Bl 13:12 - Sơ̆p Hlabơar Nơ̆r 'Bok Kei-Dei

¹² Abram oei lăm char Kanaan, gah Lot sư oei tơ pơlei gah thŭng na hiŏng bơsŭn sư truh tơ jê̆ pơlei Sôđôm.

Bl 13:12 Iomraidhean Croise

Bl 13:11

Lot sư rơih tơ gah thŭng jê̆ đak Krong Jôrđăn păng truh tơ gah hơlĕch. Thoi noh, bre sư jing tơklah băl.

Bl 14:12

Lu ayăt kư̆m rôp Lot, mon Abram, mă sư oei tơ Sôđôm păng iŏk đĭ-đăng mŭk tơmam sư, chĕp ba hloi.

Bl 14:2

puăn 'nu pơtao âu iung blah Bêra pơtao Sôđôm; Birsa, pơtao Gômôrơ; Sinap pơtao Atma; Sêmebêr, pơtao Jeboim păng pơtao Bêla, wă khan Soa.

Bl 19:1

Lăp hiưp kơ'năr kơsơ̆, 'bar 'nu linh jang 'lơ̆ng noh truh tơ pơlei Sôđôm, kơplah noh Lot sư oei ngôi 'bơ̆t 'măng jang pơlei. Lăp Lot 'bôh 'bar 'nu linh jang 'lơ̆ng, sư iung tơkan sơng na drap tơ teh kơkuh.

Bl 19:24

Na, Kră Yang ăn 'mi prĕl ŭnh păng ŭnh đơ̆ng plĕnh ti jruh tơ Sôđôm păng Gômôrơ,

Bl 19:25

pơrăm 'bar tŏ pơlei 'nâu, anih lăm thŭng, đĭ-đăng kon pơlei păng lu 'long pơle păng 'nhĕt 'nhot chăt kơpal teh.

Bl 19:29

Na, kơplah Kră Yang 'Bok Kei-Dei pơrăm lu pơlei lăm thŭng, wă khan pơlei mă Lot oei, na Sư oei 'blŏk hloi kơ Abraham păng sư pơklaih hloi Lot đơ̆ng anih mă pơrăm tih noh.

Horiso 26:5

Inh areh kơ lu bơngai pơm kơnê̆. Kŭm ưh kơ wă ngôi hăm lu bơngai kư̆ kă.

I Kor 15:33

Iĕm 'nĕ kơ lui kơ lu bơngai wă pơlung iĕm, khan 'Bok Kei-Dei ưh kơ wă tơiung arih bơngai lôch, kơnh đơ̆ng bơngai 'lơ̆ng oei hơdai bơngai kơnê̆ sư jing kơnê̆ lei-lăi.