Am 8:4 - Sơ̆p Hlabơar Nơ̆r 'Bok Kei-Dei

⁴ Iĕm mă lu bơngai luăn sa pơjuă bơhlơ̆r lu bơngai dơnuh hin păng pơrăm lu bơngai pơmat-tat kơpal teh, mơ̆ng bĕ nơ̆r 'nâu.

Am 8:4 Iomraidhean Croise

I Pot 22:19

Mikai tơl: “Thoi noh, mơ̆ng bĕ nơ̆r Kră Yang khan: Inh 'bôh Kră Yang hơ-oei kơpal tang-dŏ pơtao păng đĭ-đăng linh jang 'lơ̆ng dơ̆ng awih awăn gah 'ma gah 'ngiĕo kơ Sư.

Jop 24:4

Lu sư pơpuh lu bơngai dơnuh hin weh đơ̆ng trong tih. Lu bơngai pơmat-tat lăm teh đak chă ôn kơ'nơp.

Horiso 10:7

'Bơ̆r sư 'bĕnh kơ blei hiap, hơlĕnh pơdăr pơjăm pơjuă. Lăm hơpiĕt sư băt pơdăr păng pơm kơnê̆.

Horiso 12:5

Yua kơ đe pơjuă lu bơngai răm-'băm păng lu dơnuh hin ôr krao, Kră Yang khan: “Dang ei Inh gô iung, Inh gô ăn kơ lu sư oei hiôk-hian kiơ̆ thoi lu sư krao apinh.”

Horiso 14:4

Hăm trŏ kơ đĭ-đăng lu bơngai pơm kơnê̆, ưh kơ đei đon băt? Na lu sư luăn sa kon pơlei Inh nhen thoi sa 'bĕng. Păng kư̆m ưh kơ đei apinh Kră Yang ôh.

Horiso 140:12

Inh băt Kră Yang gô bơwei lu bơngai pơmat-tat. Sek tơlang tơpăt kơ bơngai dơnuh hin.

Horiso 56:1

Ơ Kră Yang 'Bok Kei-Dei! Apinh Ih mơnat kơ inh; Yua kơ đe wă pơjuăa inh; Rim năr lu sư blah inh.

Tơdrông Pơđơk 30:14

Đei khŭl bơngai hơnĕnh sư thoi đao gưm. Hơnĕnh tơ'ngam sư thoi săng, Wă luăn sa lu bơngai dơnuh hoh đơ̆ng teh, păng đơ̆ng lăm adrĕch kon bơngai.

Êsai 1:10

Ơ lu kră wei-lăng plei Sôđôm, mơ̆ng bĕ nơ̆r Kră Yang khan. Ơ kon pơlei Gômôrơ, pơgling đon iĕm mơ̆ng bĕ khôi juăt Kră Yang 'Bok Kei-Dei lu bơ̆n.

Êsai 28:14

Na mơ̆ng bĕ nơ̆r Kră Yang khan. Ơ lu bơngai juăt kơ pơjăm đe, lu bơngai pơgơ̆r kon pơlei âu lăm pơlei Jêrusalem.

Je 28:15

Đơ̆ng noh Jêrêmi 'bok khan lê̆ adrol khan kơ Hanania 'bok khan lê̆ adrol: “Ơ Hanania, mơ̆ng bĕ, Kră Yang ưh kơ đei wơh ih ôh, mă-lei ih pơm kơ kon pơlei 'nâu gơnang kơ nơ̆r ih hơlĕnh.

Je 5:21

Mơ̆ng bĕ tơdrong 'nâu, ơ kon pơlei bơlŭk păng kơhlôh kơwao. Đei măt ră mă-lei ưh kơ 'bôh, đei đon ră mă-lei ưh kơtơ̆ng.

Êsêkiên 22:12

Lăm ih đei bơngai iŏk sa pơgâm wă pơm tơdrong đei tuh pham, ăn đe tŏk iŏk đei iŏk lơi adrol păng iŏk jên kon lơ dêh; ih pơjuă sa lu bơngai jê̆ ih păng ih hiơt kơ Inh, Kră Yang khan thoi noh.

Êsêkiên 45:10

Lu iĕm athei iŏk 'long kŏng tơpăt “Epha” trŏ, yua “pơnhan” hơtŏ hơnơ̆ng;

Am 5:11

Yua kơ lu iĕm pơjuă lu bơngai dơnuh răm păng pơgŏ lu sư rai ăn 'ba mi, mă khan lu iĕm đei pơm boih lu hnam man păng tơmo iĕm kư̆m ưh kơ gơh oei ôh. Lu iĕm đei pơtăm boih pơgar hơmu đei plei 'ngam mă-lei kư̆m ưh kơ đei huch đak sik sư ôh.

Am 5:12

Yua kơ inh băt boih kơ tơdrong yoch lu iĕm lơ pă băt dang yơ, tơdrong yoch iĕm tih dêh, lu iĕm pơmat lu bơngai tơpăt, iŏk sa pơgâm, tơ anih 'măng jang pơlei lu iĕm sơngah kơ tơdrong trŏ tơpăt lu bơngai dơnuh hin lăm năr sek tơlang.

Am 7:16

Na mơ̆ng bĕ nơ̆r Kră Yang: Ih khan thoi âu: 'Nĕ khan lê̆ adrol wă blah Isơrael păng kư̆m 'nĕ kơ bơtho đe pơm kơnê̆ hăm Isăk.

Mi 2:2

Lu sư 'ngeng kơ mir chŭn na tơgar iŏk. 'Ngeng kơ hnam đe păng tơgar iŏk hloi mŭk tơmam sư.

Mi 3:3

Lu iĕm sa sĕch lu kon pơlei Inh, lŏng hiŏng iŏk akar gơ̆ lê̆ kơting, lu sư rơkhŭl rơkhăl thoi wă tah pai lăm gŏ, kư̆m thoi 'nhĕm sĕch tơ lăm gŏ glah.

Sa 5:6

Inh khan: “Noh kiơ?” Sư tơl inh thoi âu: “Noh boih jơ̆ minh pôm ephaa lĕch.” Sư khan kơ inh dơ̆ng: “Noh rup tơdrong kơnê̆ lu sư tơ jơ̆p-jang kơ teh đak.”

Mathiơ 23:13

“Ơ lu thây bơtho đe Juđê păng bơngai kiơ̆ tơdrong Pharisi, ning-mônh iĕm pơmat-tat dêh, yua kơ iĕm bơngai 'bơ̆r đak klak ŭnh. Iĕm pơgăn đe kiơ̆ tơdrong 'Bok Kei-Dei pơgơ̆r, tơ'ngla iĕm kơdih kuă kơ kiơ̆, mưh đe wă kiơ̆ na iĕm nŏng kơ pơgăn đe.

Ya 5:6

Iĕm jâu lu bơngai 'lơ̆ng pơm kơnê̆ na pơlôch hloi lu sư, mă-lei lu sư ưh kơ pơjăng ôh.