Bl 17:19 - Sơ̆p Hlabơar Nơ̆r 'Bok Kei-Dei

¹⁹ Kră Yang 'Bok Kei-Dei khan dơ̆ng thoi âu: “Sĭt tơpă, Sara, akăn ih, gô pơjing kơ minh 'nu hơ'lơ̆p drŏ-nglo, na ih gô krao anăn sư Isăkc Inh gô pơgơ̆p pơkă hăm sư, wă pơgơ̆p pơkă ling-lang hăm adrĕch adrung sư.

Bl 17:19 Iomraidhean Croise

Bl 16:11

Na khan dơ̆ng. “'Nâu, ih oei anăp, ih gô tơpŭ kơ minh 'nu kon drŏ-nglo, ih gô krao anăn sư Ismael, a yua kơ Kră Yang đei kơtơ̆ng tơdrong ih ơh sơ'ngon.

Bl 17:16

Inh gô ăn pŭn hiôk kơ sư, đơ̆ng sư Inh gô ăn kơ ih minh 'nu kon drŏ-nglo. Inh ăn kơ sư đei pŭn hiôk, sư gô pơm mĕ kơ lơ adrĕch adrung; wă kơ đơ̆ng sư jing đei lơ dêh char păng dôm lu pơtao gô lĕch đơ̆ng sư.”

Bl 17:18

Abraham khan kơ Kră Yang 'Bok Kei-Dei thoi âu: “Ô hơpơi Ih ăn kơ Ismael oei arih 'bơ̆t anăp Ih!”

Bl 17:21

Mă-lei Inh gô pơgơ̆p pơkă hăm Isăk truh sơnăm anăp dang âu, Sara gô tơpŭ kơ ih Isăk.”

Bl 17:7

Inh pơgơ̆p pơkă hăm ih păng lu ioi adrĕch adrung ih truh tơ dôm jơhnơr noh pơgơ̆p pơkă ling-lang, Inh boih Kră Yang 'Bok Kei-Dei ih păng lu adrĕch adrung ih.

Bl 21:6

Sara khan thoi âu: “Kră Yang 'Bok Kei-Dei đei pơm kơ inh minh tơdrong hiôk, đĭ-đăng bu bu kơtơ̆ng kư̆m hiôk chhôk hơdai hăm inh.”

Bl 26:2

Kră Yang tơ'bơ̆p sư păng khan thoi âu: “'Nĕ kơ jur tơ dêh Êyiptơ, athei oei bĕ tơ anih mă Inh gô tơ'bôh kơ ih.

Bl 26:3

Oei bĕ tơ char âu thoi tơmoi; Inh gô oei hơdai ih păng gô ăn kơ ih pŭn hiôk. Inh gô ăn kơ adrĕch adrung ih tơring âu păng dêh char âu păng Inh gô pơkeh nơ̆r Inh mă đei pơkă boih hăm Abraham, 'bă ih.

Bl 9:16

Thoi noh plĕnh chro gô tơ'bôh tơ hơmơ̆l Inh lăng tơ noh 'blŏk âu boih tơdrong pơgơ̆p ling-lang mă đơ̆ng Inh đei pơkă hăm dôm lu adrĕch mă đei tơdrong arih kơpal teh.”

Luka 1:55

Sư pơkă kơ lu 'bok bơ̆n sơ̆, đơ̆ng Abraham truh kơ lu kon sâu sư ning-mônh, khan wă tơgŭm bơ̆n ling-lang.”

Hêbrơ 11:11

Yua kơ sư đei đon lui na mă klo kăn bre sư kră pă kĕ, 'Bok Kei-Dei ăn kơ bre sư yă Sara gơh pơjing kon. Na sư lui hloi kơ 'Bok Kei-Dei wă ăn kơ bre sư kon kiơ̆ thoi 'Bok Kei-Dei pơkă.