Bl 12:18 - Sơ̆p Hlabơar Nơ̆r 'Bok Kei-Dei

¹⁸ Pharaôn năm krao Abram na apinh Abram thoi âu: “Ih pơm kiơ kơ inh thoi noh? Liơ ih ưh kơ roi kơ inh bơngai drŏ-kăn noh akăn ih?

Bl 12:18 Iomraidhean Croise

Bl 12:19

Mă-lei khan noh oh drŏ-kăn ih? Na jing inh iŏk hĭ sư pơm akăn. Dang ei âu akăn ih; iŏk sư bĕ păng weh tơ nai.”

Bl 20:3

Mă-lei kiơ̆ kơmăng, pơtao Abimêlek apo 'bôh Kră Yang 'Bok Kei-Dei khan kơ sư, “âu, ih gô lôch yua kơ bơngai drŏ-kăn mă ih rôp iŏk noh, yua kơ sư đei klo boih.”

Bl 29:25

Truh pơgê, na băt kơ Lêa, Jakôp jet La'ban dơ̆ng: Lơliơ mih hơlĕnh kơ inh?

Bl 3:13

Kră Yang 'Bok Kei-Dei jet bơngai drŏ-kăn thoi âu: “Ih pơm kiơ thoi noh?” Bơngai drŏ-kăn tơl khan: “'Bih sư pơhlŭ inh na inh sa boih.”

Bl 31:26

La'ban khan kơ Jakôp thoi âu: Mon pơm kiơ thoi noh? Ih đei hơlĕnh kơ mih chông pơđĭ lu kon drŏ-kăn mih thoi bơnă.

Bl 4:10

Kră Yang jet dơ̆ng: “Ih pơm kiơ thoi noh? Inh 'bôh pham oh ih ôr đơ̆ng teh păng nơ̆r sư krao kơtơ̆ng truh tơ Inh.

Bl 44:15

Jôsep apinh: Lu iĕm pơm kiơ tơdrong ưh kơ 'lơ̆ng thoi noh? Iĕm ưh kơ băt ôh hă, inh ngăl chă pơih tơdrong hlơp.

II Sam 3:24

Jôap năm tơ pơtao na khan: “Pơtao ih pơm kiơ thoi noh? Apner năm tơ'bơ̆p ih, liơ mă ih ăn kơ sư brŏk na sư brŏk hloi boih?

Le 32:21

Môis khan kơ Arôn: Kon pơlei đei pơm kiơ kơ ih na dĭng ih mah pơm ăn kơ kon pơlei pơla pơm yoch tih krưp thoi noh.

Tơdrông Pơđơk 21:1

Jơhngơ̆m pơtao lăm ti Kră Yang thoi đak glung ro; Sư ăn ro tơ yơ mơ̆ng kơ Sư wă.

Jôsuê 7:19

Jôsuê khan kơ Akan: Ô dăm! Athei băt kơkuh ư-ang kơ Kră Yang 'Bok Kei-Dei Isơrael păng bơnê kơ Sư; roi tơbăt bĕ, kơ inh dăm ih đei pơm tơdrong kiơ boih, 'nĕ ôn kơ inh tơdrong noh.

Lu 2:2

Mă gah lu iĕm, 'nĕ kơ pơgơ̆p băl hăm lu bơngai mă oei tơ char âu; iĕm athei pơrăm lê̆ lu rup yang lu sư.’ Mă-lei iĕm ưh kơ mơ̆ng nơ̆r Inh khan. Yua kơ kiơ lu iĕm pơm tơdrong noh?

I Sam 14:43

Sôl jet Jônathan: Roi bĕ kơ inh băt ih đei pơm kiơ. Jônathan roi tơpăt: Inh đei tôt tơ sal sut hăm 'long jra inh na liah tŏ sĕt; na inh âu trŏ kơ lôch.