Am 8:10 - Sơ̆p Hlabơar Nơ̆r 'Bok Kei-Dei

¹⁰ Inh gô ăn kơ năr chơt hiôk iĕm jing năr ơh sơ'ngon păng đĭ-đăng lu tơdrong hơri iĕm jing nhơ̆m hmoi. Inh gô chô̆ ăn 'bi nai tơ rim kơiĕng păng pơm ăn kơ rim kơ̆l jing kơ̆l hoh. Inh gô ăn tơdrong ơh sơ'ngon, thoi hiong minh 'nu kon pôm drŏ-nglo păng năr tôch sư thoi năr ơh sơ'ngon dêh.

Am 8:10 Iomraidhean Croise

Bl 21:16

Năm hơ-oei ataih 'biơ̆ dang tôch 'brơ̆m hră jruh; na sư khan lăm to khan: “Ôi rŏ inh huay kơ 'bôh kon inh lôch!” Sư hơ-oei nhơ̆m ơh.

Jop 20:23

Layơ sư phĭ 'bĕnh klak bơih, Kră Yang 'Bok Kei-Dei gô tuh tơdrong hil mĭl Sư thoi đak 'mi. Pơm tơmam sa sư

Jop 3:5

Rŏ kơ măng mu păng hơmơ̆l tơdrong lôch iŏk lê̆ năr noh; rŏ kơ hơmơ̆l gom lê̆ sư, rŏ kơ măng mu kơ'năr pơm kơ sư hli.

Jop 30:31

Inh reh brŏ tĭng-nĭng lăm ơh sơ'ngon. Inh hlôm 'lal hăm re nơ̆r nhơ̆m hmoi.

Êsai 3:24

Đak 'bâu ôm tơplih kơ đak pơgang 'bâu phu, tơlei kơnŭi pơm tơlei tơ̆n: Kơ̆l sŏk tơtuh tơplih kơ đei sŏk jing; bơnal 'bi pơ̆n akâu tơplih kơ ao tai brai se, tơdrong mơlâu tơplih tơdrong 'lơ̆ng.

Je 2:19

Tơdrong yoch iĕm gô phak bơtho iĕm, tơdrong ih achăng Kră Yang gô chrih kơ iĕm. Athei băt nhen. Achăng lê̆ Kră Yang 'Bok Kei-Dei ih păng ưh pă băt hli yom kơ Inh, noh boih minh tơdrong kơnê̆ tơpă păng răm dêh.” Kră Yang Tih Hloh khan thoi noh.

Je 48:37

Rim 'nu hơkôih boih kơ̆l 'ngôch, hơkôih boih sŏk kang, raih chrek ti rơka, tơ̆n ao 'bi tơ kơiĕng.

Je 6:26

Ơ kon drŏ-kăn pơlei Inh, tơ̆n bĕ 'bi tơ kơiĕng, tơglăng akâu tơ lăm tơnuh. Nhơ̆m hmoi bĕ, thoi đe sơ'ngon kơ kon dăm lôch, nhơ̆m hmoi ơh sơ'ngon bĕ, yua kơ lu bơngai wă pơrăm blư bla truh blah lu bơ̆n.”

Nhom 5:15

Tơdrong chơt hiôk pă đei lăm jơhngơ̆m; Tơdrong suang pơchơt jing ơh sơ'ngon;

Êsêkiên 7:18

Lu sư gô hrŭk ao 'bi păng đei tơdrong hli krưp gom lu sư thoi ao. Rim kơ muh măt lu sư hơ'nhŭk oei mơlâu. Lu sư hơkôih kơ̆l 'ngôch đĭ yua kơ sơ'ngon.

Êsêkiên 7:2

“Ơ kon bơngai, 'nâu nơ̆r Kră Yang Tih Hloh khan kơ dêh char Isơrael: 'Nâu tơdrong tôch truh bơih! Tơdrong răm truh boih tơ puăn pah mum kơ dêh char.

Hôsia 2:11

Inh gô pơtôch lê̆ dôm tơdrong chơt hiôk sư, lu năr chơt hiôk tih lăm Khei 'Nao, năr pơdơh Sa'bat păng đĭ-đăng kơ năr giĕng tih lu sư.

Hôsia 2:13

Inh gô phak sư yua kơ lu năr mă sư soh pơyơ̆r 'long 'bâu phu kơ rup yang Baal, sư pơguăng đoh maih tơ đon 'bot kong păng dôm tơmam gĭt na năm kiơ̆ pơyô sư, na sư hiơt boih kơ Inh!” Kră Yang khan thoi noh.

Jôel 1:8

Lu iĕm athei nhơ̆m hmoi bĕ thoi minh 'nu adruh 'lơ̆ng hrŭk ao 'bi oei nhơ̆m kơ klo sư mă iŏk đơ̆ng 'lơ̆p lôch boih!

Lêwi 13:40

Tơdah sŏk kơ̆l minh 'nu bơngai drŏ-nglo tơtuh, noh jơ̆ bơngai kơ̆l hok, đe jô̆ sư oei rơgoh đĕch.

Am 5:21

Inh areh, inh sơ'ngon kơ năr iĕm pơm kơ̆m giĕng; Inh ưh kơ hiôk gah tơdrong iĕm akŭm kơkuh tih noh.

Am 5:23

Weh ataih bĕ dôm nơ̆r hơri lu iĕm đơ̆ng inh! Inh ưh kơ 'maih mơ̆ng nơ̆r brŏ-kơni đơ̆ng lu iĕm.

Am 8:3

Lăm năr noh, dôm lu tơdrong hơri lăm hnam pơtao gô jing nơ̆r nhơ̆m hmoi Kră Yang khan. Gô đei lơ akâu bơngai lôch đe gô klơ̆m hŭt lê̆ tơ jơ̆p anih hreh tơthĕng.

Na 1:10

Yua kơ lu sư tơkuăr băl hơpunh thoi jơla suĕng păng hơleng thoi suai kơ sik, thoi noh gô soh lu sư sa đĭ thoi hơnong 'ba kro.

Sa 12:10

“Inh gô tuh Yang Bơhngol tơdrong pŭn hiôk păng tơdrong krao apinh kơ hnam Đawit păng kơ lu kon pơlei Jêrusalem; lu sư gô lăng tơ Inh jơ̆ Kră Yang mă đêl lu sư 'bet boih; păng lu sư gô nhơ̆m hmoi, nhơ̆m hmoi thoi 'mêm kơ kon dăm lôch, lu sư gô oei lăm tơdrong chhŭr nuih, thoi lu bơngai mă đei tơdrong chhŭr nuih ơh sơ'ngon yua kơ kon kơdră lu sư hiong.

Both 16:14

Hơdai hăm kon drŏ-nglo kon drŏ-kăn, đĭch drŏ-nglo đam drŏ-kăn, bơngai Lêwi, bơngai tơmoi, bơngai mơti păng bơngai adro oei hơdai lăm pơlei iĕm, kư̆m hơdai wăng hiôk chơt 'blŏk hơdơ̆r pơm giĕng.