Bl 11:3 - Sơ̆p Hlabơar Nơ̆r 'Bok Kei-Dei

³ Bơngai âu pơma dơnuh păng bơngai noh khan: “Âu! Bĕ bơ̆n man găch na 'buh lăm ŭnh.” Kơplah noh, găch tơplih kơ tơmo, chai pơm tơmam klep.

Bl 11:3 Iomraidhean Croise

Bl 11:4

Na khan thoi âu: “'Nâu bơ̆n athei pơjing minh pôm pơlei tih păng pơm hnam Thôt tŏk-bŏk pơlei, kơjung truh tơ plĕnh;a bơ̆n athei pơm ư-ang kơ bơ̆n; hli kơ bơ̆n tơklah tơklang tơ jơ̆p-jang kơpal teh đak âu.”

Bl 11:7

Bĕ, lu bơ̆n jur pơm bơlŭ lê̆ nơ̆r pơma lu sư ưh pă hlôh băl dơ̆ng kơ nơ̆r pơma bơngai âu pơma kơ bơngai to.”

Bl 14:10

Lăm thŭng Sidim đei lơ hơlŭng chai jăr; pơtao Sôđôm păng pơtao Gômôrơ thuơ kơdâu puh lăm sơlŭng; gah lu sư huay kơ huŏng kơdâu tŏk tơ kông.

II Sam 12:31

Sư kư̆m rôp kon pơlei lăm noh bơ̆jang kơ sư, jao ăn hơnuă, 'nhik, sung bơsei păng jang man gŏch; sư kư̆m pơm kơ đĭ-đăng lu pơlei bơngai Ammôn jang thoi noh. Đơ̆ng noh, Đawit păng lu linh sư wih brŏk đĭ tơ pơlei Jêrusalem.

Horiso 64:5

Lu sư pơtơm băl pơm tơdrong kơnê̆ lu sư. Pơđâu băl wă hơ'năk hơđong hlơp, Na khan: “Bu 'bôh 'băi bơ̆n.”

Le 1:14

Lu sư pơmat kon pơlei Isơrael hăm tơdrong jang hrat pơjuă teh pơm găch păng lơ tơdrong jang nai lăm mir chŭn. Dôm tơdrong jang lu bơngai Êyiptơ rôp pơgŏ kon pơlei Isơrael jang gleh pơmat-tat dêh.

Le 2:3

Mă sư 'maih ôn đunh hloh kơ noh ră mă-lei ưh kơ gơh boih, na duch ei iŏk minh pôm bai hre, pik chai hơngo, na tơ'bĭch kon nge lăm noh, năm ming ôn sư 'bơ̆t 'nhĕt trang tơter jih lăm đak krong.

Tơdrông Pơđơk 1:11

Tơdah lu sư khan, bĕ năm kiơ̆ nhôn; chă răp pơlôch đe. Chop pơlôch pơrăm lu bơngai ưh kơ đei yoch.

Bôk Bơthô 2:1

Inh pơma lăm to: “Inh pơlong hiôk chơt 'nă hal lăng 'mơ̆i, lăng lăng hăm đei kiơ hiôk. “Mă-lei inh 'bôh tơdrong noh kư̆m jơ̆ tơdrong kơ đei mơ̆n.

Êsai 5:5

'Nâu, Inh roi kơ lu iĕm. Tơdrong Inh wă pơm kơ pơgar hơmu Inh. Inh gô yuih lê̆ dur war, na đe gô phĕ sa plei sư đĭ, Inh gô tơlơ̆ lê̆ dur noh na đe gô pơjuă pơrăm sư.

Êsai 65:3

Minh adrĕch kon pơlei ling-lang tơblĕk Inh 'Bơ̆t anăp Inh soi sơmah kơ rup yang lăm pơgar, soh 'long 'bâu phu ăn kơ yang tơ kơpal chơnang găch.

Êsai 9:10

Thoi noh na Kră Yang gô hơtŏk lu ayăt đơ̆ng Rêsin iung blah lu sư păng gô pơdrŭt lu ayăt kơ lu sư.

Na 3:14

Iĕm athei chhŏ mong hiă đak wă găn đe wang, pơm mă kơjăp kơđông ih. Pơjuă bĕ trôk, jrâu hăm teh lơ̆n păng pơm hơmet ming hnam pơm găch mă kơjăp.

Hêbrơ 10:24

Bơ̆n athei băt tơchĕng gah tơdrong pơlung băl, wă kơ bơ̆n đei đon 'mêm mơnat hăm pơm 'lơ̆ng.

Hêbrơ 3:13

Kơplah ahrei brei drâu oei tam mơ̆n, na rim năr iĕm athei pơlung dih băl, wă kơ đĭ-đăng kơ iĕm huay kơ lui kơ đe pơhlŭ pơlung iĕm pơm yoch jing arăng kơ̆l.

Ya 4:13

Mơ̆ng bĕ lu iĕm mă juăt kơ pơma lê̆ hơdrol khan: “Năr âu dah năr dơning bơ̆n năm tơ pơlei to chă mơdro sa, kơtĕch kơ minh sơnăm bơ̆n đei lơi dêh.”

Ya 5:1

Ơ lu bơngai mơdrŏng, mơ̆ng bĕ. Trŏ kơ iĕm nhơ̆m hmoi bĕ, mă iĕm nhơ̆m hmoi lê̆ hơdrol lăp boih, yua kơ dôm tơdrong gleh pơmat wă truh kơ iĕm.