Bl 13:7 - Sơ̆p Hlabơar Nơ̆r 'Bok Kei-Dei

⁷ Na đei tơdrong tơgar băl lăm lu bơngai wei sem dơrong Abram păng lu bơngai wei sem dơrong Lot. Kơplah noh kon pơlei Kanaan păng kon pơlei Phêrêsit kư̆m oei lăm char ei, thoi noh anih wei sem dơrong ưh kơmah.

Bl 13:7 Iomraidhean Croise

Bl 10:19

Gah tơring adrĕch adrung Kanaan lu sư năm tơ gah Gêrar, iŏk đơ̆ng Siđôn truh tơ Gasa păng kư̆m truh tơ Sôđôm, Gômôrơ, Atma păng Yibotim truh hloi tơ Lêsa.

Bl 12:6

Abram yak găn dêh char âu, truh tơ tơnơm 'long kôih tơ Mamrê, jê̆ pơlei Sichem. Kơplah noh lu kon pơlei Kanaan oei oei tơ lăm dêh char noh.

Bl 21:25

Abraham ưh kơ hiôk hăm pơtao Abimêlek gah đak sơlŭng mă lu đĭch đam pơtao tơgar iŏk.

Bl 26:20

Lu bơngai wei triu tơ Gêrar, tơgar hăm lu bơngai wei triu Isăk, lu sư khan sơlŭng đak âu sơlŭng đak lu nhôn. Na Isăk anăn đak sơlŭng âu Êseta yua kơ lu bơngai wei triu nai tơgar đơ̆ng lu sư.

Bl 34:30

Na Jakôp khan kơ Simêôn păng Lêwi thoi âu: Măr iĕm pơm kiơ kơ inh ưh kơ hiôk, pơm ăn kơ kon tơring âu. Bơngai Kanaan păng bơngai Phêrêsit, hil areh kơ bơ̆n. Bơ̆n âu, tŏ sĕt bơngai; dah lu sư akŭm băl blah bơ̆n inh păng hnam dơnŏ bơ̆n gô răm.

Bl 46:34

Athei khan tơbăt: Lu đĭch đam ih păng yă 'bok nhôn juăt kơ bơ̆jang wei sem dơrong iŏk đơ̆ng 'lơ̆p sơ̆ khơ̆ dang ei. Noh wă kơ iĕm oei tơ tơring Gôsen, yua kơ kon pơlei Êyiptơ, tơdrong arih lu sư ngăl lăng lu bơngai wei triu 'brơ̆ krưp dêh.

Ne 5:9

Inh khan dơ̆ng: “Tơdrong mă lu iĕm pơm noh ưh kơ 'lơ̆ng ôh hăm trŏ lu iĕm arih sa kiơ̆ trong băt hli yom kơ Kră Yang 'Bok Kei-Dei hli kơ lu bơngai ayăt che bơle hiĕk ăr kơ bơ̆n.

Le 2:17

Mă-lei đei lu bơngai wei triu nai truh sư pơpuh lê̆ lu adruh ei tơ nai; Môis gruih iung, sư năm dŏng lu adruh 'noh păng pơnhă ăn hloi khŭl triu ei.

Tơdrông Pơđơk 20:3

Bơngai bu kĕ wei huay kơ tơhil băl, bơngai noh đe ư-ang; Lu bơngai kơhlôh đĕch ngăl pơjah tơhil băl.

Markôs 3:25

dah minh pôm hnam dơnŏ tơblah dih băl tơduă hnam dơnŏ, hnam dơnŏ noh kư̆m pơchah hiong mơ̆n.

I Kor 3:3

yua kơ iĕm oei kiơ̆ kơ sĕch akar thoi bơngai ala teh, iĕm oei tơklai băl, iĕm oei pơjah pơjăng tơhil băl. Iĕm pơm thoi noh dang lĕ oei lei-lăi kơ bơngai kiơ̆ kơ sĕch akar ala teh đĕch.

Galati 5:20

sư oei kơkuh kơ yang so, sư pơm pơjâu chă sol đe; sư kơnam băl tơdrong, sư tôn teh băl, sư tơgar băl, sư hil kơ đe, sư kret, sư kuă kơ jang hơdai đe, sư wă tơklah kiơ̆ tơdrong sư kơdih,

Kôlôsê 4:5

Bơ̆n athei adrin pơm mă 'lơ̆ng pơma mă trŏ kơ lu bơngai tam mă lui, wă kơ lu sư mơ̆ng trŏ na lui kơ 'Bok Kei-Dei.

I Tes 4:12

Dah iĕm jang tơnăp tơpă, iĕm huay kơ kăl đe jang tơdŏng iĕm ôh. Thoi noh na lu bơngai ưh tam mă lui lăng iĕm jang hơiă tơpă.

Tit 3:3

Sơ̆ bơ̆n ưh kơ băt tơpă tơdrong 'Bok Kei-Dei, na bơ̆n ưh kơ chu Sư. Bơ̆n tơchĕng akâu kơdih khan pơm trŏ, mă bơ̆n pơm ưh kơ trŏ ôh. Bơ̆n hưch hanh lơ tơdrong kư̆ kă ưh kơ băt pơm tơdrong 'lơ̆ng thoi yơ. Bơ̆n 'maih chă tơdrong tơhil păng đe. Bơ̆n 'nhĕng đe, areh kơ đe păng đe areh kơ bơ̆n mơ̆n.

Ya 3:16

Anih ayơ đe 'nhĕng băl păng tơgar băl, anih noh đe pơjah pơjăng băl dêh păng pơm tôm tơdrong kơnê̆.

Ya 4:1

Yua kơ kiơ iĕm hil areh pơjah pơjăng dih băl? Yua kơ jơhngơ̆m iĕm hưch kơ tơdrong âu tơdrong to, jing pơtuah kuă ăn iĕm kiơ̆ tơdrong 'Bok Kei-Dei hăm trŏ?

I Pet 2:12

Bơ̆n athei oei sa pơm mă 'lơ̆ng 'bơ̆t anăp lu bơngai ưh kơ lui, na lu bơngai mă jô̆ kơ bơ̆n khan bơngai kơnê̆ sư kơnăl kơ bơ̆n bơngai 'lơ̆ng, noh na sư gô ư-ang kơ 'Bok Kei-Dei kơplah năr 'Bok Kei-Dei tơbăt kơ đon sư.