Bl 1:20 - Sơ̆p Hlabơar Nơ̆r 'Bok Kei-Dei

²⁰ Kră Yang 'Bok Kei-Dei khan dơ̆ng thoi âu: “Athei đei pơjing lu kon sem brem arih lăm đak mă lơ. Păng lu sem păr tơ kơpal teh păr tơ anê̆ rơwơ̆ng tơ plĕnh ti.”

Bl 1:20 Iomraidhean Croise

Bl 1:14

Kră Yang 'Bok Kei-Dei khan dơ̆ng thoi âu: “Athei đei lu măt pơchrang hơdah tơ tŏk-bŏk rơwơ̆ng ti. Wă kơ klah asong 'năr păng măng, wă tơdra băt kơ bơyan, đei năr hăm sơnăm.

Bl 1:19

Thoi noh đei kơsơ̆ păng pơgê, noh jơ̆ năr mă puăn.

Bl 1:21

Kră Yang 'Bok Kei-Dei pơjing lu ka tih păng lu kon sem brem arih lăm đak rai lơ kiơ̆ kơ adrĕch sư. Kră Yang 'Bok Kei-Dei 'bôh tơdrong noh 'lơ̆ng.

Bl 1:22

Kră Yang 'Bok Kei-Dei ăn tơdrong pŭn hiôk kơ lu khŭl noh khan thoi âu: Athei pơjing, rai lơ, wă kơ 'bĕnh lăm đak dơsĭ păng lu sem păr kư̆m pơjing chek lar rai lơ tơ kơpal teh.

Bl 1:30

Gah lu kon sem bri, lu sem păr kơpal plĕnh păng lu sem dơrong nai kơpal teh, mă adrĕch ayơ đei arih na Inh ăn kơ rim 'nhĕt 'nhot adrih wă pơm tơmam sa,” đei hloi thoi noh.

Bl 1:7

Kră Yang 'Bok Kei-Dei pơjing anê̆ rơwơ̆ng noh, klah asong đak tơ ala anê̆ rơwơ̆ng păng đak tơ kơpal anê̆ rơwơ̆ng; na đei hloi thoi noh.

Bl 2:19

Kră Yang 'Bok Kei-Dei iŏk 'mui teh man pơjing lu kon sem brem, lu sem păr, na năm ba 'bơ̆t anăp Ađam wă kơ sư chă anăn lu sư thoi yơ, wă kơ kon sem kiơ mă Ađam đei anăn ăn đei anăn ei hloi kiơ̆ kơ adrĕch sư.

Bl 7:21

Đĭ-đăng dôm lu adrĕch sĕch akar arih kơpal teh lôch glơ̆k, mă lu sem păr, mă lu kon sem dơrong, kon sem bri, mă kon hơdrông kơep lep-ler păng đĭ kon bơngai.

Bl 8:17

Athei pơih đĭ lu kon sem arih gah sĕch akar mă oei hơdai ih, lu sem păr, lu sem dơrong, sem brem, lu hơdrông kơep lep-ler mơmŏ kơpal teh, wă kơ lu sư chek lar char kon 'bĕnh kơ teh.”

I Pot 4:33

Sư pơma roi tôm lu tơnơm 'long đơ̆ng 'long hơngo tơ Liban truh tơ lu hla 'nhĕt bơmur chăt 'bơ̆t tơnăr, sư kư̆m đei pơma 'bơm trŏ gah sem brem lu sem păr 'bih kơep lep-ler păng lu ka lăm đak.

Jop 12:9

Lăm lu sem brem 'nâu, sem brem ayơ mă khan ưh kơ băt kơ đơ̆ng ti Kră Yang 'Bok Kei-Dei pơm ngăl dôm tơmam 'noh?

Horiso 148:10

Kon sem bri păng lu kon sem dơrong. Kon hơdrông păng lu kon sem păr.

Bôk Bơthô 2:21

Yua kơ đei bơngai jang yua tơdrong gơh hơgei, hlôh wao jơhngơ̆m pran pơm pơjing lê̆, đơ̆ng noh wă pơsư̆ mŭk tơmam ăn kơ lu bơngai mă ưh kơ đei jang gleh hrat kiơ, noh kư̆m tơdrong kơ đei păng minh tơdrong klai tơpă.

Lêwi 11:42

Thoi noh ưh kơ gơh sa 'nhĕm sư ôh lu kon sem mă mơmŏ kơpal teh, kon sem ayơ mă mơmŏ hor hăm klak yak nơnăm hăm puăn pah jơ̆ng ti dah nơnăm hăm lơ jơ̆ng, yua kơ noh lăng krưp dêh.

Lêwi 11:43

Lu iĕm 'nĕ kơ ăn minh pôm kon sem mă 'bơm tơ akâu lu iĕm pơm kơ lu iĕm 'mê̆-'mach, kơnh lu iĕm jing ưh kơ rơgoh. Athei lăng krưp dêh tơdrong noh.

Jang 17:25

Kră Yang 'Bok Kei-Dei ưh kơ kăl kơ bơ̆n tơgŭm Sư ôh yua kơ Sư boih ăn kơ bơ̆n arih păng ăn kơ bơ̆n đĭ-đăng tơmam bơ̆n kăl yua.