Bl 14:10 - Sơ̆p Hlabơar Nơ̆r 'Bok Kei-Dei

¹⁰ Lăm thŭng Sidim đei lơ hơlŭng chai jăr; pơtao Sôđôm păng pơtao Gômôrơ thuơ kơdâu puh lăm sơlŭng; gah lu sư huay kơ huŏng kơdâu tŏk tơ kông.

Bl 14:10 Iomraidhean Croise

Bl 11:3

Bơngai âu pơma dơnuh păng bơngai noh khan: “Âu! Bĕ bơ̆n man găch na 'buh lăm ŭnh.” Kơplah noh, găch tơplih kơ tơmo, chai pơm tơmam klep.

Bl 14:11

Lu bơngai jei noh tơgar iŏk pơđĭ mŭk măk păng phe 'ba đơ̆ng lu Sôđôm păng Gômôrơ, đơ̆ng noh weh tơ nai.

Bl 14:17

Đơ̆ng rŏng kơ Abram blah Kêtrôlaôme păng khŭl pơtao gah sư jei boih, na pơtao Sôđôm năm đih sơng sư tơ lăm thŭng Sawê, wă khan thŭng pơtao.

Bl 14:21

Pơtao Sôđôm khan kơ Abram thoi âu: “Athei jao đĭ kơ inh dôm lu bơngai noh, gah lu mŭk tơmam noh ih iŏk đĭ.”

Bl 14:3

Lu pơtao âu lu sư pơđâu akŭm băl lăm thŭng Sidim, dang ei krao đak dơsĭ 'boh.

Bl 14:9

wă tơblah hăm lu Kêtrôlaôme, pơtao Êlam; Tidal, Pơtao Gôim; Amraphel, pơtao Sinar păng Ariok, pơtao Êlasar, puăn 'nu pơtao tơblah păng pơđăm 'nu pơtao.

Bl 19:17

Na kơplah bre linh jang 'lơ̆ng chông ba bre sư lĕch hlôi boih, minh 'nu lăm bre sư khan: “Kơdâu ôn bĕ, wă pơklaih tơdrong arih, 'nĕ pă hue tơ rŏng păng kư̆m 'nĕ chă pơdơh tơ anih lăm thŭng, athei kơdâu tŏk tơ kông, kơnh hli kơ ih lôch.”

Bl 19:30

Lot hli dêh oei tơ pơlei Soar, na sư hăm bre kon drŏ-kăn lê̆ pơlei noh tŏk oei tơ kông, oei lăm hơgơp tơmo.

Horiso 83:10

Đe pơlôch lu sư tơ Endôr, jing pơm mơ̆r kơ teh.

Êsai 24:18

Bơngai ayơ kơdâu ôn đơ̆ng tơdrong hli tơrơ gô huŏng lăm sơlŭng; tŏk hlôi đơ̆ng sơlŭng gô hrơ̆p hơnhuăl, lu 'măng-'mŏk tơ kơpal plĕnh pơih lê̆ bơih, lu hơnă tơ ala teh pơpơ̆ đĭ.

Je 48:44

Bơngai bu kơdâu hlôi đơ̆ng tơdrong kơnê̆ hli dêh gô huŏng lăm sơlŭng jrŭ. Bơngai bu tŏk hlôi đơ̆ng sơlŭng jrŭ gô 'leh hơđong, yua kơ Inh wă ăn tơdrong noh kơ char Môap, lăm sơnăm Inh phak lu sư.” Noh Kră Yang khan.

Jôsuê 8:24

Đang kơ lu linh Isơrael pơlôch đĭ boih bơngai pơlei Ahi, lăm anih thŭng glă mă lu đei druh, lu sư pơlôch đĭ hăm đao gưm boih, lu linh Isơrael wih mơ̆t tơ pơlei Ahi păng pơlôch pơđĭ lu bơngai mă oei arih lăm pơlei.