Am 9:15 - Sơ̆p Hlabơar Nơ̆r 'Bok Kei-Dei

¹⁵ Inh gô pơtăm lu sư tơ teh đak lu sư kơdih păng ưh pă đei bu buch lu sư dơ̆ng đơ̆ng teh mă inh đei ăn boih kơ lu sư Kră Yang 'Bok Kei-Dei ih khan thoi noh.

Am 9:15 Iomraidhean Croise

Horiso 44:2

Ih đei yua ti Ih puh tơweh kon pơlei pơla, na pơtăm lu 'bok yă nhôn. Ih pơma kơ lu kon pơlei pơla, mă ăn kơ lu 'bok yă nhôn rai pŭn hiôk.

Horiso 80:8

Đơ̆ng char Êyiptơ Ih rô̆ ba boih minh tơnơm hơmu; Ih pơpuh boih lu dêh char na pơtăm tơnơm hơmu noh,

Êsai 60:21

Na đĭ-đăng kon pơlei ih gô jing 'lơ̆ng tơpăt; lu sư gô đei dêh char 'nâu ling-lang; Lu sư bơih bluh tơmơ̆ng đơ̆ng Inh pơtăm, đơ̆ng ti Inh pơm wă kơ Inh đei ư-ang.

Je 16:15

mă-lei đe pơma khan: ‘Sĭt thoi Kră Yang arih, Tơ'ngla đei chông anhăk tơlĕch bơngai Isơrael đơ̆ng char gah yă-nơ̆m păng đơ̆ng đĭ-đăng char mă đêl Sư pơpuh tơweh lu sư,’ yua kơ Inh gô ba lu sư brŏk tơ char lu sư, char mă Inh đei ăn boih kơ 'bok yă lu sư.”

Je 23:8

Mă-lei đe gô khan: Sĭt tơpă thoi Kră Yang arih, Kră Yang mă đei dŏng pơklaih adrĕch adrung bơngai Isơrael đơ̆ng gah yă-nơ̆m, păng lu char mă lu sư oei đơ̆ng Kră Yang puh lu sư sơ̆.’ Lu sư gô wih brŏk oei tơ dêh char lu sư kơdih.

Je 24:6

Inh oei răp lăng wă pơm 'lơ̆ng kơ lu sư, Inh gô chông lu sư wih brŏk tơ char âu, Inh gô tơiung pơdơ̆ng ming păng ưh pă pơrăm lu sư dơ̆ng, Inh wă pơtăm ưh kơ wă buch.

Je 3:18

Truh tơ năr noh adrĕch Juđa gô pơgơ̆p hơdai hăm adrĕch Isơrael, lu sư gô yak hơdai weh đơ̆ng teh đak gah yă-nơ̆m na brŏk tơ dêh mă Inh đei ăn boih kơ 'bok yă lu iĕm jang sa.”

Je 32:15

'Nâu Kră Yang Tih Hloh, 'Bok Kei-Dei bơngai Isơrael khan: Đe gô tĕch răt hnam, mir chŭn, pơgar hơmu lăm char âu.’

Je 32:37

“'Nâu, Inh gô hơrui akŭm lu sư đơ̆ng jơ̆p kơ dêh char mă đơ̆ng Inh hil mĭl dêh na mă Inh pơpuh lê̆ lu sư tơ noh; Inh gô chông tơwih lu sư brŏk tơ anih 'nâu, wă kơ lu sư oei jang sa rơnŭk rơnua.

Je 32:41

Na jơhngơ̆m Inh hiôk ăn kơ lu sư pŭn hiôk, hăm đĭ tơdrong tơpăt lăm jơhngơ̆m Inh wă pơtăm lu sư lăm teh đak âu.”

Je 33:7

Inh gô ăn kơ bơngai Juđa păng Isơrael đei hiôk jơnap, Inh gô tơiung pơdơ̆ng teh đak lu sư thoi sơ̆.

Êsêkiên 34:28

Lu sư ưh pă pơm tơmam sa kơ lu teh đak nai dơ̆ng; lu sem bri mă khĕnh kư̆m pă đei sa lu sư dơ̆ng, lu sư gô oei sa hiôk-hian, pă đei hli dơ̆ng.

Êsêkiên 37:21

păng khan bĕ kơ lu sư: Kră Yang khan thoi âu: Inh gô chông ba adrĕch adrung Isơrael đơ̆ng lu char mă lu sư oei, Inh gô akŭm lu sư đơ̆ng jơ̆p kơ dêh char chông ba lu sư wih brŏk tơ char lu sư kơdih.

Êsêkiên 37:25

Lu sư gô oei arih sa lăm char mă Inh ăn kơ Jakôp đĭch đam Inh char mă 'bok yă lu sư oei sơ̆. Lu sư, kon sâu lu sư, gô oei tơ noh ling-lang; đĭch đam Inh Đawit jing pơtao lu sư hlŏng hloi.

Jôel 3:20

Mă-lei Juđa oei oei ling-lang, Jêrusalem gô oei ling-lang đơ̆ng jơhnơr âu truh tơ jơhnơr nai.

Mi 4:4

Rim 'nu gô tơoei ala tơm hơmu sư kơdih păng ala tơm 'long hơra sư, ưh pă đei bu wă pơm kơ lu sư hli tơtăm; yua kơ nơ̆r đơ̆ng 'bơ̆r Kră Yang Tih Hloh khan thoi noh boih.