Bl 15:9 - Sơ̆p Hlabơar Nơ̆r 'Bok Kei-Dei

⁹ Kră Yang tơl: “Ih athei rôp ăn kơ Inh minh pôm kon rơmo akăn pêng sơnăm, minh pôm bơbe akăn pêng sơnăm păng minh pôm kon triu tơno pêng sơnăm, minh pôm sem pơgâm păng minh pôm kơtơp hơnar.”

Bl 15:9 Iomraidhean Croise

Bl 15:10

Abram rôp tôm đĭ lu kon sem noh, blah phơ̆t tŏk-bŏk rĭ lê̆ tơklă băl; mă-lei sem păr sư ưh kơ đei blah asong ôh.

Bl 15:8

Abram tơl thoi âu: “Kơkuh kơ Ih Kră Yang, liơ inh băt inh gô đei char âu?”

Bl 22:13

Abraham ngơk hue 'bôh đei minh pôm kon triu tơno tơ rŏng sư oei đom kơ hơmŭl 'long, na sư rôp iŏk triu 'noh 'buh pơm tơmam pơyơ̆r tơplih kơ kon sư.

Horiso 50:5

“Akŭm bĕ hăm Inh! Ơ lu bơngai 'lơ̆ng rơgoh Inh, lu bơngai iŏk boih tơdrong pơgơ̆p 'bih Inh hăm tơmam soi.”

Hơri Hiôk 2:12

Pơkao lăm teh đĭ tơlang. Bơyan sem kơtơp asi, Bơyan hơri chơt hiôk truh bơih, Jơ̆p lăm tơring bơ̆n.

Êsai 15:5

Jơhngơ̆m inh hmoi ơh kơ Môap. Lu kon pơlei sư kơdâu ôn tơ pơlei Soar păng truh tơ pơlei Êglat Sêlisia, lu sư tŏk năm tơ pơlei Luhit, nhơ̆m rah yak rah rok trong pơlei Hôrônaim, lu sư hmoi ơh sơ'ngon yua kơ tơdrong đe pơrăm đĭ.

Lêwi 1:10

Tơdah tơmam sư wă pơyơ̆r soi 'buh hăm triu dah bơbe sư athei rơih chă tơno mă ưh kơ đei jĭ kiơ,

Lêwi 1:14

Tơdah tơmam sư pơyơ̆r ăn kơ Kră Yang tơmam soi 'buh hăm sem păr, athei iŏk pơyơ̆r sem pơgâm bri dah kon sem kơtơp.

Lêwi 1:3

Tơdah tơmam sư pơyơ̆r tơmam soi 'buh hăm rơmo, sư athei pơyơ̆r rơmo tơno ưh kơ đei tơdrong jĭ kiơ, ăn kơ sư pơyơ̆r tơ 'măng Bơsŭn Anih Akŭm, 'bơ̆t anăp Kră Yang wă kơ Sư lăp đon iŏk.

Lêwi 12:6

Tơdah kơtĕch boih măng năr oei rơgoh tơpŭ nge drŏ-nglo dah drŏ-kăn sư, ăn kơ sư năm ba nge noh kơ 'bok soi tơ Bơsŭn Anih Akŭm chĕp ba minh pôm kon triu minh sơnăm, wă pơm tơmam soi 'buh păng minh pôm kon kơtơp dah pơgâm wă pơm tơmam soi huai đơ̆ng yoch.

Lêwi 12:8

Tơdah sư chă ưh kơ kĕ đei minh pôm kon triu, sư athei rôp 'bar tŏ sem pơgâm dah 'bar tŏ kon kơtơp. Minh pôm 'măn kơ tơmam soi 'buh, minh pôm yua pơm kơ tơmam soi huai đơ̆ng yoch, 'bok soi gô soi sơmah huai yoch sư, na sư gô rơgoh.

Lêwi 14:22

Kŭm thoi noh mơ̆n, kiơ̆ kơ sư đei athei chĕp ba 'bar tŏ kon sem pơgâm dah kon sem kơtơp, sem minh pôm âu pơm tơmam soi huai đơ̆ng yoch, sem minh pôm noh pơm tơmam soi 'buh.

Lêwi 14:30

Păng 'bok soi sư kư̆m gô pơyơ̆r, minh lăm 'bar tŏ kon sem kơtơp dah minh lăm 'bar tŏ sem pơgâm kiơ̆ kơ sư kĕ đei.

Lêwi 3:1

Tơdah bu wă pơyơ̆r tơmam 'blŏk bơnê kơ Kră Yang hăm rơmo tơno dah akăn, athei rơih rơmo 'lơ̆ng huay kơ đei jĭ kiơ.

Lêwi 3:6

Tơdah tơmam sư pơyơ̆r wă 'blŏk bơnê kơ Kră Yang hăm triu tơno dah akăn athei rơih triu 'lơ̆ng huay kơ đei jĭ kiơ ôh.

Lêwi 9:2

Sư khan bơtho Arôn thoi âu: Rôp iŏk bĕ minh pôm kon rơmo tơno wă pơm tơmam soi huai đơ̆ng yoch, minh pôm triu tơno pơm tơmam soi 'buh, 'bar tŏ noh ưh kơ đei jĭ kiơ ôh păng pơyơ̆r 'bơ̆t anăp Kră Yang.

Lêwi 9:4

Minh pôm rơmo dăm, minh pôm triu tơno, wă pơm tơmam soi 'blŏk bơnê, pơyơ̆r 'bơ̆t anăp Kră Yang păng tơmam pơyơ̆r tơpŭng lŭk hrâu boih hăm đak rơmă ôliwơ yua kơ năr âu Kră Yang gô tơ'bôh akâu Sư kơdih kơ iĕm.

Luka 2:24

Na bre sư kư̆m soi sơmah kơ Kră Yang 'Bok Kei-Dei kiơ̆ kơ đe chih lăm tơdrong Kră Yang sơ̆ khan: “Iĕm soi sơmah kơ 'Bok Kei-Dei minh agrop sem kơmuŏl dah 'bar tŏ kon kơtơp.”