Bl 1:16 - Sơ̆p Hlabơar Nơ̆r 'Bok Kei-Dei

¹⁶ Kră Yang 'Bok Kei-Dei pơjing kơ 'bar tŏ măt pơchrang hơdah tih; măt pơchrang hơdah mă tih hloh noh wă pơchrang gah kơ'năr, măt mă pơchrang mă iĕ 'biơ̆ noh wă pơchrang gah kơmăng; sư kư̆m pơjing kơ lu sơnglŏng mơ̆n.

Bl 1:16 Iomraidhean Croise

Bl 1:15

Kŭm wă pơchrang hơdah kơ teh;” na đei hloi thoi noh.

Jop 31:26

Tơdah inh lăng tơ măt 'năr pơchrang hơdah Păng măt khei lĕch pơchrang hơdah hơdong rơđah,

Jop 38:7

Kơplah sơnglŏng wŏng-tar hơri hơdai. Păng lu kon drŏ-nglo Kră Yang 'Bok Kei-Dei ôr jreo chơt hiôk.

Horiso 148:3

Ơ măt năr, măt khei hơri ư-ang bĕ kơ Sư. Ơ lu tăl sơnglŏng rang hơdah, bơnê ư-ang bĕ kơ Sư;

Horiso 148:5

Ăn kơ đĭ-đăng hơri ư-ang bĕ kơ anăn Kră Yang; yua kơ Sư athei, na đĭ-đăng jing đei.

Horiso 19:6

Măt 'năr lĕch đơ̆ng plĕnh âu, năm dăr truh tơ jơ̆ng plĕnh gah to, Ưh kơ đei kiơ mă gơh weh đơ̆ng yuh tŏ măt 'năr.

Horiso 74:16

Kơ'năr jơ̆ Ih kơmăng kư̆m lei-lăi; Ih boih pơjing kơ măt khei măt 'năr.

Horiso 8:3

Dah inh lăng tơ plĕnh đơ̆ng lu hơnglâu ti Ih pơjing Măt khei păng lu sơnglŏng mă Ih đei pơjing boih.

Êsai 13:10

Lu sơnglŏng păng khŭl sơnglŏng rang tơ kơpal plĕnh ti ưh pă pơchrang hơdah dơ̆ng bơih. Măt 'năr lĕch ră mă kư̆m oei măng mu, măt khei kư̆m ưh pă pơchrang hơdah dơ̆ng mơ̆n.

Êsai 24:23

Măt khei gô ưh pă hơđơ̆ng, măt 'năr gô kơdơ̆, Kră Yang Tih Hloh gô pơgơ̆r kơpal kông Siôn, tơ pơlei Jêrusalem păng tơdrong ư-ang rang mơnhal sư gô pơdah 'bơ̆t anăp lu đe kră.

Êsai 40:26

Ngơk bĕ măt tơ kơpal plĕnh, na lăng bu pơjing bơih lu tơmam âu? Bu Tơ'ngla ba lu sơnglŏng đei dôm noh păng krao anăn rim kơ lu noh, yua kơ Sư pran tih dêh păng Sư mơsêh mơyang. Ưh kơ đei hơnglŏng kiơ ưh kơ đei.

Êsai 45:7

Inh bơih Tơ'ngla pơm đei tơdrong hơdah păng pơjing tơdrong măng mu, pơm đei tơdrong hiôk-hian păng kư̆m ăn đei tơdrong pơrăm, Inh bơih Kră Yang Tơ'ngla pơm dôm tơdrong noh.

Je 31:35

Kră Yang; Tơ'ngla mă ăn măt 'năr pơchrang hơdah kơ'năr, ăn măt khei sơnglŏng pơchrang gah kơmăng, pơm kơ đak dơsĭ pơpơ̆ poh-yă hơlôk hơlak.” Kră Yang Tih Hloh noh anăn Sư.

Habakuk 3:11

Măt 'năr măt khei dơ̆ng kơtă anih lu sư; Yua kơ đei 'bôh lu 'brơ̆m Ih prah păng rang hơdah đơ̆ng lu đao tơju hơlă Ih, chêr char thoi kơmlat.

Mathiơ 24:29

“Đơ̆ng rŏng kơ tơdrong anat noh boih măt 'năr gô măng mu, măt khei ưh kơ hơdah, sơnglŏng gô huŏng đơ̆ng plĕnh.

Mathiơ 27:45

Lăp 'năr dơ̆ng, glĭp măng mu jơ̆p kơ teh đak truh tơ pêng jơ kơsơ̆.

I Kor 15:41

Măt 'năr sư 'lơ̆ng rŏ, măt khei kư̆m 'lơ̆ng rŏ mơ̆n, mă lu sơnglŏng kư̆m 'lơ̆ng rŏ mơ̆n, mă tơdrong 'lơ̆ng rŏ sư phara. Sơnglŏng 'noh 'lơ̆ng rŏ thoi noh, sơnglŏng to 'lơ̆ng rŏ thoi to.

Both 4:19

Kơnh hli kơ lu iĕm pơm ngoi lăng tơ plĕnh 'bôh măt 'năr, măt khei, lu sơnglŏng dôm lu tơmam kơpal plĕnh, kơnh iĕm 'maih wă kơkuh kơ dôm lu tơmam noh păng drap kơkuh kơ lu sư. Mă Kră Yang 'Bok Kei-Dei asong ăn tơmam noh kơ kon bơngai oei ala teh âu.

Tơdrông Tơ'bôh 21:23

Pơlei noh ưh kơ kăl kơ măt 'năr dah khei pơchrang hơdah ăn ôh, yua kơ tơdrong mơsêh 'Bok Kei-Dei hăm Kon Triu pơchrang ăn hơdah boih.