Bl 14:16 - Sơ̆p Hlabơar Nơ̆r 'Bok Kei-Dei

¹⁶ Sư pơdrâu iŏk đĭ-đăng mŭk tơmam sư mă đơ̆ng lu đe blah iŏk păng kư̆m chông brŏk mon sư, Lot hăm dôm lu mŭk măk sư, lu drŏ-kăn păng lu kon pơlei kư̆m brŏk.

Bl 14:16 Iomraidhean Croise

Bl 12:2

Inh gô ăn kơ ih jing minh adrĕch adrung tih, Inh gô ăn kơ ih pŭn hiôk, đe kư̆m gô ư-ang kơ ih, păng ih gô jing tơm kơ tơdrong pŭn hiôk,

Bl 14:14

Lăp Abram kơtơ̆ng khan mon sư linh ayăt rôp boih, na sư pơtơm akŭm pêng-hrĕng mơjĭt-tơhngam 'nu bơngai mă pơhrăm lê̆ tơdrong tơblah boih, lu bơngai đĭch đam tơpŭ lăm hnam sư, na druh 'moi lu pơtao noh truh tơ teh đak Đan.

Bl 50:7

Jôsep chơ ba atâu 'bă sư tŏk 'bŭ; tơ Kanaan; lu kuan tih Pharaôn, lu kră lăm hnam pơtao, lu kră pơlei dêh Êyiptơ,

Êsai 41:2

Bu râu tơiung bơngai đơ̆ng gah hơlĕch? Kră Yang Krao sư năm bơ̆jang lăm tơdrong 'lơ̆ng tơpăt. Kră Yang jao đĭ teh đak ăn kơ sư, pơjuă lu pơtao tơ ala jơ̆ng sư, sư pơm kơ lu pơtao nhen 'bruih teh hăm đao gưm sư, jao lu pơtao hră sư pơm kơ lu sư thoi hơkam 'ba kial bơbơ̆t pơđông đĭ.

I Sam 30:8

Đawit krao apinh Kră Yang: Inh hăm gơh druh 'moi bơngai blah tơtông tơgar iŏk 'nâu ưh? Inh druh 'moi lu sư hăm tam? Kră Yang khan: Năm bĕ druh 'moi lu sư, tơpă ih druh 'moi gô tam păng dŏng pơklaih đĭ-đăng bơngai đêl lu sư rôp.