Bl 17:1 - Sơ̆p Hlabơar Nơ̆r 'Bok Kei-Dei

¹ Kơplah Abram tơsĭn-jĭt tơsĭn sơnăm, na Kră Yang tơ'bôh kơ Abram păng khan thoi âu: “Inh boih Kră Yang 'Bok Kei-Dei mơsêh mơyang, ih athei oei 'bơ̆t anăp Inh na ih jing minh 'nu bơngai 'lơ̆ng tơpăt.

Bl 17:1 Iomraidhean Croise

Bl 12:1

Âu, Kră Yang đei khan kơ Abram thoi âu: “Ih athei lĕch đơ̆ng dêh char âu, tơklah đơ̆ng hnam dơnŏ păng 'nhŏng oh mĕ 'bă ih, na năm tơ dêh char mă Inh gô tơ'bôh kơ ih.

Bl 12:7

Kră Yang pơdah kơ Abram păng pơkă khan: Inh gô ăn adrĕch adrung ih teh đak âu! Đơ̆ng noh, Abram pơm minh pôm chơnang soi kơ Kră Yang, Tơ'ngla mă đei pơdah akâu sư kơ Abram.

Bl 16:16

Âu dơ̆ng, đang kơ Hagar tơpŭ ăn kơ Abram. Ismael boih, kơplah noh Abram noh đei tơhngam-jĭt tơdrâu sơnăm.

Bl 18:1

Kră Yang pơdah akâu sư kơ Abraham lăm kơdrơ̆ng 'long kôih Mamrê, kơplah sư oei ngôi 'bơ̆t 'măng bơsŭn sư kơ'năr drang tŏ.

Bl 18:14

Hăm đei tơdrong kiơ mă Kră Yang ưh kơ gơh pơm? Truh năr đêl pơkă, lăm minh sơnăm dơ̆ng, inh gô hơlơ̆k tơ ih păng Sara gô đei tơpŭ kơ minh 'nu kon drŏ-nglo.”

Bl 24:40

Yŏng tơ'ngla inh tơl inh: ‘Kră Yang mă Tơ'ngla inh oei pơm kiơ̆ gô ăn linh jang Sư jur pơm pơkeh tơdrong jang ih; păng ih gô chă ăn kơ kon drŏ-nglo inh akăn đơ̆ng lăm adrĕch adrung inh, tơ hnam 'bă inh.

Bl 26:2

Kră Yang tơ'bơ̆p sư păng khan thoi âu: “'Nĕ kơ jur tơ dêh Êyiptơ, athei oei bĕ tơ anih mă Inh gô tơ'bôh kơ ih.

Bl 28:3

Apơi apinh Kră Yang 'Bok Kei-Dei mơsêh mơyang ăn tơdrong pŭn hiôk kơ e, ăn kơ e pơjing hơ'lơ̆p rai lơ, wă kơ jing minh adrĕch adrung tih kơdrâ̆m.

Bl 35:11

Kră Yang 'Bok Kei-Dei khan dơ̆ng thoi âu: Inh boih Kră Yang 'Bok Kei-Dei mơsêh mơyang, ih athei pơjing kon hơ'lơ̆p mă rai lơ; jing minh adrĕch adrung kơdrâ̆m păng lơ adrĕch adrung gô đơ̆ng ih, kư̆m đơ̆ng adrĕch adrung ih gô đei lu pơtao.

Bl 43:14

Apơi kơ Kră Yang 'Bok Kei-Dei, mơsêh mơyang tơgŭm ăn kơ sư đei mơnat kơ iĕm păng achăng 'nhŏng ki, hăm Bênjamin ăn kơ iĕm, bĕ gah 'bă, tơdah hiong kon, 'bă kư̆m chu đĕch boih.

Bl 46:3

Kră Yang 'Bok Kei-Dei khan; Inh jơ̆ Kră Yang 'Bok Kei-Dei, Kră Yang 'Bok Kei-Dei 'bă ih. Jur bĕ tơ dêh Êyiptơ, hli kơ kiơ. Yua kơ tơ noh Inh gô ăn kơ ih jing minh adrĕch adrung tih.

Bl 48:15

Đơ̆ng noh sư sơkat ăn kơ Jôsep đei pŭn hiôk. Apơi apinh Kră Yang 'Bok Kei-Dei 'bok inh Abraham păng 'bă inh Isăk chu yom Kră Yang 'Bok Kei-Dei mă wei rong inh đơ̆ng oei nge sơ̆ khơ̆ dang ei.

Bl 48:3

Jakôp khan kơ Jôsep thoi âu: Kră Yang 'Bok Kei-Dei mơsêh mơyang đei tơ'bôh kơ inh păng ăn kơ inh tơdrong pŭn hiôk tơ Lus, lăm dêh Kanaan.

Bl 5:22

Đơ̆ng rŏng kơ Ênok pơjing kơ Mêtusêla boih, đơ̆ng noh sư mơ̆ng kiơ̆ Kră Yang 'Bok Kei-Dei lăm pêng-hrĕng sơnăm, sư pơjing kon drŏ-nglo kon drŏ-kăn.

Bl 5:24

Ênok kiơ̆ Kră Yang 'Bok Kei-Dei, na biŏng pă 'bôh hloi, yua kơ Kră Yang 'Bok Kei-Dei sơng iŏk sư boih.

Bl 6:9

Âu roi gah Nôê. Nôê lăm chăl arih sư jơ̆ minh 'nu bơngai 'lơ̆ng tơpăt, ưh kơ đei tơdrong glăi kiơ, sư kiơ̆ Kră Yang 'Bok Kei-Dei.

I Pot 2:4

păng wă kơ Kră Yang gô pơsĭt nơ̆r Sư pơkă hăm inh khan: ‘Tơdah lu kon sâu ih kơchăng arih sa, tơdah lu sư wă yak năm 'bơ̆t anăp Inh, pơm kiơ̆ tơdrong juăt Inh hăm đĭ jơhngơ̆m klơm klak, lei ih ưh kơ'bah ôh bơngai hơ-oei kơpal tang-dŏ pơtao Isơrael pơtrơp ih.’

I Pot 3:6

Sôlômôn tơl: “Ih đei tơ'bôh bơih tơdrong 'mêm mơnat tih kơ đĭch đam ih Đawit, 'bă inh, yua kơ sư đei đon lui păng jơhngơ̆m đon tơpăt 'bơ̆t anăp Ih: Ih oei tơ'bôh tơdrong 'mêm mơnat tih, na ăn kơ sư đei minh 'nu kon drŏ-nglo hơ-oei kơpal tang-dŏ pơtao sư truh năr 'nâu.

I Pot 8:25

“Dang ei, ơ Kră Yang 'Bok Kei-Dei Isơrael! Apinh Ih pơm pơkeh bĕ đơ̆ng nơ̆r Ih pơkă hăm 'bă inh Đawit, đĭch đam Ih. Ih đei pơkă khan: “'Bơ̆t anăp Inh ih ưh kơ đei khăi ôh bơngai gô hơ-oei kơpal tang-dŏ pơtao Isơrael tơdah lu kon sâu ih năm rok trong ih mă năm adrol bơih 'bơ̆t anăp Inh.”

II Pot 20:3

“Ơ Kră Yang! Apinh Ih 'blŏk kơ inh, đêl inh yak kiơ̆ Ih tơnăp tơpăt păng đĭ jơhngơ̆m pơm 'lơ̆ng 'bơ̆t anăp Ih.” Đơ̆ng noh Hesekia nhơ̆m hơdrĭ hơdrôi đĭ jơhngơ̆m.

Jop 1:1

Tơ lăm dêh char Usa đei minh 'nu bơngai drŏ-nglo anăn sư Jop, sư đei đon 'lơ̆ng tơpăt, băt hli yom kơ Kră Yang 'Bok Kei-Dei păng weh ataih đơ̆ng tơdrong kơnê̆.

Jop 11:7

Ih hăm kĕ hlôh băt tơdrong jrŭ hlĭch Kră Yang 'Bok Kei-Dei. Păng băt tôch hơđăl kơ Kră Yang Tih Hloh?

Horiso 115:3

Kră Yang 'Bok Kei-Dei lu bơ̆n tơ kơpal plĕnh ti, Sư pơm tơdrong kiơ mơ̆ng kơ Sư wă.

Horiso 116:9

Inh gô yak năm 'bơ̆t anăp Kră Yang. Lăm teh đak lu bơngai arih.

Horiso 25:14

Kră Yang pơdah ăn tơdrong hlơpa hăm lu Bơngai đe mă hli yom kơ Sư. Tơ'bôh ăn kơ bơngai noh băt tơdrong Sư pơgơ̆p.

Le 6:3

Inh pơdah tơ'bôh ăn kơ Abraham kơ Isăk păng Jakôp, Inh boih Kră Yang 'Bok Kei-Dei mơsêh mơyang;a mă-lei Anăn Inh Kră Yang,b Inh ưh tam đei layơ tơbăt kơ lu sư.

Tơdrông Pơđơk 10:9

Bơngai bu năm kiơ̆ trong tơpăt băt yak hiôk-hian. Mă-lei bơngai bu yak kiơ̆ trong đŏng gô pơmat.

Êsai 38:3

“Ơ Kră Yang apinh ih 'blŏk kơ inh, tơdrong inh arih tơnăp đĭ jơhngơ̆m kiơ̆ ih păng pơm 'lơ̆ng tơpăt 'bơ̆t anăp Ih” đơ̆ng noh pơtao Hesekia nhơ̆m ôr.

Je 32:17

“Ơ Kră Yang! Ih boih Tơ'ngla yơ̆r ti man pơjing kơ plĕnh hăm teh âu hăm tơdrong mơsêh mơyang tih Ih. Ưh kơ đei tơdrong kiơ mă tơnat 'bơ̆t anăp Ih.

Da 4:35

Đĭ-đăng lu kon pơlei jing nhen hoh-hoy, Kră Yang 'Bok Kei-Dei pơm kơ lu khei sơnglŏng tơ plĕnh ti mơ̆ng kơ Sư wă păng pơm kơ kon pơlei oei kơpal teh, ưh kơ đei bu gơh găn ti Sư păng apinh thoi âu: Kră Yang 'Bok Kei-Dei pơm kiơ thoi noh?

Mi 6:8

Ơ kon bơngai: Tơdrong mă Kră Yang wă kơ ih pơm 'lơ̆ng tơpăt, wă kơ đei tơdrong 'mêm mơnat păng yak năm hăm jơhngơ̆m iơ̆m dim, pơyom kơ 'Bok Kei-Dei ưh?

Jo 11:23

Kră Yang khan kơ Môis thoi âu: Ti Kră Yang kơđeh hă?a Ih gô lăng hŏ tơdrong mă Inh đei khan boih hăm ih gô lăng hăm truh trŏ 'blep.

Jo 24:16

Nơ̆r hơri khan lê̆ adrol đơ̆ng bơngai mă kơtơ̆ng nơ̆r Kră Yang 'Bok Kei-Dei pơma, Băt hlôh tơdrong gơh hơgei Kră Yang Tih Hloh, Lăng 'bôh tơdrong tơ'bôh đơ̆ng Kră Yang Mơsêh Mơyang. Drap bon tơ teh na măt sư lar 'bôh hơdah boih.

Mathiơ 19:26

Yêsu lăng lu sư păng khan: “Kon bơngai ưh kơ gơh mơ̆t kơdih tơ dêh char 'Bok Kei-Dei ôh, dah 'Bok Kei-Dei ưh kơ pơklaih yoch sư. 'Bok Kei-Dei pơklaih yoch sư na sư gơh mơ̆t, yua kơ 'Bok Kei-Dei gơh pơm tôm tơdrong.”

Mathiơ 5:48

Thoi noh na iĕm athei 'mêm kơ đĭ-đăng bơngai kư̆m thoi 'Bă bơ̆n tơ plĕnh ti 'mêm kơ đĭ-đăng bơngai thoi noh mơ̆n.

Luka 1:6

Bre sư pơm 'lơ̆ng tơpăt kơ 'Bok Kei-Dei păng rok kiơ̆ dôm tơdrong juăt 'Bok Kei-Dei pơkă.

Jang 23:1

Pôl hue lăng lu kră sek tơlang na khan: “Ơ lu 'nhŏng oh, đơ̆ng sơ̆ khơ̆ dang ei inh pơm tơpăt, na jơhngơ̆m inh ưh kơ hli 'bơ̆t anăp 'Bok Kei-Dei.”

Jang 24:16

Inh ling-lang adrin wă kơ đei jơhngơ̆m 'lơ̆ng 'bơ̆t anăp 'Bok Kei-Dei hăm kon bơngai.

Êphêsô 3:20

Bơnê kơ 'Bok Kei-Dei Kră Yang mơsêh tăp pang mơyang tăp dăr tơgŭm bơ̆n lơ hloh kơ đêl bơ̆n apinh, lơ hloh kơ đêl đon bơ̆n tơchĕng.

Both 10:17

Yua kơ Kră Yang 'Bok Kei-Dei lu iĕm jơ̆ Kră Yang 'Bok Kei-Dei kơ lu yang păng yŏng kơ đĭ-đăng lu yŏng, wă khan Kră Yang 'Bok Kei-Dei Tih Hloh, mơsêh mơyang păng trŏ kơ hli yom. Sư ưh kơ pơdê bơngai bu, kư̆m ưh kơ đei pơgâm sa bu.

Both 18:13

Iĕm athei oei sa mă 'lơ̆ng rơgoh 'bơ̆t anăp Kră Yang 'Bok Kei-Dei iĕm.

Both 30:20

'Mêm kơ Kră Yang 'Bok Kei-Dei, chu kiơ̆ nơ̆r Sư păng kiơ̆ Sư mă tơpă yua kơ lăp Sư đĕch gơh ăn tơdrong arih na Kră Yang gô ăn kơ iĕm gơh arih sot, tơ lăm teh đak mă Kră Yang hlôi pơkă wă ăn kơ lu 'bok iĕm, 'bok Abraham, Isăk păng Jakôp.

Philip 4:13

Inh kĕ iŏk dôm tơdrong 'noh yua kơ inh gơnang kơ Yêsu Krist na Sư ăn kơ inh kĕ iŏk dôm tơdrong 'noh. Tơ̆ng ưh, inh ưh kơ kĕ ôh.

Hêbrơ 12:28

Thoi noh na bĕ bơ̆n bơnê kơ Sư, yua kơ Sư wă ăn kơ bơ̆n oei tơ minh pôm teh đak mă ưh kơ gơh pơchah răm. Bơ̆n athei kơkuh kơ Sư kiơ̆ thoi Sư lăp đon. Bơ̆n athei băt hli chu kơ Sư mă tơpă, hli kơ bơ̆n pơm ưh kơ trŏ thoi Sư lăp đon,

Hêbrơ 7:25

Thoi noh na mă layơ Sư oei pơklaih ling-lang dôm lu bơngai mă gơnang kơ Sư, wă kơ bơ̆n gơh brŏk tơ 'Bok Kei-Dei, kơlih kơ Sư arih ling-lang ưh kơ tôch. Păng Sư oei apinh 'Bok Kei-Dei ling-lang wă tơgŭm bơ̆n.