Bl 15:1 - Sơ̆p Hlabơar Nơ̆r 'Bok Kei-Dei

¹ Đơ̆ng rŏng kơ tơdrong noh, đei nơ̆r Kră Yang khan dơ̆ng kơ Abram lăm tơdrong tơ'bôh thoi âu: “Ơ Abram ih 'nĕ kơ hli; Inh âu jơ̆ khêl pĕng ih; ih gô đei tơmam apah tih tơpă.”

Bl 15:1 Iomraidhean Croise

Bl 15:2

Abram tơl thoi âu: “Kơkuh kơ Ih Kră Yang. Ih gô ăn kiơ? Inh gô lôch mă-lei ưh kơ đei kon, bơngai ioi adrĕch adrung hnam inh noh Êliêser, Đơ̆ng pơlei Đamas.”

Bl 15:4

Kră Yang khan dơ̆ng kơ Abram thoi âu: “Bơngai noh ưh kơ trŏ wă pơtrơp tơdrong jang ih ôh, mă-lei bơngai đơ̆ng blu pôih ih pơjing, bơngai mă gô pơtrơp tơdrong jang adrĕch ioi ih.”

Bl 21:17

Kră Yang 'Bok Kei-Dei kơtơ̆ng kon hơ'lơ̆p noh nhơ̆m, na linh jang 'lơ̆ng đơ̆ng plĕnh krao Hagar thoi âu: “Ơ Hagar! Ih đei tơdrong kiơ? 'Nĕ kơ hli, yua kơ Kră Yang 'Bok Kei-Dei kơtơ̆ng boih nơ̆r hơ'lơ̆p ih nhơ̆m tơ anih sư noh.

Bl 22:1

Đang kơ dôm tơdrong noh keh boih, na Kră Yang 'Bok Kei-Dei pơlong lăng Abraham. Sư khan thoi âu: “Ơ Abraham!” Abraham tơl: “Inh tơ âu.”

Bl 22:20

Đơ̆ng rŏng kơ dôm lu tơdrong noh, đe roi ăn kơ Abraham thoi âu: “Duch Milka gô tơpŭ ăn kơ Nahôr oh ih,

Bl 26:24

Măng noh Kră Yang jur tơ sư păng khan: Inh boih Kră Yang 'Bok Kei-Dei Abraham, 'bă ih, 'nĕ kơ hli, Inh oei hơdai ih. Inh gô ăn thim tơdrong pŭn hiôk kơ ih păng ăn adrĕch adrung ih, jing lơlap, yua kơ Abraham đĭch đam Inh.

Bl 31:7

Gah 'bă măr iĕm ưh kơ lăp, na pơdê inh păng tơplih đei hloh kơ mơjĭt wơ̆t gah mă apah inh jang; mă-lei Kră Yang 'Bok Kei-Dei ưh kơ ăn sư pơrăm inh tŏ sĕt.

II Sam 22:3

Kră Yang 'Bok Kei-Dei jơ̆ kông tơmo anih inh gơnang jơ̆ khêl pĕng inh, hơke dŏng pơklaih inh, hnam Thôt kơjung kơjăp anih inh kơ'nơp; Tơ'ngla dŏng pơklaih! Ih boih dŏng inh đơ̆ng bơngai pơm kơnê̆.

II Pot 1:15

Linh jang 'lơ̆ng Kră Yang khan kơ Êli: “Năm wăi ih jur năm tơ sư, 'nĕ kơ hli kiơ.” Thoi noh Êli jur năm kiơ̆ yŏng linh ei, năm tơ pơtao.

I Ho 28:20

Đawit khan kơ Sôlômôn kon drŏ-nglo sư: “Mă pran kơjăp jơhngơ̆m đon na bơ̆jang; 'nĕ kơ hli, 'nĕ kơ bơ̆l hăl, yua kơ Kră Yang 'Bok Kei-Dei 'bă oei hơdai hăm kon; Sư ưh kơ đei layơ achăng hŭt kon, dĭng truh tơ tơiung hnam Kră Yang keh đang.

Horiso 115:10

Ơ hnam Arôn gơnang bĕ kơ Kră Yang; Sư boih Tơ'ngla dŏng tơgŭm păng khêl pĕng lu sư.

Horiso 119:114

Ih boih anih inh kơ'nơp păng khêl pĕng inh; Inh hơmĕng kơ nơ̆r Ih.

Horiso 142:5

Ơ Kră Yang, inh krao apinh Ih, Inh khan: “Ih boih anih inh kơ'nơp. Sư boih mă mŭk tơmam inh lăm teh lu bơngai arih.”

Horiso 18:2

Kră Yang thoi tơmo pĕng inh, jing kơđông inh, Kră Yang dŏng pơklaih inh; Kră Yang 'Bok Kei-Dei thoi tơmo pĕng inh, inh gô kơ'nơp tơ lăm Sư; khêl inh, hơke dŏng pơklaih inh păng anih kơjăp inh.

Horiso 27:1

Kră Yang boih tơdrong hơdah păng tơdrong dŏng pơklaih inh: Inh wă hli kơ bu dơ̆ng? Kră Yang anih kơjăp kơ tơdrong arih inh: Inh wă hli kơ bu dơ̆ng?

Horiso 3:3

Mă-lei, Ơ Kră Yang! Ih boih khêl pĕng tăp kơ inh; Ih jing tơdrong mă inh ư-ang, păng Ih ăn kơ inh gơh ngơk kơ̆l.

Horiso 3:4

Inh krao ôr Kră Yang! Đơ̆ng kông rơgoh Sư tơl nơ̆r inh. Sêla

Horiso 5:12

Ơ Kră Yang, yua kơ Ih gô ăn tơdrong pŭn hiôk kơ lu bơngai tơpăt, Iŏk đon 'mêm mơnat pĕng lu sư thoi khêl.

Horiso 58:11

Na đe gô khan: “Sĭt tơpă gô đei apah kơ lu bơngai tơpăt, Sĭt tơpă đei Kră Yang 'Bok Kei-Dei sek tơlang kơpal teh.”

Horiso 84:11

Kră Yang 'Bok Kei-Dei jơ̆ măt 'năr păng khêl; Kră Yang ăn tơdrong mơnat păng ư-ang, Sư ưh kơ đei sơngah ôh ăn tơdrong 'lơ̆ng rŏ. Kơ bu mă oei arih sa tơpăt.

Horiso 84:9

Ơ Kră Yang 'Bok Kei-Dei, Ih jơ̆ khêl pĕng lu nhôn, Lăng mơnat bĕ kơ tơ'ngla mă Ih đei hling đak rơmă pôk pơm pơtao.

Horiso 91:4

Sư gô pĕng bơwei ih hăm sŏk pơnăr sư. Ih gô kơ'nơp tơ ala pơnăr sư. Tơdrong tơpăt Sư jing khêl păng kơđông kơjăp pĕng ih.

Le 14:13

Môis drơ̆ng kon pơlei khan: 'Nĕ kơ hli ôh, oei mă kơjăp bĕ, na lăng lu iĕm gô 'bôh tơdrong dŏng pơklaih đơ̆ng Kră Yang năr âu, lu bơngai Êyiptơ mă lu iĕm 'bôh lu sư năr 'nâu, lu iĕm ưh pă đei layơ wă 'bôh lu sư dơ̆ng.

Tơdrông Pơđơk 11:18

Bơngai pơm kơnê̆ sa apah đơ̆ng tơdrong hơlĕnh; Mă-lei lu bơngai pơm 'lơ̆ng đei tơdrong apah sĭt.

Tơdrông Pơđơk 30:5

Dôm Nơ̆r Kră Yang 'Bok Kei-Dei đe đei rơ̆ pơlong lăng rơgoh sĭt tơpă. Kră Yang 'Bok Kei-Dei jơ̆ khêl pĕng lu bơngai mă Kơ'nơp lăm Sư.

Êsai 35:4

Akhan bĕ kơ lu bơngai đei jơhngơ̆m hli tơtăm; “Chơ̆n jơhngơ̆m 'nĕ pă hli dơ̆ng! To, Kră Yang 'Bok Kei-Dei lu iĕm gô truh wă pơm 'mong păng pơrăm Sư gô truh dŏng pơklaih lu iĕm!”

Êsai 40:10

To Kră Yang jur hăm tơdrong mơsêh mơyang, păng Sư pơgơ̆r hăm ti pran kơtang Sư To, lu bơngai mă Kră Yang dŏng pơklaih gô năm hơdai Sư.

Êsai 41:10

'Nĕ hli yua kơ Inh oei hơdai iĕm, 'nĕ tơrơ dêh, yua kơ Inh bơih Kră Yang 'Bok Kei-Dei iĕm! Inh gô ăn kơ iĕm pran; tơpă inh tơgŭm iĕm, Inh gô wei-lăng iĕm hăm ti gah 'ma 'Lơ̆ng Tơpăt Inh.

Êsai 41:14

Ơ adrĕch Jakôp thoi hơdrông, ơ lu kon pơlei Isơrael, 'nĕ kơ hli kơ kiơ, Inh gô tơgŭm iĕm, Kră Yang pơma thoi noh, Tơ'ngla 'Lơ̆ng tơpăt đe Isơrael păng Tơ'ngla huai iŏk lu iĕm.

Êsai 43:1

Dang ei Kră Yang khan thoi âu: Ơ Jakôp Sư Tơ'ngla pơjing iĕm, ơ Isơrael! Sư bơih Tơ'ngla pơjing iĕm, 'nĕ kơ hli yua kơ Inh huai iŏk iĕm bơih. Inh bơih krao iĕm hăm anăn iĕm păng iĕm gah Inh.

Êsai 43:5

'Nĕ kơ hli ôh, yua kơ Inh oei hơdai iĕm. Inh gô chông adrĕch adrung iĕm đơ̆ng gah hơlĕch păng akŭm lu iĕm đơ̆ng gah bơmơ̆t.

Êsai 44:2

Kră Yang khan thoi âu: Inh Tơ'ngla pơjing lu iĕm, man lu iĕm oei đơ̆ng lăm klak mĕ, păng gô tơgŭm lu iĕm: Ơ Jakôp đam Inh păng Jêsurun mă Inh rơih iŏk bơih 'nĕ kơ hli.

Êsai 44:8

'Nĕ kơ hli 'nĕ kơ tơtơ̆ ôh, hăm trŏ kơ đơ̆ng sơ̆ Inh roi tơbăt kơ iĕm bơih. Lu iĕm pơm kơdranh gah Inh. 'Nguaih kơ Inh hăm đei Yang nai dơ̆ng ưh? Tơpă ưh kơ đei Tơmo tih nai dơ̆ng ôh, Inh băt ưh kơ đei bu!

Êsai 51:12

Inh bơih, inh jơ̆ Tơ'ngla pơlung lu iĕm, iĕm 'nĕ kơ hli kơ kon bơngai juăt kơ lôch? Ngăl hli kơ kon bơngai tơdrong arih nhen thoi 'nhĕt.

Je 39:17

Kră Yang khan: “Mă-lei kơplah noh Inh gô pơklaih ih. Đe ưh pă pơjao ih lăm ti lu bơngai mă ih oei hli.

Nhom 3:24

Bơhngol inh khan: Kră Yang jơ̆ tơdrong jang sa inh, Na jơhngơ̆m inh gơnang kơ Sư.

Êsêkiên 1:1

Lăm sơnăm pêng-jĭt, năr pơđăm khei puăn, kơplah inh oei hơdai hăm lu bơnă tơ krong Kêbar, lu plĕnh tơpơih păng inh lăng đei tơdrong tơ'bôh đơ̆ng Kră Yang 'Bok Kei-Dei.

Êsêkiên 11:24

Lăm tơdrong tơ'bôh ăn kơ inh đơ̆ng Kră Yang 'Bok Kei-Dei, Yang Bơhngol hiŏng inh tơ kơpal, păng chông anhăk ba inh truh tơ anih lu bơngai mă đe pơpuh tơ Kalđê. Na tơdrong tơ'bôh weh đơ̆ng inh.

Êsêkiên 3:4

Na Sư khan kơ inh: “Ơ kon bơngai, năm bĕ tơ adrĕch Isơrael, năm roi nơ̆r Inh kơ lu sư.

Jo 12:6

Kră Yang khan kơ bre sư thoi âu: Mơ̆ng mă nhen bĕ nơ̆r Inh. Tơdah lăm lu iĕm đei bơngai bu pơma khan lê̆ adrol, Inh boih Kră Yang gô tơ'bôh kơ sư lăm tơdrong sư 'bôh, păng pơma kơ sư lăm tơdrong sư apo.

Jo 18:20

Kră Yang khan kơ Arôn: Lăm char bơngai Isơrael ih ưh kơ đei ôh teh jang sa păng ưh kơ đei asong ih tơmam kiơ ôh đơ̆ng adrĕch noh; Inh boih jing mŭk tơmam ih đơ̆ng lăm adrĕch Isơrael.

Jo 24:4

nơ̆r hơri đơ̆ng bơngai mă sư kơtơ̆ng nơ̆r Kră Yang 'Bok Kei-Dei boih, Bơngai mă 'bôh tơdrong tơ'bôh đơ̆ng Kră Yang mơsêh mơyang sư bon drap kơkuh păng măt sư lar boih.

Mathiơ 28:5

Linh jang 'lơ̆ng khan kơ bre drŏ-kăn noh khan: “Biĕm 'nĕ kơ hli, inh băt kơ biĕm năm tơ âu chă Yêsu mă đe pơ̆ng pơlôch tơ 'long pơglang.

Mathiơ 8:26

Yêsu khan kơ lu đe ei: “Yua kơ kiơ iĕm hli, iĕm tam băt gơnang kơ Inh hă?” Sư iung khă hloi kial hăm đak poh-yă. Kial thĕng hloi, đak poh-yă kư̆m pă adrŏ adrĕnh.

Luka 1:13

Mă-lei linh jang 'lơ̆ng ei khan kơ sư: “Ih 'nĕ kơ hli. 'Bok Kei-Dei kơtơ̆ng nơ̆r ih krao khan apinh sư wă kơ đei kon. Na akăn ih ning-mônh gô tơpŭ kơ minh 'nu kon drŏ-nglo. Na ih anăn sư Yôhan.

Luka 1:30

Linh jang 'lơ̆ng ei khan kơ sư dơ̆ng: “Ơ Mari, ih 'nĕ kơ hli yua kơ 'Bok Kei-Dei lăp đon kơ ih tơpă.

Luka 12:32

“Ơ lu 'nhŏng oh, iĕm bơngai kơtuei ră, mă-lei iĕm 'nĕ kơ hli, yua kơ 'Bă bơ̆n 'Bok Kei-Dei wă ăn kơ iĕm gơh pơgơ̆r đe ning-mônh.

Jang 10:22

Lu sư khan: “'Bok Kôrnei sư yŏng linh, sư athei nhôn năm tơ ih tơ âu. Sư bơngai tơpăt, lui kơ 'Bok Kei-Dei mơ̆n. Đĭ-đăng lu bơngai Juđê kư̆m khan sư 'lơ̆ng. Linh jang 'lơ̆ng đơ̆ng 'Bok Kei-Dei athei sư krao ih năm tơ hnam sư wă kơ sư gơh kơtơ̆ng nơ̆r ih bơtho.”

I Kor 3:22

Iĕm đei Pôl, đei Apôlê, đei Pêtrôs, iĕm đei tôm tơdrong ala teh âu, iĕm kư̆m arih ling-lang ưh pă lôch boih; iĕm kư̆m đei tôm tơdrong ahrei păng kư̆m đei tôm tơdrong ning-mônh. Dôm tơdrong noh tơmam iĕm ngăl

Both 18:2

Thoi noh, lu sư ưh kơ đei teh bơ̆jang sa, lăm lu 'nhŏng oh sư; Kră Yang boih tơmam lu sư, thoi nơ̆r Sư pơkă boih hăm lu sư.

Both 31:6

Athei nuih pran kơtang bĕ. 'Nĕ kơ hli tơrơ krưp dêh 'bơ̆t anăp lu kon pơlei noh yua kơ Kră Yang 'Bok Kei-Dei iĕm kư̆m gô năm hơdai hăm iĕm; Sư ưh kơ đei layơ achăng lê̆ iĕm kư̆m ưh kơ weh ataih đơ̆ng iĕm.

Hêbrơ 1:1

Chăl arih lu yă 'bok bơ̆n sơ̆, 'Bok Kei-Dei wơh lu 'bok khan lê̆ hơdrol năm pơtruh kơ lu yă 'bok bơ̆n gah tơdrong Sư lơ 'măng phara pha.

Tơdrông Tơ'bôh 1:17

Kơplah noh lăp inh 'bôh Sư, inh pơ̆k hloi 'bơ̆t jơ̆ng Sư, inh hli tơrơ kơmăp lăl pă băt kơ akâu. Mă-lei ti 'ma Sư pel inh păng khan: “Ih 'nĕ kơ hli, Inh 'Bok tơm rơh hăm Inh ưh kơ đei layơ tôch.

Ru 2:12

Hơpơi kơ Kră Yang 'mong ăn kơ ih dôm tơdrong 'lơ̆ng ih đei pơm, ih gô năm kơ'nơp ala pơnăr Kră Yang 'Bok Kei-Dei đe Isơrael.

I Sam 15:10

Kră Yang khan kơ Samuel:

I Sam 9:9

Sơ̆ bơngai Isơrael, dah bơngai bu wă krao chă Kră Yang 'Bok Kei-Dei, ngăl khan: Bĕ bơ̆n năm tơ'bơ̆p 'bok băt lê̆ adrol; bơngai mă bơ̆n krao 'bok khan lê̆ adrol.