Bl 18:8 - Sơ̆p Hlabơar Nơ̆r 'Bok Kei-Dei

⁸ Đơ̆ng noh sư iŏk rơmă đak toh, đak toh păng 'nhĕm rơmo kon mă pai đang boih, pôk ăn kơ lu pêng 'nu đe ei sa; gah sư dơ̆ng 'bơ̆t anăp awih awăn, lăm kơdrơ̆ng 'long. Thoi noh lu đe ei sa.

Bl 18:8 Iomraidhean Croise

Bl 18:7

Abraham kơdâu năm tơ khŭl sem dơrong rôp minh pôm rơmo kon 'lơ̆ng, jao ăn kơ đĭch đam sư athei pai hơmet mă tĕnh tĕnh.

Bl 18:9

Lu sư jet Abraham: “Sara akăn ih tơ yơ? Sư khan: “To, sư oei tơ lăm bơsŭn.”

Bl 19:3

Mă-lei Lot 'nur khŏm khŏm dĭng 'bar 'nu linh jang 'lơ̆ng chu năm 'bĭch tơ hnam sư. Sư pôk ăn tơmam sa, pơm 'bĕng ưh kơ đei 'buh, na bre linh jang 'lơ̆ng sŏng sa.

Ne 12:44

Lăm năr noh, đe rơih chă bơngai wei-lăng lu hnam mong tơmam pơyơ̆r plei blŭng-a lăm bơyan iŏk minh lăm mơjĭt, wă tah mong lăm noh, đei pơkă boih kiơ̆ kơ lu 'bok soi păng bơngai Lêwi, kư̆m đei pơkă kiơ̆ kơ đei chŭn mir tăp dăr kơ pơlei; yua kơ lu bơngai Juđa hiôk chơt yua kơ lu 'bok soi păng bơngai Lêwi oei bơ̆jang awih awăn.

Êsai 7:15

Hơ'lơ̆p ei gô sa đak toh krăl păng đak sut, dĭng truh sư băt hŭt tơdrong kơnê̆ păng rơih iŏk tơdrong 'lơ̆ng.

Êsai 7:22

Yua kơ sư đei đak toh jrah jrai na sư gô sa đak toh krăl, yua kơ lu bơngai oei oei lăm dêh noh sư 'me akâu sư păng đak toh krăl hăm đak sut.

Luka 12:37

Dôm lu đĭch đam mă oei kral gô yŏng sư, ưh kơ tep, na yŏng sư 'mêm tơpă. Inh khan kơ iĕm tơpă, yŏng sư kơdih kư̆m gô awih ăn kơ lu đĭch đam sư tơmam sa dơ̆ng mơ̆n.

Luka 17:8

Yŏng ưh kơ lah thoi noh ôh. Mă-lei yŏng juăt khan kơ đĭch sư thoi âu: ‘E hơmet kơ inh tơmam sa 'mơ̆i, đơ̆ng noh na e pôk kơ inh. Gô inh sa đang 'mơ̆i na e gơh sa.’

Luka 24:30

Na Sư tơoei hơdai păng bre sư wă sŏng sa. Na Yêsu iŏk 'bĕng mi krao khan bơnê kơ 'Bok Kei-Dei na phĕ asong kơ bre sư 'bĕng mi ei.

Luka 24:43

Yêsu iŏk ka noh sa hloi 'bơ̆t anăp lu sư.

Yo 12:2

Na đe hơmet tơmam sŏng sa kơ Sư. Mathê awih awăn kơ lu sư tơmam sa. Lasarơ kư̆m sŏng sa hơdai păng Yêsu mơ̆n.

Jang 10:41

Mă-lei Sư ưh kơ tơ'bôh akâu Sư kơ đĭ kon pơlei pơla ôh. Sư tơ'bôh akâu Sư kơ lu bơngai Sư rơih hơdrol wă pơm kơdranh kơ Sư iung arih boih. Sư tơ'bôh akâu Sư kơ nhôn. Nhôn sŏng sa hơdai păng Sư đơ̆ng rŏng kơ Sư iung arih.

Galati 5:13

Ơ lu 'nhŏng oh, gah lu iĕm Kră Yang 'Bok Kei-Dei krao iĕm kiơ̆ Sư boih, wă kơ iĕm rơngei đơ̆ng tơdrong juăt kon bơngai, mă-lei Sư ưh kơ wă kơ bơ̆n pơma khan bơ̆n rơngei đơ̆ng tơdrong juăt kon bơngai boih, mơ̆ng kơ bơ̆n wă pơm kiơ, mă 'lơ̆ng kơnê̆ kư̆m bưh. Ưh ôh, Sư kuă ăn bơ̆n pơm thoi noh ôh. Sư wă kơ bơ̆n 'mêm dih băl đei đon tơchĕng 'mêm mơnat tơgŭm dih băl tơduă bơ̆n.

Both 32:14

Đơ̆ng khŭl rơmo păng triu bơbe lu sư đei đak toh păng đak toh iŭ. Sa 'nhĕm sĕch rơmă đơ̆ng triu kon păng triu tơno. Rơmo triu tơno, bơbe tơno đơ̆ng char Basan lu iĕm sŏng 'ba 'mi mă 'lơ̆ng hloh; Huch sik đak hơmu đơ̆ng tơm 'brê thoi pham.

Tơdrông Tơ'bôh 3:20

Dang ei Inh oei dơ̆ng tơ 'ngoaih 'măng wă krao iĕm. Bu kơtơ̆ng 'bơ̆r Inh krao na pơih kơ Inh 'măng, bơngai noh Inh wă mơ̆t oei hăm sư, sŏng sa hơdai sư.

Lu 13:15

Manôa apinh dơ̆ng linh jang 'lơ̆ng Kră Yang: Nhôn apinh gơ̆t ih oei 'bơ̆t âu wă kơ lu nhôn hơmet tơmam sa 'buh sa kon bơbe hăm ih.

Lu 5:25

Sisêra apinh đak, yă ei ăn kơ sư đak toh rơmo; Sư iŏk pơnhan bơngai mơdrŏng na hling rơmă đak toh.