Bl 18:24 - Sơ̆p Hlabơar Nơ̆r 'Bok Kei-Dei

²⁴ Dah lăm pơlei đei pơđăm-jĭt 'nu bơngai tơpăt, Kră Yang kư̆m wă pơlôch lu sư hai aah? Ih ưh kơ mơnat ăn kơ pơlei noh hă yua kơ đei pơđăm-jĭt 'nu bơngai tơpăt oei lăm noh?

Bl 18:24 Iomraidhean Croise

Bl 18:23

Abraham năm jê̆ na khan thoi âu: “Kră Yang wă pơlôch đĭ lu bơngai 'lơ̆ng hơdai hăm lu bơngai kơnê̆ aah?

Bl 18:25

Na Ih ưh kơ wă pơm thoi noh aah? Pơlôch lu bơngai tơpăt hơdai hăm lu bơngai yoch; dĭng mah jô̆ lu bơngai tơpăt kư̆m thoi lu bơngai kơnê̆, ưh ôh, Kră Yang ưh kơ đei layơ pơm thoi noh! Kră Yang sek tơlang kơ jơ̆p teh đak, ưh kơ đei pơm tơdrong tơpăt aah?”

Bl 18:32

Abraham apinh dơ̆ng: “Apinh Kră Yang 'nĕ hil, inh kơkuh apinh pă minh wơ̆t âu boih: Dah oei đei đăi mơjĭt 'nu, lei Ih tơchĕng thoi yơ?” Kră Yang khan: “Inh kư̆m huay kơ pơlôch pơlei noh ôh, yua kơ mơnat 'mêm kơ mơjĭt 'nu noh.”

Jop 35:8

Tơdrong kơnê̆ ih lăp gơh pơrăm bơngai thoi ih, Tơdrong 'lơ̆ng tơpăt ih gơh tơgŭm kơ kon bơngai đĕch.

Êsai 1:9

Tơdah Kră Yang Tih Hloh ưh kơ lê̆ bơ̆n arih hơya tŏ sĕt, lei lu bơ̆n kư̆m răm lei-lăi thoi pơlei Sôđôm păng thoi pơlei Gômôrơ mơ̆n.

Je 5:1

“Kơdâu chă lăng bĕ jơ̆p kơ trong lăm pơlei tih Jêrusalem Athei chă lăng păng răk lăm đon, Chă lăng tơ jơ̆p anih đe juăt adrŭm. Chă lăng hăm đei minh 'nu bơngai pơm 'lơ̆ng tơpăt, 'maih chă tơdrong 'lơ̆ng, wă kơ Inh mơnat ăn kơ pơlei tih Jêrusalem?