Bl 18:14 - Sơ̆p Hlabơar Nơ̆r 'Bok Kei-Dei

¹⁴ Hăm đei tơdrong kiơ mă Kră Yang ưh kơ gơh pơm? Truh năr đêl pơkă, lăm minh sơnăm dơ̆ng, inh gô hơlơ̆k tơ ih păng Sara gô đei tơpŭ kơ minh 'nu kon drŏ-nglo.”

Bl 18:14 Iomraidhean Croise

Bl 17:16

Inh gô ăn pŭn hiôk kơ sư, đơ̆ng sư Inh gô ăn kơ ih minh 'nu kon drŏ-nglo. Inh ăn kơ sư đei pŭn hiôk, sư gô pơm mĕ kơ lơ adrĕch adrung; wă kơ đơ̆ng sư jing đei lơ dêh char păng dôm lu pơtao gô lĕch đơ̆ng sư.”

Bl 17:21

Mă-lei Inh gô pơgơ̆p pơkă hăm Isăk truh sơnăm anăp dang âu, Sara gô tơpŭ kơ ih Isăk.”

Bl 18:10

Na Kră Yang khan: “Lăm minh sơnăm dơ̆ng, Inh gô năm tơ âu, wă ngôi tơ ih, ưh kơ pơngiĕl ôh păng kơplah noh Sara, akăn ih, gô đei minh 'nu hơ'lơ̆p drŏ-nglo.” Sara oei ngôi tơ rŏng kơ Kră Yang 'bơ̆t anăp 'măng bơsŭn, kơtơ̆ng dôm lu nơ̆r noh.

Bl 18:13

Kră Yang pơma jet Abraham thoi âu: “Yua kơ kiơ Sara hiĕk thoi noh khan: ‘Hăm sĭt đei tơpă inh đĭ kră boih lâu khan đei kon?’

Bl 18:15

Yua kơ Sara hli, na sơngah khan: “Inh đei hiĕk tơ yơ.” Mă sư khan thoi âu: “Tơpă, ih đei hiĕk!”

Bl 21:1

Kră Yang năm tơgŭm yă Sara, kiơ̆ thoi nơ̆r sư đei pơma pơkă, pơm 'blep thoi Sư đei khan kơ Sara.

Bl 21:2

Sara anăp, tơpŭ ăn minh 'nu kon drŏ-nglo kơ Abraham lăm năr sư đĭ kră boih, trŏ 'blep kơ năr đêl Kră Yang 'Bok Kei-Dei pơkă.

II Pot 4:16

Êlisê khan kơ duch ei: “Sơnăm anăp, kơplah bơyan 'nâu mơ̆n ih gô pôk minh 'nu hơ'lơ̆p drŏ-nglo.” Duch ei tơl: “Ưh, ơ yŏng tơ'ngla inh, bơngai mă Kră Yang 'Bok Kei-Dei yua, ih 'nĕ kơ pơma hơlĕnh pơ'brơh kơ inh đam drŏ-kăn ih.”

Jop 36:5

Kră Yang 'Bok Kei-Dei Tơ'ngla Mơsêh Mơyang ưh kơ đei pơjăm bu. Sư hơgei hlôh wao kloh klĕch.

Jop 42:2

Inh băt kơ Kră Yang gơh pơm tôm tơdrong, Ưh kơ đei bu gơh găn Ih tơdrong Ih wă pơm.

Horiso 90:13

Ơ Kră Yang! Apinh Ih hơlơ̆k dơ̆ng. Ih wă hil dĭng dang yơ? Tơplih jơhngơ̆m Ih mơnat kơ đĭch đam Ih

Horiso 93:1

Kră Yang pơgơ̆r; Sư hrŭk ư-ang rang mơnhal. Kră Yang hrŭk tơdrong ư-ang rang mơnhal păng tơ̆n tơdrong pran kơtang, tơpă pơjing teh đak kơjăp, ưh kơ đei pơpơ̆.

Horiso 95:3

Yua kơ Kră Yang jơ̆ 'Bok Kei-Dei Tih Hloh. Sư pơtao Tih Hloh kơ đĭ-đăng yang

Êsai 50:2

Lơliơ mưh Inh truh ưh kơ đei 'bôh bơngai bu? Mưh Inh krao ưh kơ đei bơngai bu tơl? Ti Inh kơđeh hă na ưh kơ gơh dŏng pơklaih? Dah Inh ưh kơ đei jơhngơ̆m pran wă dŏng pơklaih iĕm hă? 'Nâu wă Inh chrih na đak dơsĭ hrơ̆ hloi. Inh ăn kơ đak krong jing char glă; ka tơ ala đak krong gô lôch đĭ jing 'bâu ôm yua ưh kơ đei đak.

Je 32:17

“Ơ Kră Yang! Ih boih Tơ'ngla yơ̆r ti man pơjing kơ plĕnh hăm teh âu hăm tơdrong mơsêh mơyang tih Ih. Ưh kơ đei tơdrong kiơ mă tơnat 'bơ̆t anăp Ih.

Je 32:27

“'Nâu, Inh boih Kră Yang, 'Bok Kei-Dei kơ đĭ-đăng kon bơngai. Hăm đei tơdrong kiơ mă hơnat kơ Inh?”

Da 6:20

Pơtao năm 'nao wă jê̆ sơlŭng dăm-brang, sư krao Đaniel hăm nơ̆r sơ'ngon pơtao pơma hăm Đaniel thoi âu: Ơ Đaniel, đĭch đam Kră Yang 'Bok Kei-Dei mă arih ling-lang! Kră Yang 'Bok Kei-Dei ih, mă ih oei bơ̆jang Sư hăm pơklaih ih đơ̆ng 'bơ̆r dăm-brang ưh?

Mi 7:18

Hăm đei bu jing 'Bok Kei-Dei thoi Ih, huay kơ jô̆ yo kơ tơdrong kơnê̆ đe păng huay kơ 'blŏk tơdrong glăi đơ̆ng kon pơlei mă oei oei lăm pơlei Ih, Ih huay kơ oei blĕk khŏm khŏm, yua kơ Ih iŏk tơdrong 'mêm mơnat na hiôk chơt.

Sa 8:6

Kră Yang Tih Hloh khan thoi noh: “Lăm lu năr noh mă khan măt lu kon pơlei mă oei arih lăng hlĭch hlăch ră, mă-lei măt inh ưh kơ hlĭch?” Kră Yang Tih Hloh khan thoi noh.

Jo 11:23

Kră Yang khan kơ Môis thoi âu: Ti Kră Yang kơđeh hă?a Ih gô lăng hŏ tơdrong mă Inh đei khan boih hăm ih gô lăng hăm truh trŏ 'blep.

Mathiơ 14:31

Yêsu thar tơkan rôp ti păng khan: “Liơ ih lui rơdu dêh, liơ ih ưh kơ lui ngeh kơ Inh?”

Mathiơ 19:26

Yêsu lăng lu sư păng khan: “Kon bơngai ưh kơ gơh mơ̆t kơdih tơ dêh char 'Bok Kei-Dei ôh, dah 'Bok Kei-Dei ưh kơ pơklaih yoch sư. 'Bok Kei-Dei pơklaih yoch sư na sư gơh mơ̆t, yua kơ 'Bok Kei-Dei gơh pơm tôm tơdrong.”

Mathiơ 3:9

Iĕm 'nĕ kơ pơhơi khan kuă kơ tơbral kơdih tơdrong yoch, pơm khan sơđơ̆ng kơ Abraham 'bok bơ̆n tơbôl hăm 'Bok Kei-Dei. Inh khan kơ iĕm tơpăt, 'Bok Kei-Dei gơh pơm kơ tơmo âu jing kon sâu Abraham lei-lăi thoi iĕm mơ̆n. 'Bok Kei-Dei sek tơlang kon bơngai, Sư pơlong lăng thoi âu:

Markôs 10:27

Yêsu lăng lu sư păng khan: “Kon bơngai ưh kơ gơh mơ̆t kơdih tơ dêh char 'Bok Kei-Dei ôh, dah 'Bok Kei-Dei ưh kơ pơklaih yoch sư. 'Bok Kei-Dei pơklaih yoch sư na sư gơh mơ̆t yua kơ 'Bok Kei-Dei gơh pơm tôm tơdrong.”

Luka 1:13

Mă-lei linh jang 'lơ̆ng ei khan kơ sư: “Ih 'nĕ kơ hli. 'Bok Kei-Dei kơtơ̆ng nơ̆r ih krao khan apinh sư wă kơ đei kon. Na akăn ih ning-mônh gô tơpŭ kơ minh 'nu kon drŏ-nglo. Na ih anăn sư Yôhan.

Luka 1:18

Na Sachari jet linh jang 'lơ̆ng ei: “Lơliơ inh gơh băt tơdrong noh gơh sĭt yua kơ inh kră tơpă boih păng ŭnh om inh kư̆m kră mơ̆n?”

Luka 1:37

'Bok Kei-Dei gơh pơm tôm tơdrong.”

Luka 8:50

Yêsu kơtơ̆ng sư pơtruh kơ Jairut thoi noh na Sư khan: “Ih 'nĕ kơ hli, ih kư̆ kơ lui đĕch, na kon ih gô klaih.”

Rom 4:21

Sư băt tơpă 'Bok Kei-Dei gô pơm 'blep thoi Sư pơkă wă ăn kơ sư.

Êphêsô 3:20

Bơnê kơ 'Bok Kei-Dei Kră Yang mơsêh tăp pang mơyang tăp dăr tơgŭm bơ̆n lơ hloh kơ đêl bơ̆n apinh, lơ hloh kơ đêl đon bơ̆n tơchĕng.

Both 30:3

Na Kră Yang 'Bok Kei-Dei iĕm gô dŏng pơklaih iĕm đơ̆ng pơm đĭch păng gô chông ba iĕm brŏk. Kră Yang gô mơnat păng akŭm pơpôi lu iĕm đơ̆ng rim anih mă Sư pơm kơ iĕm tơklah tơklang.

Both 7:21

'Nĕ hli tơrơ kơ lu sư; yua kơ Kră Yang 'Bok Kei-Dei iĕm oei hơdai iĕm, noh jơ̆ Kră Yang 'Bok Kei-Dei mă pran kơtang hloh păng trŏ kơ hli.

Philip 3:21

Sư gơh tơplih akâu bơ̆n đơ̆ng bơngai răm-'băm, jing thoi akâu Sư 'lơ̆ng rŏ; Sư gơh pơm tôm tơdrong yua kơ Sư mơsêh tăp pang mơyang tăp dăr.

Philip 4:13

Inh kĕ iŏk dôm tơdrong 'noh yua kơ inh gơnang kơ Yêsu Krist na Sư ăn kơ inh kĕ iŏk dôm tơdrong 'noh. Tơ̆ng ưh, inh ưh kơ kĕ ôh.

Hêbrơ 11:19

Abraham sư băt kơ 'Bok Kei-Dei gơh tơiung arih kon bơngai đơ̆ng lôch, na sư tơchĕng kon sư kư̆m gô iung arih, na sư chu wă soi kơ 'Bok Kei-Dei. Kon sư dang lĕ kơ lôch, dang lĕ kơ 'Bok Kei-Dei tơiung arih boih, yua kơ pă 'biơ̆ đĕch wă lôch boih.

Lu 13:3

Linh jang 'lơ̆ng Kră Yang jur năm 'bơ̆t bơngai drŏ-kăn 'noh na khan: Ih bơngai hơwŏng ưh kơ đei kon, mă-lei ih gô anăp păng gô tơpŭ minh 'nu kon drŏ-nglo.

I Sam 14:6

Jônathan khan hăm bơngai chĕp tơmam tơblah sư: Bĕ ba khŏm năm truh tơ kơđông lu bơngai ưh kơ kăt tơdra akar 'noh.c Băt Kră Yang gô tơgŭm kơ ba; ưh kơ đei tơdrong kiơ găn Kră Yang ăn kơ jei bơ̆n mă bơ̆n tŏ sĕt dah lơ.