Bl 15:5 - Sơ̆p Hlabơar Nơ̆r 'Bok Kei-Dei

⁵ Na Kră Yang chông sư tơ đaih păng khan: “Ih athei ngoi lăng tơ plĕnh. Dah ih kĕ jô̆ lu sơnglŏng jô̆ bĕ.” Kră Yang khan dơ̆ng: “Adrĕch adrung ih kư̆m gô thoi noh.”

Bl 15:5 Iomraidhean Croise

Bl 12:2

Inh gô ăn kơ ih jing minh adrĕch adrung tih, Inh gô ăn kơ ih pŭn hiôk, đe kư̆m gô ư-ang kơ ih, păng ih gô jing tơm kơ tơdrong pŭn hiôk,

Bl 13:16

Inh gô pơm ăn kơ adrĕch adrung ih lơ thoi 'mui teh; kơna dah bu kĕ jô̆ 'mui teh, lei sư kư̆m kĕ jô̆ adrĕch adrung ih.

Bl 16:10

Linh jang 'lơ̆ng Kră Yang khan dơ̆ng: “Kră Yang gô ăn kơ adrĕch adrung ih jing rai lơ, lơlap lơlang dĭng pă kĕ jô̆ dơ̆ng.”

Bl 17:2

Inh gô pơgơ̆p pơkă pơkăm hăm ih, pơm ăn kơ adrĕch adrung ih rai lơ hloh.”

Bl 22:17

Gô tuh ăn pŭn hiôk kơ ih, thim ăn kơ ih đei adrĕch adrung lơ thoi sơnglŏng tơ plĕnh ti, kư̆m thoi chuơh đak dơsĭ păng adrĕch adrung noh blah iŏk kơđông lu ayăt.

Bl 26:4

Inh gô ăn thim kơ adrĕch adrung ih lơ thoi sơnglŏng tơ plĕnh ti: Gô ăn kơ lu sư dêh char âu đĭ-đăng kon bơngai jơ̆p pơlei pơla lăm teh đak gô đei tơdrong pŭn hiôk đơ̆ng lu sư,

Bl 28:14

Adrĕch adrung ih gô lơ kơdrâ̆m thoi chuơh tơ lăm teh âu, lanh truh tơ bơmơ̆t hơlĕch, gơal yă-nơ̆m păng lu khŭl kon bơngai a gô đei pŭn hiôk đơ̆ng ih păng đơ̆ng lu adrĕch adrung ih.

Bl 32:13

Kơmăng noh sư oei tơ noh, sư iŏk lu tơmam kon sem dơrong hơmet pơm tơmam ăn kơ 'nhŏng sư, Êsâu.

I Pot 3:8

Inh đĭch đam Ih oei tŏk-bŏk kon pơlei pơla mă Ih rơih bơih, minh khŭl bơngai lơ kơdrâ̆m ưh kơ kĕ jô̆.

I Ho 27:23

Đawit ưh kơ đei iŏk bơngai Isơrael đơ̆ng 'bar-jĭt sơnăm tơ ala, yua kơ Kră Yang đei pơkă Sư gô ăn kơ kon pơlei Isơrael lơlap lơlang thoi sơnglŏng kơpal plĕnh.

Ne 9:23

Ih kư̆m thim ăn đei kon sâu hrôh ngôh lơ thoi lu sơnglŏng tơ kơpal plĕnh, ba lu sư mơ̆t tơ dêh mă Ih đei pơkă hăm 'bok lu sư sơ̆: Lu iĕm gô mơ̆t tơ noh na iŏk asong băl dêh noh.

Jop 35:5

Ngơk bĕ măt lăng tơ kơpal plĕnh; Lăng bĕ lu hơmơ̆l, sư kơjung hloh kơ ih.

Horiso 147:4

Sư jô̆ đĭ lu sơnglŏng. Anăn ăn đĭ rim lu sơnglŏng.

Le 32:13

Apinh Ih athei 'blŏk bĕ kơ Abraham, Isăk, hăm Isơrael, lu đĭch đam Ih mă Ih đei yua anăn Ih kơdih, na pơkă: Inh gô ăn kon sâu lu iĕm lơ thoi lu sơnglŏng kơpal plĕnh păng Inh gô ăn kơ kon sâu lu iĕm đĭ-đăng teh đak âu mă Inh đei pơkă boih kơ lu sư gô oei tơ noh jang sa ling-lang khŏm khŏm.

Êsai 51:2

Athei tơchĕng bĕ kơ Abraham 'bă iĕm, hăm Sara, bơngai pơjing lu iĕm; kơplah Inh krao sư, sư lăp minh 'nu; Inh tuh ăn tơdrong pŭn hiôk kơ sư na jing đei bơngai lơlap lơlang.

Je 33:22

Inh gô ăn kơ adrĕch Đawit, đĭch đam Inh păng ăn kơ lu bơngai Lêwi jang kơ Inh, Inh gô ăn kơ adrĕch adrung sư lơ thoi sơnglŏng kơpal plĕnh, thoi chuơh cheng đak dơsĭ ưh kơ đei bu kĕ jô̆.”

Rom 4:18

'Bok Kei-Dei pơkă wă ăn kơ sư pơm 'bă kơ đĭ-đăng teh đak păng khan kơ sư, kon sâu sư ning-mônh lơ thoi lĕ sơnglŏng tơ plĕnh. Kơplah noh sơ̆ Abraham sư đei minh-hrĕng sơnăm boih, mă-lei sư ưh tam mă đei kon ôh. Sư kră pă kĕ boih, akâu sư dang lĕ kơ lôch. Gah akăn sư yă Sara kư̆m kră mơ̆n păng sư akâu pôm tăm, thoi yơ 'Bok Kei-Dei pơkă kơ sư khan pơm 'bă kơ đĭ-đăng teh đak? Tơdrong noh, tơ̆ng bơ̆n, ưh kơ gan wă lui ôh. Mă-lei sư lui kơ nơ̆r 'Bok Kei-Dei pơkă kơ sư noh, sư ưh kơ hiơt ôh dôm tơdrong 'Bok Kei-Dei pơkă.

Both 1:10

Kră Yang 'Bok Kei-Dei lu iĕm ăn kơ iĕm bơngai rai lơ, năr 'nâu lu iĕm lơ thoi sơnglŏng kơpal plĕnh.

Both 10:22

Kơplah 'bok lu iĕm jur tơ dêh Êyiptơ, đei lăp tơpơh-jĭt 'nu đĕch; mă dang ei, Kră Yang 'Bok Kei-Dei ăn kơ iĕm lơ thoi sơnglŏng tơ kơpal plĕnh ti.

Hêbrơ 11:12

Abraham kră pă kĕ dang lĕ kơ lôch boih, mă-lei 'Bok Kei-Dei ăn kơ sư gơh pơjing lơ kon sâu, dang sơnglŏng tơ plĕnh, dang pơlao chuơh dơsĭ, pă bu kĕ jô̆.

Jôsuê 24:3

Mă-lei inh rơih iŏk Abraham 'bok lu iĕm lĕch đơ̆ng gah to Krong Tih păng chông ba sư năm jơ̆p-jang kơ dêh Kanaan, ăn kơ sư Isăk păng ăn kơ adrĕch adrung sư chek lar lơ.