Bl 13:5 - Sơ̆p Hlabơar Nơ̆r 'Bok Kei-Dei

⁵ Na Lot kư̆m năm hơdai Abram, kư̆m đei triu rơmo lơ păng tơmam pơm bơsŭn.

Bl 13:5 Iomraidhean Croise

Bl 12:4

Đơ̆ng noh Abram năm, kiơ̆ thoi nơ̆r Kră Yang khan tơ'bôh, Lot kư̆m kiơ̆ hơdai sư. Kơplah Abram lĕch đơ̆ng Charan, sư đei tơpơh-jĭt pơđăm sơnăm boih.

Bl 12:5

Abram chông ba Sarai, akăn sư, Lot mon sư păng đĭ-đăng lu mŭk tơmam sư đei hơmet ba păng lu đĭch đam sư mă đei đơ̆ng Charan, lĕch đơ̆ng noh, lu sư năm truh tơ dêh Kanaan.

Bl 13:6

Tơ anih noh ưh kơmah kơ bre sư oei hơdai yua kơ sem dơrong păng mŭk tơmam sư lơ tơpă dĭng mah pă đei gơh oei hơdai.

Bl 25:27

Kơplah bre kon drŏ-nglo âu rai wơ̆ 'lŏ na Êsâu jing minh 'nu bơngai chă lua mơgap, ngăl chă ngôi tơ bri mir, chŭn; gah Jakôp bơngai iơ̆m dim oei kơtă lăm hnam.

Bl 4:20

Adah pơjing Jabal, Jabal pơjing 'bok kơ lu kon pơlei oei lơ anih đe rong sem dơrong.

Je 49:29

Đe gô iŏk đĭ bơsŭn păng puh ba lu kon sem dơrong lu sư, pơk hnam păng đĭ-đăng mŭk tơmam lu sư. Đe gô puh ba đĭ lu aseh lăk-đa lu sư. Lu bơngai drŏ-nglo ôr krao. ‘Đei tơdrong hli krưp tăp tang!’