Bl 10:19 - Sơ̆p Hlabơar Nơ̆r 'Bok Kei-Dei

¹⁹ Gah tơring adrĕch adrung Kanaan lu sư năm tơ gah Gêrar, iŏk đơ̆ng Siđôn truh tơ Gasa păng kư̆m truh tơ Sôđôm, Gômôrơ, Atma păng Yibotim truh hloi tơ Lêsa.

Bl 10:19 Iomraidhean Croise

Bl 10:18

Adrĕch Arwadit adrĕch Yêmarit adrĕch Hamat. Đơ̆ng noh adrĕch adrung Kanaan tơklah tơklang.

Bl 10:20

Noh kon sâu Cham, kiơ̆ kơ adrĕch adrung kiơ̆ kơ nơ̆r pơma, dêh char păng kon pơlei pơla sư.

Bl 14:2

puăn 'nu pơtao âu iung blah Bêra pơtao Sôđôm; Birsa, pơtao Gômôrơ; Sinap pơtao Atma; Sêmebêr, pơtao Jeboim păng pơtao Bêla, wă khan Soa.

Bl 14:3

Lu pơtao âu lu sư pơđâu akŭm băl lăm thŭng Sidim, dang ei krao đak dơsĭ 'boh.

Bl 18:20

Kră Yang khan kơ Abraham thoi âu: “Nơ̆r krao ôr kơ tơdrong Sôđôm păng Gômôrơ pơm kơnê̆ dêh tơpă.

Bl 20:1

Abraham yak đơ̆ng noh truh tơ gah gơal, oei tơ tơring Nêgeo oei sơlam char Kêdê păng Sur. Đơ̆ng noh sư oei tơ tơring Gêrar.

Bl 26:1

Sơ̆ đei pơngot lăm chăl arih Abraham, dang ei lăm tơring sư đei dơ̆ng pơngot rơwĕt. Isăk năm tơ Gêrar, char Abimêlek, pơtao đe Philistin.

II Ho 14:12

Kră Yang blah pơrăm kon pơlei Êthiôpi 'bơ̆t anăp kon pơlei Juđa păng pơtao Asa; khŭl linh Êthiôpi kơdâu đĭ.

II Ho 14:13

Asa păng lu linh kiơ̆ sư, druh lu linh Êthiôpi truh tơ Gêrar; linh Êthiôpi lôch lơ tơpă, ưh pă đei bu arih, lu sư thuơ 'bơ̆t anăp Kră Yang hăm lu linh Sư. Lu bơngai blah iŏk đei lơ tơmam.

Jop 38:20

Ih hăm gơh ba sư năm tơ anih sư? Hăm băt kơ trong năm tơ hnam sư oei ưh?

Êsai 23:11

Kră Yang yơ̆r ti sư kơpal đak dơsĭ, pơm kơ rim teh đak tơdrŏ, Sư pơm boih kơ Kanaan wă pơrăm lu kơđông kơjăp sư.

Êsai 23:4

Ơ Siđôn mơlâu bĕ! Yua kơ đak dơsĭ khan bơih anih kơjăp mă lu iĕm gơnang lăm đak dơsĭ đei pơma bơih: “Inh tam đei anăp kư̆m tam đei layơ tơpŭ; kư̆m tam đei rong kon tơdăm dah kon adruh.”

Je 25:20

Păng đĭ-đăng kơ lu tơmoi lăm char noh lu pơtao char Us, ăn kơ lu pơtao char Philistin, lăm noh đei pơlei Askalon, pơlei Gasa, Ekrôn păng lu bơngai mă oei arih lăm pơlei Asdôt.

Je 47:1

'Nâu nơ̆r Kră Yang khan kơ Jêrêmi bơngai khan lê̆ adrol gah bơngai Philistin adrol kơ Pharaôn wă blah Gasa.

Êsêkiên 28:21

“Ơ kon bơngai tơwih bĕ muh măt ih gah pơlei Siđôn, khan lê̆ adrol blah sư.

Hôsia 11:8

Ơ Êphraim, liơ Inh gơh achăng ih, Ơ Isơrael, liơ Inh gơh jao lê̆ lu iĕm kơ đe? Liơ Inh gơh ăn pơm kơ lu iĕm jing thoi pơlei Atma, dah liơ Inh gơh pơm kơ lu iĕm thoi pơlei Sêbôim? Jơhngơ̆m Inh sơngah ưh kơ wă pơm tơdrong noh păng jơhngơ̆m Inh 'mêm kơeng đĭ tơtŏ dêh boih.

Jang 8:26

Na gah Philip dơ̆ng, linh jang 'lơ̆ng 'Bok Kei-Dei khan kơ sư thoi âu: “Ih năm tơ gah gơal Pơlei Jêrusalem hŏ, gah trong char glă chơngue mă jur đơ̆ng Pơlei Jêrusalem truh tơ Pơlei Gasa.”

Both 2:23

Bĕ gah kon pơlei Awim, oei đơ̆ng lăm lu pơlei iĕ truh tơ pơlei Gasa, kon pơlei Kaptorim, oei đơ̆ng char Kaptôr pơrăm lu sư na oei hloi tơ noh.

Both 32:8

Mưh kơplah Kră Yang Tih Hloh klah asong ăn teh kơ kon pơlei. 'Bơ̆t Sư ăn kơ adrĕch adrung Ađam tơklah tơklang. Sư hơgăt ăn hơdral kơ rim adrĕch, kiơ̆ kơ kơ̆l kon pơlei bơngai Isơrael.a

Jôsuê 19:28

Gah pơlei Adôn, Rêhôp, Hammôn păng Kana, truh tơ pơlei tih Siđôn.

Lu 16:1

Samsơn năm tơ pơlei Gasa, 'bôh minh 'nu adruh đi tơ noh. Sư mơ̆t tep hloi lăm hnam adruh ei.

Lu 6:4

Lu sư pơm anih linh wă chă pơrăm lu sư, pơrăm đĭ-đăng tơmam sa plei sa truh tơ tơring Gasa ưh pă đei lê̆ minh tơmam sa kiơ kơ lu bơngai Isơrael, mă triu, rơmo dah aseh iĕ.

I Sam 13:18

khŭl mă 'bar năm tơ gah pơlei Bêt Hôrôn; mă-lei khŭl mă pêng năm rok trong sơlam, trong noh năm tơ gah kơpal groi tơmang 'bôh tơ thŭng Sêbôim, păng char glă.