Bl 10:25 - Sơ̆p Hlabơar Nơ̆r 'Bok Kei-Dei

²⁵ Eber đei pơjing kơ 'bar 'nu kon drŏ-nglo; anăn minh 'nu noh Pêlekc yua kơ teh lăm chăl sư noh sơ̆ asong băl boih; anăn oh sư Jôktan.

Bl 10:25 Iomraidhean Croise

Bl 10:21

Sem 'nhŏng kơdră, 'nhŏng Japhet, kư̆m đei pơjing kon drŏ-nglo, drŏ-kăn. Sem pơjing adrĕch Hêbrơ.b

Bl 10:26

Jôktan pơjing Almodat, Sêlep, Hasamawet, Jêra,

Bl 10:32

Noh lu adrĕch adrung pêng 'nu kon drŏ-nglo Nôê, kiơ̆ kơ chăl păng kon pơlei sư; păng yua kơ lu sư noh na đĭ-đăng adrĕch adrung klah asong băl jơ̆p kơpal teh đơ̆ng rŏng kơ đak lơ̆p.

Bl 10:5

Noh boih kon sâu Japhet, kiơ̆ adrĕch adrung, kiơ̆ kơ nơ̆r pơma, dêh char păng pơlei pơla sư. Đơ̆ng lu sư na đei kon bơngai oei jơ̆p kơ bŏl lăm đak dơsĭ păng tơter jih dơsĭ.

I Ho 1:19

Eber pơjing 'bar 'nu kon drŏ-nglo; minh 'nu anăn sư Pêlek yua kơ lăm jơhnơr sư đe asong băl teh; oh sư anăn Jôktan.

Jop 15:19

Dêh char âu đei ăn đĕch kơ lu sư bơih, ưh kơ đei bơngai tơmoi ayơ gơh mơ̆t oei lăm khŭl sư.

Jang 17:26

'Bok Kei-Dei pơjing đơ̆ng minh 'nu bơngai, mă-lei Sư pơjing kơ đĭ-đăng khŭl bơngai wă kơ bơngai bơ̆n oei jơ̆p kơ teh đak. Sư ată khŭl bơngai mơ'nah pơgơ̆r đunh dang yơ. Teh đak bơ̆n oei Sư kư̆m asong mơ̆n.

Both 32:8

Mưh kơplah Kră Yang Tih Hloh klah asong ăn teh kơ kon pơlei. 'Bơ̆t Sư ăn kơ adrĕch adrung Ađam tơklah tơklang. Sư hơgăt ăn hơdral kơ rim adrĕch, kiơ̆ kơ kơ̆l kon pơlei bơngai Isơrael.a