Am 8:5 - Sơ̆p Hlabơar Nơ̆r 'Bok Kei-Dei

⁵ Lu iĕm khan: Layơ khei 'nao jah đĭ wă kơ bơ̆n gơh tĕch 'ba layơ năr Sa'bat, tôch wă kơ lu bơ̆n gô pơih pơk 'ba mi, na bơ̆n tĕch pơhrŏ lê̆ epha na pơthim kơ jên hu rai trăp păng bơ̆n kŏng hơlĕnh wă hơlĕnh kơ đe.

Am 8:5 Iomraidhean Croise

II Pot 4:23

Klo duch ei jet: “Năr 'nâu ưh kơ trŏ năr khei plơ̆ng ôh, kư̆m ưh kơ trŏ năr pơdơh Sa'bat mơ̆n. Thoi noh yua kơ kiơ wă năm tơ sư?” Duch ei tơl: “Huay ôh”

Le 31:13

Khan bĕ kơ kon pơlei Isơrael, lu iĕm athei 'blŏk wei răk năr Sa'bat Inh, yua kơ tơdrong noh jơ̆ tơdrong tơdra tŏk-bŏk Inh hăm iĕm ling-lang đĭ jơhnơr, wă kơ iĕm băt Inh bơih Kră Yang, pơm ăn kơ iĕm jơ̆ rơgoh 'lơ̆ng.

Tơdrông Pơđơk 11:1

Kră Yang ưh kơ lăp ôh kơ 'long kŏng sa pơgâm. Mă-lei plei kŏng trŏ noh sư lăp đon.

Tơdrông Pơđơk 16:11

Plei 'long kŏng trăp trŏ hơnơ̆ng noh đơ̆ng Kră Yang. Plei kŏng trŏ hơnơ̆ng lăm 'bi noh đơ̆ng ti Sư pơm.

Tơdrông Pơđơk 20:23

Plei kŏng ưh kơ trŏ, Kră Yang areh dêh; 'long kŏng kư̆ kă Kră Yang ưh kơ lăp đon.

Êsai 1:13

'Nĕ pă pơyơ̆r tơmam soi phe 'ba ưh kơ yua kiơ kơ Inh dơ̆ng, Inh areh dêh tơmam 'bâu phu iĕm, năr khei 'nao, năr Sa'bat, lu năr iĕm akŭm sŏng sa tih. Inh ưh kơ lăp ôh tơdrong yoch tih iĕm lăm năr iĕm akŭm pơm giĕng tih.

Êsai 58:13

“Tơdah iĕm wei răk huay kơ pơm yoch lăm năr pơdơh Sa'bat. Ưh kơ pơm dôm tơdrong iĕm 'maih wă lăm năr rơgoh Inh. Tơdah iĕm lăng năr pơdơh Sa'bat jơ̆ năr hiôk chơt, lăng năr rơgoh Kră Yang jơ̆ trŏ kơ pơyom; tơdah iĕm pơyom gĭt năr noh ưh kơ đei pơm kiơ̆ trong iĕm kơdih, ưh pă pơm kiơ̆ đon iĕm kơdih 'maih wă păng ưh pă pơma nơ̆r mơ̆ng kơ wăn.

Hôsia 12:7

Lu bơngai Isơrael thoi bơngai mơdro chĕp 'long kŏng hơlĕnh lăm ti sư, sư 'maih chă sa pơgâm đe.

Hôsia 12:8

Lu bơngai Êphraim pơang akâu kơdih khan: Sĭt tơpă Inh jing bơngai mơdrŏng, inh đei mŭk lơ. Lăm đĭ dôm tơdrong jang mă Inh pơm ưh kơ đe 'bôh minh tơdrong jang kiơ khan yoch kơnê̆.

Lêwi 19:36

Lu iĕm athei đei 'long kŏng tơpăt, plei kŏng athei trŏ, athei trŏ kơ êphab păng trŏ kơ hnŏng (Hin)c tơpă, Inh Kră Yang 'Bok Kei-Dei lu iĕm, tơ'ngla mă chông anhăk iĕm đơ̆ng char Êyiptơ.

Sa 5:6

Inh khan: “Noh kiơ?” Sư tơl inh thoi âu: “Noh boih jơ̆ minh pôm ephaa lĕch.” Sư khan kơ inh dơ̆ng: “Noh rup tơdrong kơnê̆ lu sư tơ jơ̆p-jang kơ teh đak.”

Sa 5:8

Sư khan thoi âu: “Noh tơdrong kơnê̆.” Đơ̆ng noh đe tơlơ̆ sư tơ lăm epha dơ̆ng păng tơhuŏng kơtuăl bơlơ̆k noh klơ̆p lê̆ 'măng epha.

Malachi 1:13

Lu iĕm đei khan dơ̆ng thoi âu: “Ô! Tơdrong jang gleh dêh pă băt dang yơ! Na lu iĕm pơdê sư.” Kră Yang Tih Hloh khan thoi noh. “Lu iĕm năm pơyơ̆r tơmam đơ̆ng iĕm tơtông păng lu kon sem dơrong jo, jĭ na mă năm pơyơ̆r kơ Inh. Inh hăm đei iŏk tơmam âu đơ̆ng ti lu iĕm ưh?” Kră Yang khan thoi noh.

Jo 10:10

Lăm năr chơt hiôk, lăm năr pơm giĕng et sa tih păng lăm khei blŭng-a lu iĕm, lu iĕm hlôm keng 'bơ̆t kơplah lu iĕm pơyơ̆r tơmam soi 'blŏk bơnê hiôk-hian păng tơmam soi 'buh bơ̆n kơdih, keng noh pơm tơmam tơ'blŏk 'bơ̆t anăp Kră Yang, 'Bok Kei-Dei lu iĕm.

Kôlôsê 2:16

Kơlih kơ thoi noh na iĕm 'nĕ kơ chu kiơ̆ tơdrong giĕng kon bơngai, mă lu sư hil, lu sư sek tơlang tơdrong iĕm sa et tôm tơdrong tơmam, dah hil kơ iĕm ưh kơ chu oei kiơ̆ tơdrong giĕng lu sư; lê̆ lu sư hil kư̆m bưh, mă giĕng tơdrong kiơ, bơyan kiơ, khei năr kiơ, lu bơ̆n ưh kơ kăl oei kiơ̆ ôh.

I Sam 20:5

Đawit khan: Dơning năr mă mônh, lăm khei plơ̆ng inh juăt et sa hơdai hăm pơtao, mă-lei lê̆ inh năm ôn lăm tơmăn glă truh tơ kơsơ̆ năr mă pêng.