Bl 18:6 - Sơ̆p Hlabơar Nơ̆r 'Bok Kei-Dei

⁶ Na, Abraham hăt hot mơ̆t lăm bơsŭn truh tơ Sara na khan: “Mă tĕnh tĕnh bĕ iŏk pêng hnŏng tơpŭng pơjrâu man bĕ, pơm 'bĕng iĕ.”

Bl 18:6 Iomraidhean Croise

Bl 18:5

Inh gô năm iŏk 'bĕng pôk ăn kơ iĕm sa wă kơ đei jơhngơ̆m na lu iĕm yak; yua kơ iĕm đei jur ngôi tơ hnam đĭch đam iĕm boih.” Lu sư noh khan: “Pơm bĕ thoi ih pơma.”

Bl 18:7

Abraham kơdâu năm tơ khŭl sem dơrong rôp minh pôm rơmo kon 'lơ̆ng, jao ăn kơ đĭch đam sư athei pai hơmet mă tĕnh tĕnh.

Bl 19:3

Mă-lei Lot 'nur khŏm khŏm dĭng 'bar 'nu linh jang 'lơ̆ng chu năm 'bĭch tơ hnam sư. Sư pôk ăn tơmam sa, pơm 'bĕng ưh kơ đei 'buh, na bre linh jang 'lơ̆ng sŏng sa.

II Sam 13:6

Na, Amnôn 'bĭch pơm bơlŏ, lăp 'bă sư pơtao năm lăng, na Amnôn pơma hăm pơtao: Inh apinh ih ăn kơ Tamar năm tơ âu, pơm 'bar tŏ 'bĕng iĕ 'bơ̆t anăp inh; păng gô pôk hiŏng 'bĕng noh hăm ti sư kơdih ăn kơ inh sa.

Horiso 119:60

Inh hăt hot hloi ưh kơ gô ôh. Wă wei răk dôm nơ̆r Ih tơtă.

Êsai 32:8

Mă-lei lu bơngai 'lơ̆ng sư chă đon 'lơ̆ng, sư ling-lang jang hăm tơdrong 'lơ̆ng sư.

Mathiơ 13:33

Yêsu oei bơtho pơtih gia kơ lu sư dơ̆ng: “Tơdrong 'Bok Kei-Dei pơgơ̆r kon bơngai thoi lĕ kơ 'buih pông. Minh 'nu drŏ-kăn iŏk 'buih pông tŏ sĕt bơlŭ păng tơpŭng mi minh kơthŭng na tơpŭng noh kư̆m pông pơđĭ kơ minh kơthŭng noh mơ̆n.”

Jang 16:15

Na yă Liđa păng đĭ-đăng hnam dơnŏ sư iŏk 'batem. Sư khan kơ nhôn: “Yah iĕm băt tơchĕng inh lui kơ Kră Yang Yêsu boih, inh apinh iĕm tŏk 'bĭch tơ hnam inh.” Sư pơtơm 'bĭch tơ hnam sư na nhôn tŏk 'bĭch pơdơh tơ hnam sư hloi.

Rom 12:13

Tơduă bơ̆n bơngai lui 'nĕ kơ kret băl tơmam, tơmoi truh athei băt kơ sơng iŏk tơ hnam.

Galati 5:13

Ơ lu 'nhŏng oh, gah lu iĕm Kră Yang 'Bok Kei-Dei krao iĕm kiơ̆ Sư boih, wă kơ iĕm rơngei đơ̆ng tơdrong juăt kon bơngai, mă-lei Sư ưh kơ wă kơ bơ̆n pơma khan bơ̆n rơngei đơ̆ng tơdrong juăt kon bơngai boih, mơ̆ng kơ bơ̆n wă pơm kiơ, mă 'lơ̆ng kơnê̆ kư̆m bưh. Ưh ôh, Sư kuă ăn bơ̆n pơm thoi noh ôh. Sư wă kơ bơ̆n 'mêm dih băl đei đon tơchĕng 'mêm mơnat tơgŭm dih băl tơduă bơ̆n.

Hêbrơ 13:2

Tơmoi truh athei băt kơ sơng iŏk tơ hnam bơ̆n, mă khan bơ̆n ưh tam mă juăt kơ sư đơ̆ng sơ̆. Đei lu yă 'bok sơ̆, sư sơng iŏk bơngai tơmoi kư̆m thoi noh mơ̆n. Đơ̆ng sơ̆ sư ưh tam mă tơ'bơ̆p lu bơngai tơmoi noh ôh, sư ngêh kơ lu bơngai tơmoi noh kon bơngai bơ̆n đĕch, mă tă kơ lu linh jang 'lơ̆ng 'Bok Kei-Dei đơ̆ng plĕnh.

I Pet 4:9

Bơngai lui đơ̆ng tơmoi truh, bơ̆n athei sơng iŏk sư tơ hnam bơ̆n mă 'lơ̆ng.

Lu 6:19

Giđêôn sư mơ̆t lăm bơsŭn sư hơmet 'nhĕm rôp minh pơm kon bơbe păng iŏk minh Ephata tơpŭng hĕch pơm 'bĕng ưh kơ đei 'buih pông. Sư tah 'nhĕm lăm bai, tuh đak 'nhĕm lăm gŏ na chĕp tơmam pơyơ̆r ei ăn kơ Kră Yang tơ ala yơ̆p 'long kôih

I Sam 28:24

Bơngai drŏ-kăn ei đei minh pơm kon rơmo bek, hăt hot 'bet pơlôch rơmo noh, na iŏk tơpŭng pơm 'bĕng ưh kơ đei 'buih pông.