Bl 1:28 - Sơ̆p Hlabơar Nơ̆r 'Bok Kei-Dei

²⁸ Kră Yang 'Bok Kei-Dei ăn pŭn hiôk kơ kon bơngai păng khan thoi âu: “Athei pơjing chek lar rai lơ, wă kơ 'bĕnh jơ̆p kơ teh; athei pơm ăn kơ teh đak chu yom, athei pơgơ̆r lu ka lăm đak dơsĭ, khŭl sem păr kơpal plĕnh păng đĭ-đăng kon sem brem adrŏ kơpal teh.”

Bl 1:28 Iomraidhean Croise

Bl 1:22

Kră Yang 'Bok Kei-Dei ăn tơdrong pŭn hiôk kơ lu khŭl noh khan thoi âu: Athei pơjing, rai lơ, wă kơ 'bĕnh lăm đak dơsĭ păng lu sem păr kư̆m pơjing chek lar rai lơ tơ kơpal teh.

Bl 17:16

Inh gô ăn pŭn hiôk kơ sư, đơ̆ng sư Inh gô ăn kơ ih minh 'nu kon drŏ-nglo. Inh ăn kơ sư đei pŭn hiôk, sư gô pơm mĕ kơ lơ adrĕch adrung; wă kơ đơ̆ng sư jing đei lơ dêh char păng dôm lu pơtao gô lĕch đơ̆ng sư.”

Bl 17:20

Inh gô tơl nơ̆r ih krao apinh kơ Ismael. Âu inh ăn pŭn hiôk kơ sư, gô pơm ăn kơ sư pơjing kon sâu rai lơ; sư gô jing 'bok kơ mơjĭt-'bar yŏng pơgơ̆r păng Inh gô ăn kơ sư jing adrĕch adrung tih.

Bl 24:60

Lu sư sơkat pŭn hiôk kơ Rê'bêkad thoi âu: “Oh drŏ-kăn inh, hơpơi kơ oh jing Mĕ kơ rơbâu hơngan 'nu bơngai păng ăn kơ lu adrĕch adrung oh gô jing pran blah iŏk lu pơlei tih đơ̆ng lu ayăt.”

Bl 26:24

Măng noh Kră Yang jur tơ sư păng khan: Inh boih Kră Yang 'Bok Kei-Dei Abraham, 'bă ih, 'nĕ kơ hli, Inh oei hơdai ih. Inh gô ăn thim tơdrong pŭn hiôk kơ ih păng ăn adrĕch adrung ih, jing lơlap, yua kơ Abraham đĭch đam Inh.

Bl 33:5

Đơ̆ng noh Êsâu hue lăng 'bôh lu drŏ-kăn păng lu hơ'lơ̆p apinh lu đe bu to mă kiơ̆ oh noh? Sư tơl: Lu kon hơ'lơ̆p inh đĭch đam 'nhŏng mă đơ̆ng Kră Yang 'Bok Kei-Dei ăn.a

Bl 49:25

Kră Yang 'Bok Kei-Dei đơ̆ng 'bă gô tơgŭm e; Kră Yang mơsêh mơyang gô ăn pŭn hiôk kơ e, Wă khan tơdrong pŭn hiôk jruh đơ̆ng plĕnh. Hăm tơdrong pŭn hiôk jruh đơ̆ng anih jrŭ. Tơdrong pŭn hiôk đơ̆ng toh păng đơ̆ng lăm klak mĕ.

Bl 5:2

Sư pơjing bơngai drŏ-nglo păng bơngai drŏ-kăn, ăn tơdrong pŭn hiôk kơ bre sư păng năr Sư pơjing ei Sư anăn bre sư bơngai.

Bl 6:1

Đơ̆ng kon bơngai đĭ rai lơ năm jơ̆p-jang kơpal teh păng kon bơngai đei pơjing lu kon drŏ-kăn boih,

Bl 8:17

Athei pơih đĭ lu kon sem arih gah sĕch akar mă oei hơdai ih, lu sem păr, lu sem dơrong, sem brem, lu hơdrông kơep lep-ler mơmŏ kơpal teh, wă kơ lu sư chek lar char kon 'bĕnh kơ teh.”

Bl 9:1

Kră Yang 'Bok Kei-Dei ăn pŭn hiôk kơ Nôê păng lu kon drŏ-nglo sư, Sư khan thoi âu: “Athei pơjing adrĕch adrung hrôh ngôh rai lơ dĭng 'bĕnh-'bang kơpal teh.

Bl 9:7

Gah lu iĕm athei pơjing adrĕch adrung rai lơ 'bĕnh-'bang jơ̆p-jang kơpal teh đak.”

I Ho 26:5

Ammiel mă tơdrâu, Isakar mă tơpơh păng Phêulêthai mă tơhngam yua kơ Kră Yang 'Bok Kei-Dei đei tuh tơdrong pŭn hiôk kơ Ôbêt Eđôm ăn đei kon lơ.

I Ho 4:10

Jabes krao apinh Kră Yang 'Bok Kei-Dei Isơrael khan: “Ơ Kră Yang apinh Ih tuh ăn kơ inh pŭn hiôk pơih ăn hơdral teh đak inh mă să! Apinh ti mơsêh Ih oei hơdai inh, wei-lăng inh klaih đơ̆ng tơdrong răm pơmat-tat” Kră Yang 'Bok Kei-Dei ăn hloi thoi tơdrong sư krao apinh.

Jop 39:11

Ih hăm wă yua rơmo bri mă pran jăng dêh? Hăm wă jao kơ sư tơdrong jang gleh lap?

Jop 42:12

Thoi noh, Kră Yang tuh tơdrong pŭn hiôk ăn kơ Jop lăm sơnăm rai kră lơ hloh kơplah 'nao iung sơ̆: Sư đei mơjĭt-puăn rơbâu tŏ triu, tơdrâu-rơbâu tŏ aseh lăk-đa, minh-rơbâu hơgrop rơmo păng minh-rơbâu aseh iĕ akăn.

Horiso 107:38

Kră Yang 'Bok Kei-Dei ăn tơdrong pŭn hiôk kơ lu sư, lu kon pơlei rai hrôh. Sư ưh kơ đei ăn kơ kon sem dơrong lu sư hrŏ hiong,

Horiso 115:16

Lu hơtăl plĕnh ti jơ̆ tơmam Kră Yang ngăl. Mă-lei Sư ăn teh âu kơ kon bơngai.

Horiso 69:34

Ơ plĕnh, teh, đak dơsĭ păng kon sem brem lăm noh, đĭ-đăng bơnê bĕ kơ Sư.

Horiso 8:6

Ih jao ăn kơ kon bơngai pơgơ̆r wei-lăng dôm tơmam đơ̆ng tơpang ti Ih pơjing, ăn kơ lu kon sem, tơmam chu đep tơ ala jơ̆ng kon bơngai.

Horiso 8:7

Đĭ lu triu, rơmo, hăm lu sem bri.

Êsai 45:18

'Nâu Kră Yang khan: Inh bơih Tơ'ngla pơjing lu plĕnh, Sư bơih Kră Yang 'Bok Kei-Dei sư pơjing plei teh. Sư pơjing plei teh ưh kơ lê̆ hoh bơbông đĕch ôh, sư pơjing wă kơ đei kon pơlei oei, Kră Yang pơma thoi âu: Inh bơih Kră Yang, ưh kơ đei yang nai ôh.

Lêwi 26:9

Inh gô 'mêm bơwei lu iĕm ăn kơ iĕm chek lar rai lơ păng pơjing tơdrong pơgơ̆p hăm lu iĕm kơjăp.

I Tim 4:3

Lu bơngai ei chă bơtho đe khan ưh kơ gơh iŏk klo kăn păng kơ̆m kơ lu tơmam sa. Mă-lei 'Bok Kei-Dei pơjing tơmam sa 'noh wă kơ bơ̆n gơh sa. Na lu bơ̆n bơngai lui băt tôm tơdrong 'Bok Kei-Dei, bơ̆n athei krao khan bơnê kơ Sư 'mơ̆i, klaih kơ noh bơ̆n gơh sa boih.