Bl 19:3 - Sơ̆p Hlabơar Nơ̆r 'Bok Kei-Dei

³ Mă-lei Lot 'nur khŏm khŏm dĭng 'bar 'nu linh jang 'lơ̆ng chu năm 'bĭch tơ hnam sư. Sư pôk ăn tơmam sa, pơm 'bĕng ưh kơ đei 'buh, na bre linh jang 'lơ̆ng sŏng sa.

Bl 19:3 Iomraidhean Croise

Bl 19:2

Sư khan: “Kơkuh kơ măr iĕm, ơ kơdră, apinh năm ngôi tơ hnam inh đĭch đam măr iĕm păng 'bĭch ngôi hloi măng 'nâu. Âu đak măr iĕm ôp jơ̆ng, na pơgê dơning măr iĕm yak năm.” 'Bar 'nu linh jang 'lơ̆ng khan. “Ưh măng âu nhi 'bĭch 'bơ̆t 'măng jang pơlei.”

Bl 21:8

Kon hơ'lơ̆p wơ̆ 'lŏ, na pă mŏm boih; trŏ lăm năr Isăk lê̆ mŏm noh, Abraham đei hơmet sŏng sa tih wă kơ chơt hiôk.

Bl 24:31

Sư khan thoi âu: “Bơngai mă Kră Yang đei ăn pŭn hiôk! Apinh ih mơ̆t bĕ liơ mă oei ngôi tơ 'nguaih thoi noh? Inh đei hơmet anih kơ lu iĕm tep hăm lăk-đa ih boih.”

Bl 26:30

Isăk pôk hiŏng tơmam sŏng sa chơt hiôk hơdai; đĭ kơ lu sư sŏng sa hơdai.

II Pot 4:8

Minh năr ei, Êlisê Năm brih rok Pơlei Sunem, tơ ei đei minh 'nu yă mơdrŏng gơ̆t hĭ sư sŏng sa. Đơ̆ng noh rim wơ̆t sư brih năm rok trong 'nei, sư drong tơ hnam yă ei sŏng sa.

Le 12:15

Lăm tơpơh năr athei sa 'bĕng ưh kơ đei 'buih pông Lăm năr blŭng-a, athei iŏk hŭt lê̆ 'buih đơ̆ng lăm hnam lu iĕm; tơdah bơngai bu sa 'bĕng đei păng 'buih pông đơ̆ng năr blŭng-a mă truh tơ năr tơpơh, lei đe gô puh tơweh bơngai 'noh đơ̆ng lu bơngai Isơrael.

Le 12:39

Lu sư pơm 'bĕng ưh kơ đei 'buih pông tơpŭng mă lu sư chĕp ba đơ̆ng dêh Êyiptơ. Tơpŭng ưh kơ đei hrâu 'buih pông ôh yua kơ đe puh lu sư hăt hot dêh lĕch đơ̆ng dêh Êyiptơ, ưh kơ gơh hiơ̆ păng kư̆m ưh kơ đei hơmet hiă lê̆ tơmam sa kơdih.

Luka 11:8

Mă sư bôl bơ̆n ră sư kuă iung asong kơ bơ̆n 'bĕng. Mă-lei Inh khan kơ iĕm tơpă, dah bơ̆n apinh sư khŏm khŏm lei sư kư̆m iung iŏk ăn kơ bơ̆n dôm tơmam bơ̆n apinh sư noh mơ̆n.

Luka 14:23

Na tơ'ngla sư 'nei khan kơ đam sư thoi âu dơ̆ng: ‘Ih lĕch đơ̆ng pơlei âu, ih chă năm jơ̆p kơ trong mă tơ yơ yơ, ih tơ'bơ̆p bu bu, ih dui pơđĭ kơ lu sư tơ âu tơ̆p mă 'bĕnh kơ hnam inh 'mơ̆i.

Luka 5:29

Đơ̆ng noh Lêwi pơtơm Yêsu sŏng sa tih lăm hnam sư. Na đei lơ bơngai iŏk jên thuê̆ păng lu bơngai nai sŏng sa hơdai păng sư mơ̆n.

Yo 12:2

Na đe hơmet tơmam sŏng sa kơ Sư. Mathê awih awăn kơ lu sư tơmam sa. Lasarơ kư̆m sŏng sa hơdai păng Yêsu mơ̆n.

I Kor 5:8

Thoi noh bơ̆n athei 'blŏk hơdơ̆r kơ năr giĕng đe sŏng sa 'Bĕng Ưh Kơ Đei 'Buih Pông, 'nĕ pă pơm dôm tơdrong so, tơdrong kơnê̆ yoch thoi lĕ kơ 'bĕng mă đei 'buih pông 'noh, bơ̆n athei pơm 'lơ̆ng tơpăt thoi 'bĕng ưh kơ đei 'buih đĕch.

II Kor 5:14

Nhôn băt kơ Yêsu Krist 'mêm kơ bơ̆n tơpă, na nhôn ưh kơ lăng tơdrong kon bơngai ôh. Nhôn băt kơ pôm Sư đĕch lôch tang đĭ-đăng kon bơngai tơpă, thoi noh na đĭ-đăng kơ bơ̆n kư̆m dang lôch thoi Sư.

Hêbrơ 13:2

Tơmoi truh athei băt kơ sơng iŏk tơ hnam bơ̆n, mă khan bơ̆n ưh tam mă juăt kơ sư đơ̆ng sơ̆. Đei lu yă 'bok sơ̆, sư sơng iŏk bơngai tơmoi kư̆m thoi noh mơ̆n. Đơ̆ng sơ̆ sư ưh tam mă tơ'bơ̆p lu bơngai tơmoi noh ôh, sư ngêh kơ lu bơngai tơmoi noh kon bơngai bơ̆n đĕch, mă tă kơ lu linh jang 'lơ̆ng 'Bok Kei-Dei đơ̆ng plĕnh.

Lu 6:19

Giđêôn sư mơ̆t lăm bơsŭn sư hơmet 'nhĕm rôp minh pơm kon bơbe păng iŏk minh Ephata tơpŭng hĕch pơm 'bĕng ưh kơ đei 'buih pông. Sư tah 'nhĕm lăm bai, tuh đak 'nhĕm lăm gŏ na chĕp tơmam pơyơ̆r ei ăn kơ Kră Yang tơ ala yơ̆p 'long kôih

I Sam 28:24

Bơngai drŏ-kăn ei đei minh pơm kon rơmo bek, hăt hot 'bet pơlôch rơmo noh, na iŏk tơpŭng pơm 'bĕng ưh kơ đei 'buih pông.