Bl 18:32 - Sơ̆p Hlabơar Nơ̆r 'Bok Kei-Dei

³² Abraham apinh dơ̆ng: “Apinh Kră Yang 'nĕ hil, inh kơkuh apinh pă minh wơ̆t âu boih: Dah oei đei đăi mơjĭt 'nu, lei Ih tơchĕng thoi yơ?” Kră Yang khan: “Inh kư̆m huay kơ pơlôch pơlei noh ôh, yua kơ mơnat 'mêm kơ mơjĭt 'nu noh.”

Bl 18:32 Iomraidhean Croise

Bl 18:30

Abraham hơnơ̆ng kơ apinh: “Inh apinh Kră Yang 'nĕ hil, na inh khan: Dah lăm pơlei noh đei lăp pêng-jĭt 'nu đĕch, lei lơliơ?” Kră Yang khan: “Dah Inh chă đei 'bôh pêng-jĭt 'nu bơngai tơpăt lăm noh, Inh ưh kơ pơlôch ôh.”

Bl 18:31

Abraham apinh dơ̆ng: “Inh âu kư̆m nuih pơ̆n apinh Kră Yang: Dah đei lăp 'bar-jĭt 'nu, mưh lei lơliơ?” Kră Yang khan: “Yua kơ 'mêm mơnat kơ 'bar-jĭt 'nu noh, Inh huay pơlôch pơlei noh ôh.”

Bl 44:18

Juđa năm jê̆ tơ Jôsep păng lung apinh thoi âu: Yua kơ ih pơm tih hơtŏ kơ hơngiĕng Pharaôn, apinh ih mơnat, 'nĕ kơ hil blĕk kơ đĭch đam ih, asong inh pơma minh nơ̆r kơ ih mơ̆ng yŏng tơ'ngla.

Jop 33:23

Mă-lei tơdah kơplah 'nâu đei linh jang 'lơ̆ng truh, Lăp minh 'nu lăm rơbâu hơngan linh jang. Wă pơm 'long sơlam bơtho kon bơngai pơm tơdrong trŏ.

Horiso 86:5

Ơ Kră Yang! Ih 'lơ̆ng tơpăt băt mơnat ăn. Ih 'bĕnh kơ 'mêm mơnat rơkah rơkai kơ đĭ-đăng lu bơngai mă krao chă Ih.

Le 32:14

Đơ̆ng noh Kră Yang tơplih tơdrong Sư tơchĕng wă pơm kơnê̆ lu kon pơlei pơla Sư.

Tơdrông Pơđơk 15:8

Tơmam soi lu bơngai kơnê̆ pơm 'mê̆ krưp kơ Kră Yang; Mă-lei đei nơ̆r krao khan đơ̆ng lu bơngai tơpăt Kră Yang lăp đon.

Êsai 65:8

Kră Yang khan: “Thoi đe oei 'bôh đak hơmu lăm hơie hơmu Na khan: ‘'Nĕ kơ pơrăm lê̆, yua kơ lăm plei noh oei đei tơdrong 'lơ̆ng.’ Inh kư̆m gô pơm thoi noh kơ lu đĭch đam Inh, Inh ưh kơ pơrăm đĭ-đăng lu sư ôh.

Je 5:1

“Kơdâu chă lăng bĕ jơ̆p kơ trong lăm pơlei tih Jêrusalem Athei chă lăng păng răk lăm đon, Chă lăng tơ jơ̆p anih đe juăt adrŭm. Chă lăng hăm đei minh 'nu bơngai pơm 'lơ̆ng tơpăt, 'maih chă tơdrong 'lơ̆ng, wă kơ Inh mơnat ăn kơ pơlei tih Jêrusalem?

Mi 7:18

Hăm đei bu jing 'Bok Kei-Dei thoi Ih, huay kơ jô̆ yo kơ tơdrong kơnê̆ đe păng huay kơ 'blŏk tơdrong glăi đơ̆ng kon pơlei mă oei oei lăm pơlei Ih, Ih huay kơ oei blĕk khŏm khŏm, yua kơ Ih iŏk tơdrong 'mêm mơnat na hiôk chơt.

Mathiơ 7:7

“Krao khan apinh 'Bok Kei-Dei khŏm khŏm na Sư gô asong kơ iĕm. Iĕm nŏng kơ chă khŏm khŏm, Sư gô tơ'bôh kơ iĕm. Iĕm dơdŭ 'măng Sư khŏm khŏm, na Sư gô pơih ăn.

Êphêsô 3:20

Bơnê kơ 'Bok Kei-Dei Kră Yang mơsêh tăp pang mơyang tăp dăr tơgŭm bơ̆n lơ hloh kơ đêl bơ̆n apinh, lơ hloh kơ đêl đon bơ̆n tơchĕng.

Lu 6:39

Giđêôn pơma dơnuh dơ̆ng hăm Kră Yang 'Bok Kei-Dei: Apinh ih 'nĕ kơ hil mĭl kơ inh; ăn kơ inh pơma hăm Ih hơya pă minh wơ̆t đơ̆ng; ăn kơ inh pơlong lăng hăm akar sŏk triu pă minh wơ̆t đơ̆ng. Apinh Ih ăn kơ akar sŏk triu hrĕng kro, mă-lei lê̆ tŭk ngom jur gom jơ̆p kơ teh.