Bl 17:10 - Sơ̆p Hlabơar Nơ̆r 'Bok Kei-Dei

¹⁰ Rim 'nu kon drŏ-nglo ih athei kăt tơdra akar; Âu boih nơ̆r pơgơ̆p pơkă lu iĕm athei wei răk; wă khan âu tơdrong Inh pơgơ̆p pơkă hăm lu iĕm păng hăm lu adrĕch drung đơ̆ng rŏng dơ̆ng.

Bl 17:10 Iomraidhean Croise

Bl 17:11

Lu iĕm athei kăt tơdra akar; tơdrong juăt noh wă tơdra kơ nơ̆r pơgơ̆p pơkă Inh hăm lu iĕm.

Bl 17:23

Trŏ lăm năr noh Abraham rôp Ismael kon drŏ-nglo sư păng đĭ-đăng lu kon drŏ-nglo lăm hnam sư, dah kon drŏ-nglo tơpŭ lăm hnam sư, dah sư iŏk jên răt kon đe, na kăt ăn tơdra akar, trŏ thoi nơ̆r Kră Yang 'Bok Kei-Dei đei akhan.

Bl 17:27

păng đĭ-đăng lu drŏ-nglo, mă tơpŭ lăm hnam sư noh, dah iŏk jên răt bơngai đơ̆ng tơmoi, kư̆m chu kăt tơdra akar hăm sư ngăl.

Bl 21:4

Trŏ tơhngam năr, Abraham kăt tơdra akar kơ Isăk kiơ̆ thoi tơdrong juăt mă Kră Yang 'Bok Kei-Dei đei pơkă.

Bl 34:15

Lu nhôn gơh chu drơ̆ng nơ̆r iĕm, tơdah lu iĕm iŏk mă jing thoi nhôn 'mơ̆i, wă khan đĭ-đăng kon drŏ-nglo athei kăt tơdra akar.

Bl 34:22

Mă-lei lu sư wă oei minh jơhngơ̆m hăm lu bơ̆n jing minh pôm kon pơlei kư̆ mă lu kon drŏ-nglo bơ̆n chu kăt tơdra akar, kư̆m thoi lu kon drŏ-nglo lu sư mơ̆n.

Le 12:48

Tơdah đei minh 'nu bơngai tơmoi ayơ oei hơdai lăm hnam iĕm, mă 'maih pơm 'blŏk hơdơ̆r giĕng Năm Brih Kră Yang, lei lu bơngai drŏ-nglo lu sư athei kăt tơdra akar; đơ̆ng noh na lu sư gơh năm pơm giĕng Năm Brih 'nâu păng gơh jô̆ thoi bơngai tơpŭ lăm char Isơrael. Mă-lei bơngai bu ưh kơ chu kăt tơdra akar, lei ưh kơ gơh sa ôh.

Le 4:25

Sêpôra iŏk tơmo tơ noh pơm săng, kăt tơdra akar kơ kon sư păng klơ̆m lê̆ tơ ala jơ̆ng Môis na sư khan: Tơpă, ih jing klo inh đơ̆ng pham kon ba âu!

Je 4:4

Kăt tơdra akar iĕm bĕ 'bơ̆t anăp Kră Yang, ơ kon drŏ-nglo Juđa păng kon pơlei Jêrusalem, Kăt bĕ akar jơhngơ̆m iĕm. Kơnh hli kơ tơdrong Inh hil iung thoi ŭnh sa, ưh kơ đei bu kĕ pĭt, yua kơ tơdrong yoch lu iĕm pơm boih.”

Yo 7:22

Môis pơkă ăn kơ iĕm tơdrong kăt tơdra akar; mă tơpă ưh kơ sĭ kơ Môis ôh hơdrol. Tơdrong kăt tơdra akar noh đơ̆ng lu yă 'bok iĕm sơ̆ pơtơ̆p hơdrol. Na lăp năr pơdơh Sa'bat iĕm kư̆m jang kăt tơdra akar đe mơ̆n, yua kơ Môis pơkă thoi noh.

Jang 7:8

'Bok Kei-Dei pơkă khan gô tơgŭm Abraham ling-lang, na Sư athei Abraham kăt tơdra akar lu kon sư wă kơ kon sư 'blŏk tơdrong 'Bok Kei-Dei pơkă wă tơgŭm sư ling-lang. Akăn Abraham tơpŭ minh 'nu kon anăn sư Isăk. Lăp 'bă sư kăt tơdra akar sư, Isăk 'nao tơhngam năr boih. Na Isăk pơjing minh 'nu kon anăn sư Jakôp. Na Jakôp pơjing mơjĭt-'bar 'nu kon, lu đe ei boih 'bok kơdră bơ̆n sơ̆.

Rom 2:28

Mă sư bơngai Juđê, dah sư ưh kơ kiơ̆ tơdrong juăt 'Bok Kei-Dei pơkă, 'Bok Kei-Dei kư̆m ưh kơ jô̆ sư bơngai Juđê ôh. Mă sư kăt tơdra akar, dah sư ưh kơ kiơ̆ tơdrong juăt 'Bok Kei-Dei pơkă, 'Bok Kei-Dei lăng tơdrong sư kăt akar noh ưh kơ yua kiơ ôh.

Rom 3:25

'Bok Kei-Dei Sư sek tơlang kiơ̆ tơdrong tơpăt ngăl, na lu bơngai yoch Sư wă phak tơpă. Mă-lei Sư oei 'mêm kơ kon bơngai, na ăn Kon pôm Sư Yêsu lôch tang kon bơngai tơ 'long pơglang, wă huai iŏk lu bơngai yoch, wă kơ lu bơngai yoch noh lui kơ Kon Sư, gơnang kơ Kon Sư, na 'Bok Kei-Dei jô̆ lu sư jing bơngai 'lơ̆ng rơgoh, Sư huay pă jô̆ yo boih. Kơplah Yêsu tam mă lôch tang sơ̆, đei mơ̆n lu bơngai lui kơ 'Bok Kei-Dei, gơnang kơ 'Bok Kei-Dei, mă-lei Sư huay kơ jô̆ yo ôh dôm tơdrong yoch lu sư, yua kơ Sư wă ăn Yêsu lôch tang lu sư ning-mônh. Tơdrong Sư ăn Kon Sư Yêsu lôch tang kon bơngai noh, Sư wă kơ kon bơngai băt kơ Sư sek tơlang kon bơngai tơpăt.

Rom 3:28

Kon bơngai bơ̆n hiôk 'lơ̆ng hăm 'Bok Kei-Dei yua kơ bơ̆n lui, ưh kơ sĭ yua kơ kĕ kiơ̆ tơdrong juăt Sư pơkă ôh.

Rom 3:30

Tơpă yua kơ đei lăp minh 'nu 'Bok Kei-Dei đĕch. 'Bok Kei-Dei jô̆ bơ̆n bơngai 'lơ̆ng tơpăt yua kơ bơ̆n lui kơ Sư, mă bơngai Juđê mă bơngai nai Sư jô̆ lei-lăi đĕch.

Galati 3:28

Kră Yang Yêsu Krist đih sơng glơng iŏk đĭ-đăng bơngai lui kơ Sư, ưh kơ đei achăng lê̆ bu bu ôh, mă khan bơngai Juđê, bơngai tơmoi nai, mă bơngai đĭch đe, mă bơngai rơngei, bơngai drŏ-nglo dah drŏ-kăn, đĭ-đăng kơ bơ̆n pôm đon dih băl păng pôm đon hăm Yêsu Krist.

Galati 6:12

Lu bơngai wă pơang akâu kơdih, sư wă kơ đe jô̆ sư bơngai 'lơ̆ng, mă tơpă sư boih wă pơgŏ iĕm kăt tơdra akar. Sư pơgŏ iĕm thoi noh sư wă kơ đe huay kơ areh păng pơm kơnê̆ kơ sư. Dah sư khan bơ̆n ưh kơ kăl kăt tơdra akar, athei lui kơ Yêsu Krist lôch tang bơ̆n tơ 'long pơglang đĕch, lei sư hli kơ đe nai pơm kơnê̆ kơ lu sư dơ̆ng.

Êphêsô 2:11

Lu iĕm adrĕch adrung bơngai nai păng ưh kơ băt kiơ̆ tơdrong 'Bok Kei-Dei; na lu bơngai Juđê nhôn pơjăm iĕm khan bơngai ưh kơ băt kăt tơdra akar, mă-lei tơdrong lu nhôn kăt tơdra akar noh kư̆m ưh kơ yua kiơ ôh, yua kơ ti pơm tơ 'ngoaih đĕch.

Both 10:16

Na lu iĕm, athei băt hli yom kơ Kră Yanga 'nĕ pă arăng kơ̆l dơ̆ng.

Both 30:6

Kră Yang 'Bok Kei-Dei gô ăn kơ bơ̆n păng kon sâu lu bơ̆n đei jơhngơ̆m rơmuăn băt chu yom, wă kơ iĕm đĭ jơhngơ̆m klơm klak 'mêm yom kơ Kră Yang 'Bok Kei-Dei, wă kơ gơh arih.

Philip 3:3

Lu bơ̆n âu boih kiơ̆ kơ tơdrong 'Bok Kei-Dei pơkă tơpă. Mă-lei bơ̆n ưh kơ kăl kơ tơdrong kăt tơdra akar chă pơpơm kơdih păng ti thoi noh ôh. Bơ̆n kăl kơ Yang Bơhngol 'Lơ̆ng đĕch; bơ̆n athei gơnang kơ Sư wă kơ bơ̆n gơh kiơ̆ 'Bok Kei-Dei trŏ thoi Sư wă. Tơdrong kăt tơdra akar chă pơm kơdih păng ti đĕch na bơ̆n 'nĕ kơ kiơ̆ ôh hli kơ bơ̆n gơnang kơ tơdrong bơ̆n pơm kơdih, bơ̆n athei gơnang kơ Yêsu Krist đĕch.

Jôsuê 5:2

Kơplah noh Kră Yang khan kơ Jôsuê: Pơm săng păng tơmo mă han na kăt tơdra akar tăl mă 'bar dơ̆ng kơ adrĕch adrung Isơrael.

Jôsuê 5:4

Jôsuê kăt tơdra akar kơ lu sư yua kơ lu kon tơdăm trŏ kơ pơm linh lei, kơplah lu sư lĕch đơ̆ng dêh Êyiptơ, lôch rah rok trong lăm char glă đơ̆ng rŏng kơ lu sư lĕch hlôi đơ̆ng char Êyiptơ.