Bl 17:5 - Sơ̆p Hlabơar Nơ̆r 'Bok Kei-Dei

⁵ Đe ưh pă krao ih Abram boih, gô krao ih Abrahama yua kơ Inh ăn kơ ih pơm 'bă kơ lơ adrĕch adrung.

Bl 17:5 Iomraidhean Croise

Bl 17:15

Kră Yang 'Bok Kei-Dei khan dơ̆ng kơ Abraham thoi âu: “Gah Sarai akăn ih, lê̆ pă krao Sarai dơ̆ng; mă-lei krao sư Sara.b

Bl 32:28

Bơngai ei khan: “Anăn ih ưh pă Jakôp dơ̆ng boih. Mă-lei krao anăn ih Isơrael, b yua kơ ih tơglơ̆m hăm Kră Yang 'Bok Kei-Dei păng bơngai nai; tă kơ jei ih ngăl.”

Bl 32:29

Jakôp apinh: “Ăn kơ inh băt anăn ih.” Sư tơl: “Yua kơ kiơ ih apinh anăn inh?” Đơ̆ng bơngai noh sơkat ăn kơ Jakôp đei pŭn hiôk 'bơ̆t noh.

Bl 35:10

Păng khan thoi âu: Anăn ih Jakôp, dơning dơmônh ưh pă krao anăn Jakôp dơ̆ng boih, mă-lei krao anăn Isơrael. Thoi noh na Kră Yang 'Bok Kei-Dei anăn sư Isơrael.

II Sam 12:25

Yua kơ Kră Yang 'mêm kơ nge noh dêh, na Sư wơh Nathan bơngai pơtruh nơ̆r sư krao anăn nge noh Jêđiđia.

I Ho 1:27

Thêra pơjing Abram, đe krao anăn Abraham. Adrĕch adrung Abraham

Ne 9:7

Ơ! Kră Yang Ih Kră Yang 'Bok Kei-Dei mă đei rơih iŏk Abram, chông sư lĕch đơ̆ng Ur kon pơlei Kalđê păng krao anăn sư Abraham.

Êsai 65:15

Lu bơngai mă Inh rơih iŏk gô yua anăn iĕm wă hiap pơtê̆ kơ đe. Kră Yang gô pơlôch iĕm; Mă-lei Kră Yang gô iŏk anăn plơ̆ng krao tơplih ăn kơ lu đĭch đam Sư.

Je 20:3

Pơgê năr đơ̆ng rŏng Phashur plôh Jêrêmi đơ̆ng sư hơnuh, Jêrêmi khan kơ sư: “Kră Yang ưh pă krao ih Phashur dơ̆ng, gô krao anăn ih Magor Misabip.a

Je 23:6

Lăm chăl Sư pơgơ̆r khŭl bơngai Juđa gô đei dŏng pơklaih; păng bơngai Isơrael đei arih hiôk hơđơ̆ng. 'Nâu anăn đe gô krao Sư: ‘Kră Yang boih 'lơ̆ng tơpăt lu nhôn.’ ”

Jo 13:16

'Nâu bơngai mă Môis wơh lu sư năm chop dăr lăng char. Môis tơplih anăn Hôsê, kon drŏ-nglo Nun krao anăn Jôsuê.

Yo 1:42

Thoi noh na Andrê anhăk 'nhŏng sư Simôn năm tơ Yêsu. Yêsu lăng sư păng khan: “Ih Simôn kon Yôhan, na dang ei Inh wă anăn ih Sêphaih.” Sêphaih noh nơ̆r Juđê, kiơ̆ nơ̆r Grĕk sư khan Pêtrôs. (Nơ̆r Pêtrôs noh wă khan tơmo.)

Rom 4:17

Yua kơ lăm sơ̆p hla bơar 'Bok Kei-Dei khan sơ̆ thoi âu: “Inh gô ăn kơ ih pơm 'bă kơ đĭ-đăng teh đak.” 'Bok Kei-Dei khan thoi noh na Abraham lui kơ nơ̆r 'Bok Kei-Dei, sư băt kơ 'Bok Kei-Dei gơh ăn kơ bơngai lôch gơh iung arih păng gơh pơjing tôm tơdrong hăm nơ̆r Sư pơma đĕch.

Tơdrông Tơ'bôh 2:17

‘Bơngai bu đei đon, mơ̆ng bĕ dôm tơdrong Yang Bơhngol 'Lơ̆ng pơma kơ rim hnam akŭm 'Bok Kei-Dei. Tơdrong tơblah păng yang kơnê̆ jei bu, Inh gô ăn kơ bơngai noh 'bĕng mana mă kon bơngai tơ ala teh ưh tam đei sa ôh păng Inh gô pôk anăn sư 'nao, anăn 'nao noh Inh chih tơ tơmo kok lat, na ăn kơ sư. Anăn noh lu đe nai ưh kơ băt ôh, pôm sư kơdih đĕch băt.’ ”