Bl 19:2 - Sơ̆p Hlabơar Nơ̆r 'Bok Kei-Dei

² Sư khan: “Kơkuh kơ măr iĕm, ơ kơdră, apinh năm ngôi tơ hnam inh đĭch đam măr iĕm păng 'bĭch ngôi hloi măng 'nâu. Âu đak măr iĕm ôp jơ̆ng, na pơgê dơning măr iĕm yak năm.” 'Bar 'nu linh jang 'lơ̆ng khan. “Ưh măng âu nhi 'bĭch 'bơ̆t 'măng jang pơlei.”

Bl 19:2 Iomraidhean Croise

Bl 18:4

Apinh lu iĕm ăn kơ inh iŏk đak ôp jơ̆ng lu iĕm păng apinh iĕm ngôi pơdơh tơ ala yơ̆p 'long âu wă kơ rơngơp.

Bl 19:1

Lăp hiưp kơ'năr kơsơ̆, 'bar 'nu linh jang 'lơ̆ng noh truh tơ pơlei Sôđôm, kơplah noh Lot sư oei ngôi 'bơ̆t 'măng jang pơlei. Lăp Lot 'bôh 'bar 'nu linh jang 'lơ̆ng, sư iung tơkan sơng na drap tơ teh kơkuh.

Bl 19:3

Mă-lei Lot 'nur khŏm khŏm dĭng 'bar 'nu linh jang 'lơ̆ng chu năm 'bĭch tơ hnam sư. Sư pôk ăn tơmam sa, pơm 'bĕng ưh kơ đei 'buh, na bre linh jang 'lơ̆ng sŏng sa.

Bl 24:31

Sư khan thoi âu: “Bơngai mă Kră Yang đei ăn pŭn hiôk! Apinh ih mơ̆t bĕ liơ mă oei ngôi tơ 'nguaih thoi noh? Inh đei hơmet anih kơ lu iĕm tep hăm lăk-đa ih boih.”

Bl 43:24

Đơ̆ng noh năm ba lu 'nhŏng oh sư mơ̆t tơ lăm hnam Jôsep, iŏk ăn đak ôp jơ̆ng păng kư̆m hiĕm aseh lu sư sa.

II Sam 11:8

Na Đawit pơma dơnuh hăm Uri: “Năm wih brŏk bĕ tơ hnam ih, păng ôp hơrao jơ̆ng ih.” Na, Uri lĕch đơ̆ng hnam pơtao, pơtao wơh minh 'nu bơngai chĕp ba kơ sư tơmam đơ̆ng hnam pơtao ăn.

Jop 31:32

Bơngai tơmoi ưh kơ đei tep kơmăng tơ 'nguaih tơ trong; Inh pơih 'măng sơng bơngai tơmoi đơ̆ng ataih;

Tơdrông Pơđơk 25:17

'Nĕ gan năm ngôi tơ hnam bôl buăl ih, Kơnh hli kơ sư bơ̆l hăl băl lap hil plơ̆ kơ ih.

Hơri Hiôk 5:3

Inh plôh lê̆ ao 'nguaih boih. Liơ gơh hrŭk sư dơ̆ng. Inh ôp lê̆ jơ̆ng inh 'lơ̆ng boih, Liơ inh gơh ăn kơ sư trôk dơ̆ng.

Luka 7:44

Đơ̆ng noh na Yêsu hue tơ bơngai drŏ-kăn noh khan hloi kơ Simôn: “Ih lăng bơngai drŏ-kăn âu. Lăp Inh mơ̆t tơ hnam ih, ih ưh kơ ăn kơ Inh đak wă ôp jơ̆ng Inh ôh, mă-lei sư âu ôp jơ̆ng Inh păng đak măt sư păng sut pơhrĕng păng sŏk sư kơdih.

Yo 13:5

Klaih kơ noh Sư tuh đak lăm kơthao na ôp jơ̆ng lu bơngai pơhrăm păng Sư, na sut păng kơn mă đêl Sư chô̆ 'bơ̆t rơhiĕo Sư noh.

Jang 16:15

Na yă Liđa păng đĭ-đăng hnam dơnŏ sư iŏk 'batem. Sư khan kơ nhôn: “Yah iĕm băt tơchĕng inh lui kơ Kră Yang Yêsu boih, inh apinh iĕm tŏk 'bĭch tơ hnam inh.” Sư pơtơm 'bĭch tơ hnam sư na nhôn tŏk 'bĭch pơdơh tơ hnam sư hloi.

Hêbrơ 13:2

Tơmoi truh athei băt kơ sơng iŏk tơ hnam bơ̆n, mă khan bơ̆n ưh tam mă juăt kơ sư đơ̆ng sơ̆. Đei lu yă 'bok sơ̆, sư sơng iŏk bơngai tơmoi kư̆m thoi noh mơ̆n. Đơ̆ng sơ̆ sư ưh tam mă tơ'bơ̆p lu bơngai tơmoi noh ôh, sư ngêh kơ lu bơngai tơmoi noh kon bơngai bơ̆n đĕch, mă tă kơ lu linh jang 'lơ̆ng 'Bok Kei-Dei đơ̆ng plĕnh.