Bl 19:24 - Sơ̆p Hlabơar Nơ̆r 'Bok Kei-Dei

²⁴ Na, Kră Yang ăn 'mi prĕl ŭnh păng ŭnh đơ̆ng plĕnh ti jruh tơ Sôđôm păng Gômôrơ,

Bl 19:24 Iomraidhean Croise

Bl 13:10

Lot sư tơmang lăng 'bôh tơ thŭng gah Krong Jôrđăn noh, anih mă đei đak ro hngôm truh tơ pơlei Suar; bri chŭn noh kư̆m thoi lĕ pơgar Kră Yang pơm, thoi char Êyiptơ mơ̆n. Năr noh adrol kơ Kră Yang tam mă pơrăm pơlei Sôđôm păng pơlei Gômôrơ.

Bl 13:12

Abram oei lăm char Kanaan, gah Lot sư oei tơ pơlei gah thŭng na hiŏng bơsŭn sư truh tơ jê̆ pơlei Sôđôm.

Bl 18:17

Kră Yang khan lăm to thoi âu: “Liơ Inh wă ôn kơ Abraham dôm tơdrong kiơ inh wă pơm?

Bl 19:23

Kơplah 'năr lĕch hlôi kơ teh boih, na Lot truh mơ̆t tơ pơlei Soar.

Jop 1:16

Bơngai âu oei pơma, na blư kơ minh 'nu bơngai nai truh roi: “Glaih đơ̆ng Kră Yang 'Bok Kei-Dei kơpal plĕnh taih, ŭnh sa đĭ lu triu păng lu bơngai wei triu ih, lăp minh 'nu inh đĕch klaih năm roi ăn kơ ih.”

Jop 18:15

Bơngai ưh kơ khŭl sư gô oei lăm bơsŭn sư, đe tuh tơmo ŭnh tơ kơpal anih sư oei.

Horiso 11:6

Sư gô tuh ngar ŭnh tơmo ngŭr tơ lu bơngai kơnê̆, Kial tŏ hang tuh ăn kơ lu sư.

Le 9:23

Na Môis yơ̆r hloi 'long jra sư tơ plĕnh, Kră Yang ăn đei grơ̆m glaih 'mi prĕl jruh, glaih taih jơ̆p kơpal teh. Na Kră Yang ăn plĕnh 'mi prĕl jruh jơ̆p kơ dêh Êyiptơ.

Êsai 1:9

Tơdah Kră Yang Tih Hloh ưh kơ lê̆ bơ̆n arih hơya tŏ sĕt, lei lu bơ̆n kư̆m răm lei-lăi thoi pơlei Sôđôm păng thoi pơlei Gômôrơ mơ̆n.

Êsai 13:19

Babilôn jơ̆ pơlei đe ư-ang rim kơ teh đak, pơlei mă lu bơngai Kalđê ang pơyom kơ sư, Sư jing thoi pơlei Siđôm păng pơlei Gômôrơ, sư gô mă Kră Yang 'Bok Kei-Dei gô pơrăm lê̆.

Êsai 30:33

Tôphêt đei hơmet lê̆ đơ̆ng sơ̆ bơih anih wă soh. Sĭt tơpă đei hơmet bơih ăn kơ pơtao, Hơlŭng ŭnh jrŭ păng să, đei ŭnh păng 'long ŭnh lơ, hơyuh dui jơhngơ̆m Kră Yang thoi glung tơmo ŭnh sa khơ̆ng.

Je 20:16

Ăn kơ bơngai noh thoi lu pơlei Kră Yang pơrăm boih ưh pă đei mơnat! Ăn kơ sư kơtơ̆ng tơdrong nhơ̆m hmoi gah pơgê hrôih, 'năr dơ̆ng kơtơ̆ng đe ôr krao tơdrong tơblah.

Je 23:14

Inh 'bôh lăm lu bơngai khan lê̆ adrol lăm pơlei Jêrusalem pơm tơdrong kơnê̆ dêh; Lu sư pơm pơyô kư̆ kă păng yak kiơ̆ trong hơlĕnh pơdăr; lu sư pơdrŭt bơngai pơm kơnê̆ rai dêh, na lu sư ưh pă đei bu 'maih lê̆ tơdrong kơnê̆. Inh lăng rim kơ lu sư thoi pơlei Sôđôm, păng kon pơlei Jêrusalem nhen thoi pơlei Gômôrơ.”

Je 49:18

Kră Yang khan: “Êđôm đe kư̆m gô pơrăm thoi pơlei Sôđôm Gômôrơ, păng lu pơlei tăp dăr. Gô ưh pă đei bơngai bu oei lăm noh, kư̆m ưh kơ đei bu chă oei pơdơh tơ noh mơ̆n.

Je 50:40

Kră Yang khan: “Thoi kơplah Kră Yang 'Bok Kei-Dei pơrăm pơlei Sôđôm, Gômôrơ păng lu pơlei tăp dăr kơ sư, gô ưh pă đei bơngai oei tơ noh. Kŭm ưh pă đei bu pơm pơlei oei tơ noh.

Nhom 4:6

Tơdrong yoch kon drŏ-kăn pơlei inh tih hloh kơ tơdrong yoch Sôđôm. Pơlei tih mă pơchah 'bônh lăm minh phŭt, ưh kơ đei bu yơ̆r ti tơgŭm sư.

Hôsia 11:8

Ơ Êphraim, liơ Inh gơh achăng ih, Ơ Isơrael, liơ Inh gơh jao lê̆ lu iĕm kơ đe? Liơ Inh gơh ăn pơm kơ lu iĕm jing thoi pơlei Atma, dah liơ Inh gơh pơm kơ lu iĕm thoi pơlei Sêbôim? Jơhngơ̆m Inh sơngah ưh kơ wă pơm tơdrong noh păng jơhngơ̆m Inh 'mêm kơeng đĭ tơtŏ dêh boih.

Am 4:11

Inh đei pơrăm boih mơ'nah lăm lu iĕm, thoi Kră Yang 'Bok Kei-Dei đei pơrăm pơlei Sôđôm păng Gômôrơ, lu iĕm nhen thoi kơ tôch ŭnh sa đe dui iŏk đơ̆ng ŭnh. Mă-lei lu iĕm kư̆m ưh kơ wă wih brŏk tơ inh, Kră Yang khan thoi noh.

Jêphania 2:9

Thoi noh Kră Yang Tih Hloh, wă khan Kră Yang 'Bok Kei-Dei kơ bơngai Isơrael khan: “Tơpă thoi Inh oei arih, tơpă Môap gô thoi Sôđôm păng lu kon sâu Ammôn nhen thoi Gômôrơ, jing minh anih 'bĕnh kơ jơla, minh pôm sơlŭng 'boh, minh anih juơ ling-lang hloi, lu kon pơlei Inh mă oei arih răi gô tơgar rôp iŏk lu sư, gah tơmam kon pơlei mă oei oăi gô jing tơmam lu sư iŏk yua.”

Luka 10:12

Inh khan kơ iĕm tơpă, truh năr 'Bok Kei-Dei wă sek tơlang ning-mônh, Sư gô phak kon pơlei Sôđôm hơiơch 'biơ̆ kơ pơlei mă ưh kơ sơng iŏk iĕm mă khan Pơlei Sôđôm pơm kơnê̆ dêh ră sơ̆.”

Both 28:24

Tơplih kơ đak 'mi, Kră Yang ăn 'mi lăm char jing 'mui chuơh đơ̆ng kơpal plĕnh jruh tơ teh đak dĭng truh pơrăm đĭ lu iĕm lôch.

Both 29:22

Adrĕch adrung lu iĕm ning-mônh chăl lu kon sâu lu iĕm păng lu bơngai tơmoi đơ̆ng ataih, 'bôh dôm tơdrong răm pơmat-tat păng tơdrong jĭ jăn mă Kră Yang đei ăn truh wă pơrăm dêh char 'nâu,

Both 29:23

'Bôh jơ̆p-jang kơ dêh 'nâu răm đĭ ŭnh păng 'boh sa đĭ teh ưh pă gơh rei pơtăm, ưh kơ đei kiơ gơh bluh chăt, ưh kơ đei minh tơnơm kiơ gơh chăt, nhen thoi pơlei Sôđôm Gômôrơ, Atma păng Sêbôlim, pơlei mă Kră Yang hil mĭl krưp pơlôch pơrăm lê̆ boih.

II Pet 2:6

Sư kư̆m phak Pơlei Sôđôm hăm Pơlei Gômôrơ, soh rông chhông hnam lu sư. Sư pơm thoi noh wă tơ'bôh kơ lu bơngai pơm kơnê̆, wă tơbăt kơ lu sư 'Bok Kei-Dei kư̆m gô phak lu sư thoi noh tơpă.

Ju 1:7

Kư̆m thoi noh mơ̆n lu kon Pơlei Sôđôm hăm Pơlei Gômôrơ hăm đĭ tơring lu sư kiơ̆ ei sơ̆, lu sư pơm kơnê̆ kư̆ kă. Lu bơngai drŏ-nglo pơm kư̆ kă tơduă lu sư drŏ-nglo. Na 'Bok Kei-Dei soh rông chhông hnam lu sư păng phak pơmat lu sư hăm ŭnh ling-lang măng năr pă pơdơh. 'Bok Kei-Dei tơ'bôh kơ bơ̆n tơdrong thoi noh, Sư wă kơ bơ̆n hli kuă kơ pơm thoi lu bơngai 'noh.

Tơdrông Tơ'bôh 14:10

bơngai noh 'Bok Kei-Dei hil areh tơpă, dang ăn kơ sư et sik hrăp, sik noh 'Bok Kei-Dei tring tơ kơchŏk 'nhŭ tăng hơ̆-hang. Bơngai noh gô hăl hang oei tơ anih pơmat-tat tơ lăm dơnâu ŭnh tơbang 'bơ̆t anăp lu linh jang 'lơ̆ng păng Kon Triu.