Bl 13:11 - Sơ̆p Hlabơar Nơ̆r 'Bok Kei-Dei

¹¹ Lot sư rơih tơ gah thŭng jê̆ đak Krong Jôrđăn păng truh tơ gah hơlĕch. Thoi noh, bre sư jing tơklah băl.

Bl 13:11 Iomraidhean Croise

Bl 13:10

Lot sư tơmang lăng 'bôh tơ thŭng gah Krong Jôrđăn noh, anih mă đei đak ro hngôm truh tơ pơlei Suar; bri chŭn noh kư̆m thoi lĕ pơgar Kră Yang pơm, thoi char Êyiptơ mơ̆n. Năr noh adrol kơ Kră Yang tam mă pơrăm pơlei Sôđôm păng pơlei Gômôrơ.

Bl 13:12

Abram oei lăm char Kanaan, gah Lot sư oei tơ pơlei gah thŭng na hiŏng bơsŭn sư truh tơ jê̆ pơlei Sôđôm.

Bl 13:14

Đơ̆ng rŏng kơ Lot tơklah đơ̆ng Abram boih, Kră Yang khan kơ Abram thoi âu: “Ih ngơk lăng bĕ, lăng iŏk đơ̆ng anih ih oei âu dĭng truh tơ gah yă-nơ̆m, gah gơal, gah hơlĕch, gah bơmơ̆t:

Bl 13:9

Đĭ kơ char âu ưh kơ sĭ e ngăl dăm hă? Thoi noh, na weh bĕ đơ̆ng inh; dah e iŏk tơring gah 'ngiĕo inh iŏk gah 'ma, dah e iŏk gah 'ma, inh iŏk gah 'ngiĕo.”

Bl 19:17

Na kơplah bre linh jang 'lơ̆ng chông ba bre sư lĕch hlôi boih, minh 'nu lăm bre sư khan: “Kơdâu ôn bĕ, wă pơklaih tơdrong arih, 'nĕ pă hue tơ rŏng păng kư̆m 'nĕ chă pơdơh tơ anih lăm thŭng, athei kơdâu tŏk tơ kông, kơnh hli kơ ih lôch.”

Horiso 119:63

Inh jing buăl kơ lu bơngai băt hli yom kơ Ih, Păng lu bơngai mă bơwei dôm tơdrong Ih đei bơtho pơkă.

Horiso 16:3

Lu bơngai 'lơ̆ng rơgoh kơpal teh păng lu bơngai đe pơyom. Lăm lu sư inh đei chơt hiôk.

Tơdrông Pơđơk 27:10

'Nĕ kơ achăng bôl buăl ih dah buăl juăt 'bă ih, 'Nĕ kơ năm tơ hnam 'nhŏng oh năr ih đei tơdrong gleh pơmat, Bơngai rông 'bôt ih noh 'lơ̆ng hloh kơ 'nhŏng oei ataih.

Êsêkiên 47:18

'Nâu gah hơlĕch iŏk đơ̆ng sơlam Hauran păng pơlei Đamas 'moi rok đak Krong Jôrđăn tŏk-bŏk pơlei Gileat păng teh đak Isơrael, lĕch tơ đak dơsĭ gah hơlĕch, tôch tơ Tamar; noh boih hơdral gah hơlĕch.

Hêbrơ 10:25

Bơ̆n 'nĕ kơ lê̆ tơdrong akŭm, thoi lu đe mơ'nah mă lê̆ dang ei. Yua kơ dang ei wă jê̆ truh khei năr Yêsu Krist wă jur boih, na bơ̆n athei adrin pơlung băl gah tơdrong 'noh rai dêh.

I Pet 2:17

Bơ̆n athei pơhiôk jơhngơ̆m đe ling-lang, băt 'mêm mơnat kơ lu 'nhŏng oh bơngai lui, chu kơ 'Bok Kei-Dei hli kơ bơ̆n pơm ưh kơ lăp kơ Sư păng bơ̆n athei chu yom kơ 'bok pơtao tơm mơ̆n.