Bl 12:7 - Sơ̆p Hlabơar Nơ̆r 'Bok Kei-Dei

⁷ Kră Yang pơdah kơ Abram păng pơkă khan: Inh gô ăn adrĕch adrung ih teh đak âu! Đơ̆ng noh, Abram pơm minh pôm chơnang soi kơ Kră Yang, Tơ'ngla mă đei pơdah akâu sư kơ Abram.

Bl 12:7 Iomraidhean Croise

Bl 12:8

Đơ̆ng noh, sư yak găn kông groi gah hơlĕch kơ pơlei Bethel, na pơm bơsŭn; bơmơ̆t kơ noh Bethel, tơ gah hơlĕch đei Ahi. Na sư pơm minh pôm chơnang soi tơ noh kơ Kră Yang wă krao apinh Sư.

Bl 13:15

Yua kơ đĭ dêh ayơ mă ih 'bôh, Inh gô ăn kơ ih păng adrĕch adrung ih ling-lang hloi.

Bl 13:17

Iung bĕ, chă nơnăm jơ̆p kơ lăm dêh char, wơ̆l, tor; yua kơ Inh wă ăn kơ ih dêh char âu.”

Bl 13:18

Na Abram yuih bơsŭn sư năm oei ala tơm 'long kôih tơ Mamrê, gah Hêbrôn păng sư kư̆m đei pơm tơ noh minh pôm chơnang soi kơ Kră Yang.

Bl 13:4

Noh mă anih sư đei pơm chơnang soi adrol ki. Tơ noh Abram krao khan anăn Kră Yang.

Bl 15:18

Lăm năr noh Kră Yang đei nơ̆r pơkă pơgơ̆p pơkăm hăm Abram, na khan thoi âu: “Inh gô ăn kơ adrĕch adrung ih dêh char âu, đơ̆ng glung Êyiptơb dĭng truh tơ glung tih noh, wă khan glung Ơphrat.

Bl 17:1

Kơplah Abram tơsĭn-jĭt tơsĭn sơnăm, na Kră Yang tơ'bôh kơ Abram păng khan thoi âu: “Inh boih Kră Yang 'Bok Kei-Dei mơsêh mơyang, ih athei oei 'bơ̆t anăp Inh na ih jing minh 'nu bơngai 'lơ̆ng tơpăt.

Bl 17:3

Abram drap bon tơ teh, Kră Yang 'Bok Kei-Dei khan kơ Abram thoi âu:

Bl 17:8

Dêh char mă lu iĕm oei dang ei thoi tơmoi đĕch Inh gô ăn kơ ih păng lu adrĕch adrung ih dêh Kanaan, wă jang sa ling-lang hloi. Inh boih Kră Yang 'Bok Kei-Dei lu sư.”

Bl 18:1

Kră Yang pơdah akâu sư kơ Abraham lăm kơdrơ̆ng 'long kôih Mamrê, kơplah sư oei ngôi 'bơ̆t 'măng bơsŭn sư kơ'năr drang tŏ.

Bl 22:9

Bre sư năm truh tơ anih mă Kră Yang 'Bok Kei-Dei tơ'bôh ăn; tơ noh Abraham hơmet chơnang soi, dan 'long ŭnh, chô̆ Isăk mă kon sư, dan sư tơ kơpal 'long ŭnh tơ kơpal chơnang soi.

Bl 24:7

Kră Yang, Kră Yang 'Bok Kei-Dei plĕnh teh, jơ̆ Kră Yang mă chông ba inh, lê̆ mĕ 'bă, lê̆ 'nhŏng oh, lê̆ dêh char inh, đei pơma pơkăm pơkă hăm inh thoi âu: Inh gô ăn kơ adrĕch adrung ih dêh char âu. Sư gô wơh linh jang sư năm adrol kơ ih păng tơ anih ih gô chă ăn kơ kon inh akăn.

Bl 26:25

Isăk pơm minh pôm chơnang soi kơkuh, krao khan kơ Kră Yang păng pơm pơlei oei tơ noh. Đơ̆ng noh; lu đĭch đam sư sir minh pôm sơlŭng đak tơ anih noh.

Bl 26:3

Oei bĕ tơ char âu thoi tơmoi; Inh gô oei hơdai ih păng gô ăn kơ ih pŭn hiôk. Inh gô ăn kơ adrĕch adrung ih tơring âu păng dêh char âu păng Inh gô pơkeh nơ̆r Inh mă đei pơkă boih hăm Abraham, 'bă ih.

Bl 28:13

Na âu, 'bôh Kră Yang hơ-oei 'bơ̆t kơ̆l kung noh păng khan thoi âu: Inh boih Kră Yang Kră Yang 'Bok Kei-Dei Abraham, 'bok ih kư̆m Kră Yang 'Bok Kei-Dei Isăk 'bă ih. Inh gô ăn kơ ih păng adrĕch adrung ih teh đak mă ih oei 'bĭch âu.

Bl 28:4

Apinh sư ăn kơ e păng adrĕch adrung e đei tơdrong pŭn hiôk đơ̆ng Abraham, wă kơ teh đak e oei dang ei jing anih jang sa, wă khan char mă Sư đei ăn boih kơ Abraham.

Bl 32:30

Jakôp krao anăn anih noh Phênielc Yua kơ sư khan thoi âu: Inh 'bôh boih Kră Yang 'Bok Kei-Dei 'bơ̆t tơm măt inh păng inh gơh oei arih.

Bl 33:20

Tơ anih noh sư pơm chơnang soi, sư anăn Êl Êlôhe Isơraelc

Bl 35:12

Char inh mă đei ăn boih kơ Abraham păng Isăk na Inh gô ăn kơ ih păng lu adrĕch adrung ih.

Bl 35:7

Jakôp pơm tơ noh minh pôm chơnang soi, sư anăn anih âu El Bethela Yua kơ tơ âu Kră Yang 'Bok Kei-Dei tơ'bôh akâu Sư kơ Jakôp 'bơ̆t năr sư kơdâu đơ̆ng 'nhŏng sư Êsâu.

Bl 50:24

Đơ̆ng noh Jôsep khan kơ lu 'nhŏng sư thoi âu: Inh gô lôch mă-lei đei Kră Yang 'Bok Kei-Dei sư wei rong iĕm tơpă. Gô chông ba lu iĕm wih brŏk tơ dêh char mă Kră Yang 'Bok Kei-Dei đei pơkă hăm Abraham, Isăk păng 'bă bơ̆n Jakôp.

Bl 8:20

Nôê pơm minh pôm chơnang soi kơ Kră Yang 'Bok Kei-Dei. Sư rôp lu kon sem 'lơ̆ng rơgoh, hăm lu sem păr 'lơ̆ng rơgoh pơm tơmam soi 'buh pơyơ̆r tơ chơnang soi.

II Sam 24:25

Đawit pơm minh pôm chơnang soi kơkuh, wă kơkuh kơ Kră Yang, pơtao pơyơ̆r kơ Kră Yang tơmam soi 'buh. Păng tơmam soi hiôk-hian. Kră Yang tơl tơwih nơ̆r pơtao krao apinh ăn kơ teh đak, păng tơdrong jĭ hơbuh pơdơh ưh pă pơrăm kon pơlei Isơrael dơ̆ng.

I Pot 18:32

Sư yua mơjĭt-'bar tŏ tơmo 'noh pơm minh pôm chơnang soi yua hăm Anăn Kră Yang; sư sir hơbong tăp dăr kơ chơnang soi, să sư bơ̆n gơh tah 'bar hnŏng mong găr adrĕch.

I Ho 16:16

Tơdrong Sư pơgơ̆p hăm Abraham, tơdrong sư pơkăm bơih hăm Isăk.

I Ho 16:18

Sư khan: “Inh gô ăn kơ lu iĕm char Kanaan. Jing teh lu iĕm jang sa.”

II Ho 20:11

Lăng to, lu sư pơm plơ̆ kơ lu nhôn, 'maih wă puh tơweh lu nhôn đơ̆ng lăm teh jang sa mă đơ̆ng Ih ăn kơ lu nhôn boih,

II Ho 20:7

Ơ Kră Yang 'Bok Kei-Dei lu nhôn Hăm trŏ Ih boih pơpuh tơweh lu kon pơlei oei lăm tơring âu 'bơ̆t anăp bơngai Isơrael Ih, na jao ăn dêh char kơ adrĕch adrung Abraham, buăl juăt Ih, oei jang sa tơ âu ling-lang hlŏng hloi?

Esơra 3:2

Kơplah noh, Jêsua, kon drŏ-nglo Jôsađăk păng lu 'bok soi hăm Serubabel, kon drŏ-nglo Sêathiel păng lu 'nhŏng oh sư, đĭ-đăng wang iung pơdơ̆ng chơnang soi Kră Yang 'Bok Kei-Dei đe Isơrael, wă pơyơ̆r tơmam soi 'buh tơ noh, kiơ̆ kơ đei chih lăm hla bơar khôi juăt Môis, bơngai Kră Yang 'Bok Kei-Dei.

Le 17:15

Môis pơdơ̆ng minh pôm chơnang soi, krao anăn Kră Yang Hla-kơ inh

Le 24:4

Môis chih iŏk đĭ dôm nơ̆r Kră Yang bơtho akhan pơgê đơ̆ng rŏng sư iung đơ̆ng hrôih, pơdơ̆ng minh pôm chơnang soi 'bơ̆t jơ̆ng kông păng pơtăm mơjĭt-'bar tŏ gơ̆ng pơtih kơ mơjĭt-'bar adrĕch adrung Isơrael.

Le 32:13

Apinh Ih athei 'blŏk bĕ kơ Abraham, Isăk, hăm Isơrael, lu đĭch đam Ih mă Ih đei yua anăn Ih kơdih, na pơkă: Inh gô ăn kon sâu lu iĕm lơ thoi lu sơnglŏng kơpal plĕnh păng Inh gô ăn kơ kon sâu lu iĕm đĭ-đăng teh đak âu mă Inh đei pơkă boih kơ lu sư gô oei tơ noh jang sa ling-lang khŏm khŏm.

Le 33:1

Kră Yang khan kơ Môis: Năm bĕ đơ̆ng âu, ih hăm lu kon pơlei pơla ih đei chông lĕch đơ̆ng char Êyiptơ, năm bĕ tơ char Inh đei pơkă pơkăm boih kơ Abraham, Isăk, Jakôp: Inh gô ăn char noh kơ kon sâu ih.

Le 6:3

Inh pơdah tơ'bôh ăn kơ Abraham kơ Isăk păng Jakôp, Inh boih Kră Yang 'Bok Kei-Dei mơsêh mơyang;a mă-lei Anăn Inh Kră Yang,b Inh ưh tam đei layơ tơbăt kơ lu sư.

Le 6:4

Inh kư̆m pơsĭt tơdrong pơgơ̆p hăm lu sư, wă ăn kơ lu sư dêh Kanaan, mă dêh lu sư wă oei tơ noh thoi lĕ lu bơngai tơmoi.

Je 3:18

Truh tơ năr noh adrĕch Juđa gô pơgơ̆p hơdai hăm adrĕch Isơrael, lu sư gô yak hơdai weh đơ̆ng teh đak gah yă-nơ̆m na brŏk tơ dêh mă Inh đei ăn boih kơ 'bok yă lu iĕm jang sa.”

Jo 26:53

Ih athei asong ăn kơ lu đe âu teh wă jang sa kiơ̆ kơ kơ̆l bơngai mă đei jô̆;

Jo 32:11

Lu bơngai mă lĕch đơ̆ng dêh char Êyiptơ, iŏk đơ̆ng 'bar-jĭt sơnăm tơ kơpơ̆ng, gô ưh kơ 'bôh ôh dêh char mă Inh đei pơkă pơ'ngam wă ăn kơ Abraham, Isăk, Jakôp, yua kơ lu bơngai noh ưh kơ kiơ̆ Inh tơnăp,

Jang 7:5

'Bok Kei-Dei pơkă wă ăn kơ sư oei dêh char bơ̆n âu păng pơkă wă ăn kơ lu kon sư oei dêh char âu mơ̆n, mă-lei kơplah noh 'Bok Kei-Dei tam mă ăn kơ sư anih oei 'bơ̆t ayơ ôh. Hơtai ei Abraham kư̆m ưh kơ đei kon.

Rom 9:8

Yua kơ thoi noh na bơ̆n băt đĭ-đăng bơngai Isơrael ưh kơ jing kon 'Bok Kei-Dei ngăl ôh, pôm lu bơngai mă lĕch đơ̆ng adrĕch 'Bok Kei-Dei anăn đĕch jing kon 'Bok Kei-Dei.

Galati 3:16

Tơdrong 'Bok Kei-Dei pơkă kơ Abraham noh kư̆m thoi tơdrong pơgơ̆p noh hei mơ̆n, tơdrong noh 'Bok Kei-Dei khan wă ăn kơ Abraham păng kon sâu sư tơpă. Lăm sơ̆p hla bơar 'Bok Kei-Dei khan boih thoi âu: “Tơdrong pơkă noh inh wă ăn kơ kon sâu ih tơpă.” Mă-lei ưh kơ đei khan wă ăn đĭ-đăng kơ lu kon sâu sư hloi ôh. Sư wă ăn kơ minh 'nu bơngai đĕch, bơngai noh wă khan Yêsu Krist.

Galati 4:28

Nge Isăk sơ̆, mĕ sư Sara tơpŭ kiơ̆ thoi 'Bok Kei-Dei mơnat khan wă gô ăn kơ Abraham kon. Thoi noh na bơ̆n dang ei kư̆m lei-lăi mơ̆n, bơ̆n jing kon 'Bok Kei-Dei yua kơ Sư mơnat khan wă gô ăn kơ bơ̆n jing kon Sư.

Both 1:8

Inh jao ăn kơ iĕm dêh âu; mơ̆t păng iŏk oei bĕ, dêh mă Kră Yang đei pơkă ăn kơ lu 'bok lu iĕm Abraham, Isăk, Jakôp, hăm lu kon sâu sư.

Both 30:20

'Mêm kơ Kră Yang 'Bok Kei-Dei, chu kiơ̆ nơ̆r Sư păng kiơ̆ Sư mă tơpă yua kơ lăp Sư đĕch gơh ăn tơdrong arih na Kră Yang gô ăn kơ iĕm gơh arih sot, tơ lăm teh đak mă Kră Yang hlôi pơkă wă ăn kơ lu 'bok iĕm, 'bok Abraham, Isăk păng Jakôp.

Both 34:4

Kră Yang khan kơ Môis: 'Nâu bơih dêh char mă Inh pơkă wă ăn kơ Abraham, Isăk păng Jakôp. Inh gô ăn dêh âu kơ lu adrĕch adrung ih. Inh tơ'bôh ăn kơ ih lăng dêh noh, mă-lei ih ưh kơ gơh mơ̆t tơ noh ôh.

Both 6:10

Layơ Kră Yang 'Bok Kei-Dei iĕm chông ba iĕm mơ̆t tơ dêh mă Sư đei pơkă pơkăm wă ăn kơ lu 'bok iĕm Abraham, Isăk păng Jakôp, wă ăn kơ iĕm, đei pơlei tih păng mơdrŏng mă lu iĕm ưh kơ đei man pơdơ̆ng.

Both 9:5

Iĕm mơ̆t iŏk dêh đơ̆ng lu adrĕch âu ưh kơ sĭ yua kơ đơ̆ng tơdrong iĕm pơm 'lơ̆ng tơpăt ôh, dah kiơ̆ tơnăp ưh ôh, mă-lei yua kơ đơ̆ng tơdrong yoch kơnê̆ lu sư, na Kră Yang 'Bok Kei-Dei blah puh lê̆ lu sư đơ̆ng anăp iĕm, wă pơsĭt kơ nơ̆r sư pơkă pơkăm hăm lu 'bok iĕm Abraham, Isăk păng Jakôp.

Hêbrơ 11:13

Đĭ kơ hnam dơnŏ sư oei chang gô truh kơ lôch. Lu sư ưh tam đei tôm tơdrong 'Bok Kei-Dei pơkă, mă-lei dang lu sư 'bôh lê̆ boih, lu sư hiôk tơpă, mă khan sư oei tơ noh dang kơ bơngai tơmoi. Lu sư roi kơ đe kư̆m thoi noh, lu sư oei tơ noh dang kơ bơngai tơmoi.

Hêbrơ 11:8

Abraham kư̆m yua kơ sư đei đon lui kơjăp, na lăp 'Bok Kei-Dei athei sư năm oei tơ dêh nai, na sư năm hloi tơ dêh mă 'Bok Kei-Dei pơkă wă ăn kơ sư noh. Sư kư̆ kơ năm, mă ưh kơ băt wă năm tơ dêh ayơ.

Jôsuê 1:6

Ih Athei chơ̆n jơhngơ̆m nuih pran yua kơ ih gô chông ba lu kon pơlei pơla năm iŏk dêh char mă Inh đei pơkă boih wă ăn kơ lu 'bok iĕm.

Jôsuê 22:10

Kơplah lu sư truh tơ pơlei Geliôt jê̆ Krong Jôrđăn lăm char Kanaan, lu bơngai Rubên, bơngai Gat păng minh puăt adrĕch Manase pơm chơnang soi tih tơ jê̆ đak Krong Jôrđăn;

Jôsuê 8:30

Jôsuê đei pơdơ̆ng chơnang soi kơ Kră Yang 'Bok Kei-Dei adrĕch Isơrael, tơ kông Êbal.

Lu 6:24

Giđêôn pơm minh pơm chơnang soi kơ Kră Yang tơ noh. Păng anăn anih noh Kră Yang Ăn Hiôk-Hian. Chơnang noh oei đei truh tơ năr 'nâu tơ pơlei Ôphra, lăm dêh lu bơngai Abierit.

I Sam 7:17

Na sư wih brŏk tơ pơlei Rama, anih hnam sư oei. Tơ noh sư kư̆m sek tơlang kơ kon pơlei Isơrael păng pơm chơnang soi kơkuh kơ Kră Yang.