Am 9:8 - Sơ̆p Hlabơar Nơ̆r 'Bok Kei-Dei

⁸ Sĭt măt Kră Yang oei răp lăng kơpal teh đak yoch âu păng inh gô pơrăm sư đơ̆ng kơpal teh âu, mă-lei inh ưh kơ pơlôch đĭ hnam Jakôp, Kră Yang khan thoi noh.

Am 9:8 Iomraidhean Croise

Bl 6:7

Kră Yang khan thoi âu: “Inh gô pơrăm lê̆ đĭ kon bơngai kơpal teh mă đêl Inh pơjing, đơ̆ng kon bơngai truh tơ lu kon sem brem, lu hơdrông kơep lep-ler, lu sem păr, yua kơ inh hmach kơdih akâu đei pơjing boih lu sư noh.”

Bl 7:4

Yua kơ pă tơpơh năr dơ̆ng, inh gô ăn 'mi jruh tơ teh, lăm puăn-jĭt năr puăn-jĭt măng; Inh gô pơrăm lê̆ đĭ kơpal teh mă dôm kon sem brem mă đĭ adrĕch đơ̆ng inh đei pơjing.”

I Pot 13:34

Tơdrong 'nâu jing tơdrong yoch kơnê̆ tih kơ adrĕch hnam Jêrôbôam pơm ăn kơ dêh char sư pơchah pơchek păng đe pơlôch đĭ-đăng đơ̆ng kơpal teh đak âu.

Tơdrông Pơđơk 15:3

Măt Kră Yang 'bôh jơ̆p-jang anih, Oei lăng lu bơngai kơnê̆ păng lu bơngai 'lơ̆ng.

Tơdrông Pơđơk 5:21

Yua kơ trong kon bơngai yak hơdah 'bơ̆t anăp Kră Yang; Sư lăng đĭ trong lu sư yak.

Je 30:11

Kră Yang khan: “Inh oei păng iĕm, wă dŏng pơklaih iĕm. Inh gô pơlôch pơrăm đĭ lu dêh char, mă Inh đei puh iĕm tơklah tơklang lăm noh, mă-lei Inh huay kơ pơlôch iĕm. Inh gô phak bơtho lu iĕm kiơ̆ kơ tơdrong trŏ, Inh ưh kơ lê̆ ôh phak bơtho lu iĕm.”

Je 44:27

'Nâu, dang ei Inh răp lăng, wă ăn tơdrong pơmat truh tơ lu sư, ưh kơ trŏ ăn tơdrong pŭn hiôk ôh; đĭ lu bơngai Juđa mă oei lăm dêh char Êyiptơ gô lôch kơ đao gưm pơngot rơwĕt.

Je 46:28

Kră Yang khan: “Ơ Jakôp đĭch đam Inh, ih 'nĕ kơ hli, Inh oei hơdai ih, Inh gô pơrăm đĭ lu dêh char mă Inh đei puh iĕm tơ noh; bĕ gah lu iĕm Inh ưh kơ pơlôch đĭ, mă-lei gô phak bơtho iĕm trŏ tơpăt hơnơ̆ng, ưh kơ đei lê̆ ôh tơdrong phak bơtho iĕm.”

Je 5:10

Năm rok pơgar hơmu koh pơrăm bĕ lu sư, mă-lei 'nĕ kơ kăl pơđĭ, chre hŭt lê̆ lu tơmơ̆ng dơng 'nao bluh, yua kơ lu sư ưh kơ gah Kră Yang ôh.

Hôsia 1:4

Na Kră Yang khan kơ sư: “Athei krao anăn sư Jêsreel, yua kơ ưh pă đunh dơ̆ng boih, Inh gô phak adrĕch Jêhu yua kơ pham lu bơngai sư pơlôch tơ Jêsreel păng Inh gô pơtôch lê̆ dêh char Isơrael.

Hôsia 1:6

Akăn sư anăp dơ̆ng na tơpŭ ăn kơ sư minh 'nu kon drŏ-kăn, na Kră Yang khan kơ Hôsia: “Ih krao anăn sư Lôruhama, yua kơ Inh ưh pă đei 'mêm mơnat dơ̆ng boih kơ adrĕch Isơrael, wă kơ Inh kư̆m ưh pă mơnat pơklaih tơdrong yoch kơnê̆ lu sư dơ̆ng.

Jôel 2:32

Na bu krao hơpơi kơ Kră Yang gô klaih, Kră Yang đei khan, tơ kông Siôn păng lăm pơlei Jêrusalem, gô đei lu bơngai kơdâu ôn klaih bơih, lu bơngai mă Kră Yang gô krao iŏk.

Am 3:12

Kră Yang khan: Thoi lu bơngai wei triu dui pơdŭng iŏk 'bar pah jơ̆ng dah minh pah đon đơ̆ng 'bơ̆r dăm-brang, na lu kon sâu Isơrael kư̆m lei-lăi, lu bơngai mă hơ-oei tơ kơpal giơng tơ dêh Samari păng kơpal 'bi lơ̆k tơ pơlei Đamas, kư̆m gô gơh dŏng pơklaih thoi noh.

Am 7:17

Yua kơ inh khan thoi noh na Kră Yang khan dơ̆ng thoi âu: Akăn ih gô pơm đi tơ lăm pơlei tih; kon drŏ-nglo păng kon drŏ-kăn ih gô lôch kơ đao gưm, teh đak ih gô klah asong pơtŏ păng tơlei, gah ih, ih gô lôch lăm teh đak 'mê̆-'mach păng Isơrael gô pơm đĭch tơ dêh đe.

Am 9:10

Đĭ-đăng dôm lu bơngai yoch lăm kon pơlei inh, lu sư gô lôch kơ đao gưm lu sư khan: Tơdrong kơnê̆ ưh pă jê̆ lu bơ̆n păng ưh pă tam truh tơ lu bơ̆n, na lu sư gô lôch kơ đao gưm.

Am 9:4

Mă khan lu sư năm pơm bơnă 'bơ̆t anăp lu ayăt kơ lu sư, tơ noh inh kư̆m gô ăn đao gưm năm pơlôch lu sư. Inh gô răp lăng tơ lu sư wă pơrăm, ưh kơ trŏ wă ăn tơdrong hiôk ôh.

Both 4:31

Yua kơ Kră Yang 'Bok Kei-Dei iĕm jơ̆ Kră Yang 'Bok Kei-Dei băt mơnat ưh kơ achăng lê̆ păng ưh kơ pơrăm pơlôch iĕm ôh; kư̆m ưh kơ hiơt kơ tơdrong pơgơ̆p mă đơ̆ng Sư pơkă pơkăm boih hăm 'bok lu iĕm.

Both 6:15

Yua kơ Kră Yang 'Bok Kei-Dei oei hơdai iĕm, jơ̆ Kră Yang 'Bok Kei-Dei băt gar, tơdah lu iĕm kơkuh kơ yang nai Kră Yang 'Bok Kei-Dei hil mĭl kơ iĕm păng Sư gô pơlôch tơhiong iĕm đơ̆ng kơpal teh âu,