Bl 15:6 - Sơ̆p Hlabơar Nơ̆r 'Bok Kei-Dei

⁶ Abram lui tơpă kơ Kră Yang, na Kră Yang jô̆ sư bơngai tơpăt.

Bl 15:6 Iomraidhean Croise

Ne 9:8

Kră Yang 'bôh boih jơhngơ̆m sư tơpăt tơnăp 'bơ̆t anăp Ih păng Ih pơgơ̆p hăm sư, ăn kơ adrĕch adrung sư char đe Kanaan, kon pơlei Hêtit, kon pơlei Amôrit, kon pơlei Phêrêsit, kon pơlei Jêbus păng kon pơlei Girgasit păng pơsĭt 'blep trŏ boih thoi nơ̆r Ih pơkă, yua kơ Ih tơpăt hơnơ̆ng.

Horiso 106:31

Lăm đĭ jơhnơr jô̆ sư bơngai 'lơ̆ng tơpăt, dĭng truh tơ ning-mônh hloi.

Rom 4:11

'Bok Kei-Dei athei Abraham kăt tơdra akar sơ̆, wă kơ tơbăt tơdra tơdrong 'Bok Kei-Dei jô̆ sư bơngai 'lơ̆ng tơpăt yua kơ sư lui păng gơnang kơ 'Bok Kei-Dei tơpă. 'Bok Kei-Dei athei Abraham pơm thoi noh wă kơ Abraham pơm 'bă kơ 'bar khŭl bơngai. Khŭl mă mônh lu bơngai ưh kơ kăt tơdra akar, mă-lei 'Bok Kei-Dei kư̆m jô̆ sư bơngai 'lơ̆ng tơpăt yua kơ lu sư lui păng gơnang kơ 'Bok Kei-Dei tơpă.

Rom 4:9

Tơdrong pŭn noh ưh kơ sĭ Sư ăn pôm lu bơngai kăt tơdra akar đĕch ôh, Sư ăn kơ lu bơngai mă ưh kơ kăt tơdra akar hai mơ̆n, thoi bơ̆n băt boih 'Bok Kei-Dei jô̆ Abraham bơngai 'lơ̆ng tơpăt yua kơ minh tơdrong sư lui đĕch.

II Kor 5:19

'Bok Kei-Dei athei Yêsu Krist pơgơ̆p kon bơngai jơ̆p kơ teh đak, wă kơ kon bơngai 'lơ̆ng hăm Sư dơ̆ng. Sư ưh pă jô̆ yo boih dôm tơdrong yoch. Thoi noh na dang ei Sư wă kơ nhôn bơtho khan krao tơwih kon bơngai jing 'lơ̆ng hăm Sư dơ̆ng.

Hêbrơ 11:8

Abraham kư̆m yua kơ sư đei đon lui kơjăp, na lăp 'Bok Kei-Dei athei sư năm oei tơ dêh nai, na sư năm hloi tơ dêh mă 'Bok Kei-Dei pơkă wă ăn kơ sư noh. Sư kư̆ kơ năm, mă ưh kơ băt wă năm tơ dêh ayơ.

Ya 2:23

Na tơdrong noh trŏ thoi lăm sơ̆p hla bơar 'Bok Kei-Dei đei khan thoi âu: “Abraham đei đon lui păng gơnang kơ 'Bok Kei-Dei na 'Bok Kei-Dei jô̆ sư bơngai 'lơ̆ng tơpăt. Păng 'Bok Kei-Dei krao Abraham bôl juăt Sư.”