Bl 15:13 - Sơ̆p Hlabơar Nơ̆r 'Bok Kei-Dei

¹³ Na Kră Yang khan kơ Abram thoi âu: “Inh khan kơ ih tơpă lu adrĕch adrung ih gô oei tơ lăm minh pôm char ưh kơ trŏ char lu sư, oei tơ ei thoi tơmoi đĕch păng pơm đĭch đam kơ char noh, na char noh gô pơjuă pơđep lu sư lăm puăn-hrĕng sơnăm.

Bl 15:13 Iomraidhean Croise

Bl 15:16

dĭng truh tơ jơhnơr tăl puăn lu adrĕch adrung ih gô wih brŏk hơlơ̆k tơ âu, yua kơ 'bơ̆t noh boih tơdrong yoch kon pơlei Amôrit tôm wă phak boih.”

Bl 17:8

Dêh char mă lu iĕm oei dang ei thoi tơmoi đĕch Inh gô ăn kơ ih păng lu adrĕch adrung ih dêh Kanaan, wă jang sa ling-lang hloi. Inh boih Kră Yang 'Bok Kei-Dei lu sư.”

Bl 47:4

Đơ̆ng noh lu sư khan dơ̆ng: Noh boih lu nhôn oei tơ tơring mă lu nhôn đei truh boih; yua kơ dêh char Kanaan đei pơngot rơwĕt tih dêh, 'nhĕt kư̆m ưh pă đei wă ăn kơ sem dơrong sa, thoi noh, wă apinh ih ăn kơ lu đĭch đam ih âu oei jang sa tơ tơring Gôsen.

Horiso 105:42

Yua kơ Sư 'blŏk kơ nơ̆r pơgơ̆p rơgoh Sư mă đei pơkă hăm Abraham đĭch đam Sư.

Le 1:11

Lei na pơtao ăn bơngai Êyiptơ wei-lăng tơdrong jang chă athei lu sư, wă rôp pơgŏ ăn tơdrong jang gleh trăp kơ kon pơlei Isơrael; lu sư man pơm pơlei Phithom păng Ramse wă pơm hnam tah mong tơmam kơ Pharaôn.

Le 1:13

Lei na bơngai Êyiptơ rôp pơgŏ bơngai Isơrael jang gleh hrat pơmat-tat tơpă.

Le 1:14

Lu sư pơmat kon pơlei Isơrael hăm tơdrong jang hrat pơjuă teh pơm găch păng lơ tơdrong jang nai lăm mir chŭn. Dôm tơdrong jang lu bơngai Êyiptơ rôp pơgŏ kon pơlei Isơrael jang gleh pơmat-tat dêh.

Le 2:24

Kră Yang 'Bok Kei-Dei kơtơ̆ng tơdrong ơh sơ'ngon pơmat-tat lu sư, 'blŏk hơdơ̆r tơdrong pơgơ̆p hăm Abraham, Isăk păng Jakôp.

Le 22:21

Ih 'nĕ kơ pơm kơnê̆ kơ lu bơngai tơmoi păng kư̆m 'nĕ kơ pơjuă lu sư, yua kơ lu iĕm kư̆m đêl jing bơngai tơmoi oei lăm dêh Êyiptơ.

Le 23:9

Ih 'nĕ kơ pơjuă pơđep lu bơngai tơmoi, yua kơ lu iĕm đêl tơmoi tơ dêh Êyiptơ, lu iĕm băt lăm jơhngơ̆m iĕm bơngai tơmoi thoi yơ boih.

Le 3:10

na dang ei, năm bĕ tơ âu, Inh wă wơh ih năm tơ Pharaôn, wă chông tơlĕch kon pơlei Inh, wă khan kon pơlei Isơrael lĕch đơ̆ng dêh Êyiptơ.

Le 3:17

na Inh khan: Inh gô iŏk tơlĕch iĕm đơ̆ng pơmat-tat lăm dêh Êyiptơ, wă anhăk ba iĕm tơ dêh Kanaan, đei kon pơlei Hêtit, kon pơlei Amôrit, kon pơlei Phêrêsit, kon pơlei Hêwit păng kon pơlei Jêbus, wă khan minh dêh char đak toh, đak sut.

Le 3:8

lei Inh jur wă pơklaih lu sư đơ̆ng ti bơngai Êyiptơ, chông tơlĕch lu sư đơ̆ng dêh 'noh năm tơ dêh 'lơ̆ng rŏ, glă rơhơi, đei tơmam sa mah rơkah rơkai dêh char đak toh, đak sut, 'noh char Kanaan, đei kon pơlei Hêtit, kon pơlei Amôrit, kon pơlei Phêrêsit, kon pơlei Hêwit păng kon pơlei Jêbus oei tơ noh.

Lêwi 19:34

Bơngai tơmoi mă chă oei pơdơh hơdai lu iĕm, athei lăng sư thoi kon pơlei iĕm kơdih. Athei 'mêm kơ lu sư thoi iĕm 'mêm akâu kơdih; yua kơ lu iĕm kư̆m đêl jing bơngai tơmoi oei tơ char Êyiptơ sơ̆. Inh boih Kră Yang 'Bok Kei-Dei lu iĕm.

Jo 20:15

tơdrong 'bok yă lu nhôn năm boih tơ dêh Êyiptơ, lu nhôn oei tơ noh kư̆m đunh, mă-lei kon pơlei lăm dêh char noh pơm kơnê̆ kơ nhôn păng 'bok yă lu nhôn.

Jang 7:17

“Hơdrol sơ̆ 'Bok Kei-Dei pơkă wă ăn kơ Abraham păng lu kon sâu sư oei tơ dêh bơ̆n âu. Na năr 'Bok Kei-Dei pơkă ei wă jê̆ truh boih, na lu bơngai Isơrael sơ̆ mă oei tơ dêh char Êyiptơ rai lơ tơpă,

Galati 3:17

Tơdrong inh pơma pơtih gia gah tơdrong pơgơ̆p băl noh hei, inh wă khan thoi âu: Kră Yang 'Bok Kei-Dei pơkă kơ Abraham păng đĭ-đăng lu bơ̆n kon sâu sư sơ̆, khan wă tơgŭm lu bơ̆n, Sư wă tơgŭm tơpă. Na đơ̆ng rŏng kơ 'Bok Kei-Dei pơkă thoi noh sơ̆, truh tơ puăn-hrĕng pêng-jĭt sơnăm, na đei Môis pơkă ăn kơ yă 'bok bơ̆n tơdrong juăt 'Bok Kei-Dei dơ̆ng. Mă 'Bok Kei-Dei ăn kơ Môis pơkă ăn kơ bơ̆n tơdrong juăt đơ̆ng rŏng noh, Sư ưh kơ achăng lê̆ tơdrong Sư pơkă hơdrol khan wă tơgŭm bơ̆n noh ôh.

Both 10:19

Lu iĕm athei 'mêm mơnat kơ lu bơngai tơmoi yua kơ lu iĕm kư̆m jing bơngai tơmoi lăm dêh Êyiptơ.

Both 5:15

Iĕm athei 'blŏk thoi lu iĕm hlôi pơm đĭch boih tơ dêh Êyiptơ, na Kră Yang 'Bok Kei-Dei iĕm yua ti mơsêh mơyang pran kơtang chông ba iĕm lĕch hlôi đơ̆ng noh; yua kơ thoi noh na Kră Yang 'Bok Kei-Dei iĕm đei tơtă boih kơ iĕm, wă kơ iĕm 'blŏk kơ năr pơdơh.