 'Bok Kei-Dei iĕm; 'nĕ kơ bơ̆jang minh tơdrong kiơ, kon drŏ-nglo kon drŏ-kăn iĕm, đĭch drŏ-nglo đam drŏ-kăn iĕm, dah rơmo, aseh iĕm, dah lu sem dơrong iĕm, dah lu tơmoi chă oei pơdơh lăm hnam iĕm, wă kơ lu đĭch đam drŏ-nglo drŏ-kăn iĕm kư̆m pơdơh thoi iĕm mơ̆n.

Hêbrơ 4:10

Bơngai bu pơdơh hăm 'Bok Kei-Dei, bơngai noh sư pơdơh kơ tơdrong jang Sư, thoi 'Bok Kei-Dei pơdơh kơ tơdrong jang Sư sơ̆.

Hêbrơ 4:4

Yua kơ lăm hla bơar Sư kư̆m đei khan gah năr tơpơh noh sơ̆ thoi âu: “Truh năr tơpơh, 'Bok Kei-Dei pơdơh tôm kơ tơdrong jang Sư.”