Bl 18:21 - Sơ̆p Hlabơar Nơ̆r 'Bok Kei-Dei

²¹ Na Inh gô jur wă lăng pơnhen lăm lu sư arih sa hăm trŏ thoi nơ̆r đei krao ôr mă đei truh tơ Inh; dah ưh kơ tơpă, na Inh gô băt.”

Bl 18:21 Iomraidhean Croise

Bl 11:5

Kră Yang jur lăng pơlei hnam thôt mă kon bơngaib đei pơm.

Bl 11:7

Bĕ, lu bơ̆n jur pơm bơlŭ lê̆ nơ̆r pơma lu sư ưh pă hlôh băl dơ̆ng kơ nơ̆r pơma bơngai âu pơma kơ bơngai to.”

Bl 18:17

Kră Yang khan lăm to thoi âu: “Liơ Inh wă ôn kơ Abraham dôm tơdrong kiơ inh wă pơm?

Bl 6:12

Âu, Kră Yang 'Bok Kei-Dei lăng lăm teh đak, 'bôh tơdrong yoch răm, yua kơ đĭ-đăng kon bơngai pơm ăn kơ trong sư kơdih kơpal teh âu răm đĭ.

Jop 34:22

Ưh kơ đei măng mu găm măng klăm hơ'bơ̆l ayơ ăn kơ bơngai pơm kơnê̆ gơh ôn akâu.

Horiso 14:2

Kră Yang 'Bok Kei-Dei nger lăng đơ̆ng plĕnh ti tơ kon bơngai. Wă lăng hăm đei bu gơh băt. Chơchă Kră Yang 'Bok Kei-Dei ưh?

Horiso 90:8

Ih dan boih tơdrong kơnê̆ lu nhôn 'bơ̆t anăp Ih, păng pơdah dôm tơdrong yoch hlơp lu nhôn. Lăm hơdah 'bơ̆t anăp Ih

Le 3:8

lei Inh jur wă pơklaih lu sư đơ̆ng ti bơngai Êyiptơ, chông tơlĕch lu sư đơ̆ng dêh 'noh năm tơ dêh 'lơ̆ng rŏ, glă rơhơi, đei tơmam sa mah rơkah rơkai dêh char đak toh, đak sut, 'noh char Kanaan, đei kon pơlei Hêtit, kon pơlei Amôrit, kon pơlei Phêrêsit, kon pơlei Hêwit păng kon pơlei Jêbus oei tơ noh.

Le 33:5

Yua kơ Kră Yang khan bơih kơ Môis, khan bĕ lu kon pơlei pơla Isơrael, lu iĕm jing kon pơlei pơla arăng kơ̆l, dah Inh năm hơdai iĕm 'nao lăp hrei hrei đĕch, Inh gô pơrăm iĕm! Thoi noh dang ei plôh bĕ tơmam pơhrôp iĕm, wă kơ Inh băt gô pơm kiơ kơ iĕm.

Je 17:1

Tơdrong yoch bơngai Juđa đe chih răk boih hăm 'long chih bơsei, chhơ̆ hăm pla tơmo jơmŏng, tơ gơ'bang lăm jơhngơ̆m lu sư, Păng chih tơ kơpal hơke tơ mum chơnang soi lu sư.

Je 17:10

Inh boih Kră Yang, Inh lăng 'bôh lăm jơhngơ̆m, pơlong lăng jơhngơ̆m đon tơchĕng, wă pơm tơwih kơ rim 'nu kiơ̆ thoi trong lu sư arih, kiơ̆ 'blep thoi đêl tơdrong lu sư pơm.

Jôna 1:2

Ih iung bĕ! Năm tơ pơlei tih Niniwe, pơma khă lu sư, yua kơ tơdrong yoch lu sư tih kơtơ̆ng truh tơ Inh.

Mi 1:3

Yua kơ âu, Kră Yang lĕch đơ̆ng anih Sư, jur kơpal juă tơ anih kơjung hloh.

Jêphania 1:12

Lăm kơplah noh, Inh gô iŏk ŭnh kơđeng păng ŭnh hơchô̆ nhơk chơchă lăng Jêrusalem, Inh gô phak lu bơngai pơgŏk et tơdrô lăm anih noh, lu sư khan lăm jơhngơ̆m lu sư thoi âu: ‘Kră Yang ưh pă đei tơjur ăn tơdrong pŭn hiôk, kư̆m ưh pă đei wă tuh tơdrong gleh truh.’

Luka 16:15

Na Yêsu khan kơ lu sư: “Lu iĕm lăp đon kơ đe khan kơ iĕm bơngai 'lơ̆ng ră, mă-lei 'Bok Kei-Dei băt kơ jơhngơ̆m lu iĕm kơnê̆. Tơdrong kon bơngai ala teh âu pơang khan 'lơ̆ng ră, mă-lei 'Bok Kei-Dei lăng kơnê̆ kơ Sư.

Yo 6:38

Inh jur đơ̆ng plĕnh ưh kơ sĭ wă pơm kiơ̆ thoi Inh wă ôh. Inh jur đơ̆ng plĕnh wă pơm kiơ̆ thoi 'Bă Inh wă, kơlih Sư wơh Inh.

II Kor 11:11

Yua kơ kiơ inh pơma thoi noh, yua kơ inh ưh kơ 'mêm kơ iĕm hă? Ưh ôh. Tơdrong noh 'Bok Kei-Dei Sư băt kơ inh 'mêm kơ iĕm tơpă.

Both 13:3

Na 'nĕ kơ mơ̆ng ôh nơ̆r bơngai khan lê̆ adrol noh dah lu bơngai apo noh roi, yua kơ Kră Yang 'Bok Kei-Dei lu iĕm pơlong lăng lu iĕm, wă băt kơ lu iĕm hăm đĭ jơhngơ̆m klơm klak đĭ đon tơchĕng 'mêm kơ Kră Yang 'Bok Kei-Dei lu iĕm dah ưh.

Both 8:2

Athei 'blŏk kơ đĭ-đăng trong mă Kră Yang 'Bok Kei-Dei iĕm chông anhăk ba iĕm lăm puăn-jĭt sơnăm kơ 'nâu tơ lăm char glă pơmat-tat, wă pơlong iĕm, wă kơ băt iĕm hăm đei wei răk dôm nơ̆r Sư tơtă dah ưh.

I Tes 4:16

Năr ei kơnh 'bok yŏng lu linh jang 'lơ̆ng gô pơma krao pơret đơ̆ng plĕnh ti păng đei linh jang 'lơ̆ng hlôm keng 'Bok Kei-Dei. Na Kră Yang Yêsu Krist jur hloi đơ̆ng plĕnh, na lu bơngai lôch mă lui kơ Yêsu boih sư iung arih 'mơ̆i.

Hêbrơ 4:13

Ưh kơ đei tơdrong kiơ mă hlơp kơ 'Bok Kei-Dei tơ'ngla mă sek tơlang bơ̆n, Sư 'bôh nhên tôm tơdrong kon bơngai pơm.

Jôsuê 22:22

Kră Yang 'Bok Kei-Dei oei Tih Hloh, Kră Yang 'Bok Kei-Dei Tih Hloh mơsêh mơyang băt tơdrong noh păng Isơrael gô băt! Tơdah 'nâu minh tơdrong blah păng ưh kơ chu kiơ̆ nơ̆r Kră Yang noh lei dang ei apinh Kră Yang 'nĕ pă ăn lu nhôn arih.