Am 7:5 - Sơ̆p Hlabơar Nơ̆r 'Bok Kei-Dei

⁵ Na inh khan: Ơ Kră Yang, inh apinh Ih pơdơh bĕ, liơ Jakôp oei kĕ dơ̆ng, yua kơ tŏ sĕt păng tơrăn dêh. Kră Yang tơplih đon.

Am 7:5 Iomraidhean Croise

Horiso 85:4

Ơ Kră Yang 'Bok Kei-Dei Tơ'ngla dŏng pơklaih lu nhôn, apinh Ih tơiung lu nhôn dơ̆ng bĕ. Apinh Ih lê̆ pă blĕk kơ lu nhôn.

Êsai 1:9

Tơdah Kră Yang Tih Hloh ưh kơ lê̆ bơ̆n arih hơya tŏ sĕt, lei lu bơ̆n kư̆m răm lei-lăi thoi pơlei Sôđôm păng thoi pơlei Gômôrơ mơ̆n.

Êsai 10:25

Ưh pă đunh bơih tơdrong Inh hil kơ iĕm gô đĭ na. Tơdrong Inh mĭl gô plơ̆ tơwih pơrăm lu sư.”

Je 30:19

Gô đei nơ̆r hơri bơnê păng chơt hiôk đơ̆ng 'bơ̆r lu sư. Inh gô ăn kơ lu sư rai lơ, ưh pă tŏ sĕt thoi sơ̆. Inh kư̆m ăn kơ đe ư-ang kơ lu sư; ưh pă pơjăm boih.

Êsêkiên 9:8

Kơplah lu sư năm pơlôch đe, inh oei minh 'nu. Inh bon muh măt tơ teh ôr krao: “Ơ Kră Yang Tih Hloh, Ih hil mĭl kơ pơlei Jêrusalem, Ih wă pơlôch đĭ lu kon pơlei Isơrael hă?”

Jôel 2:17

Lu 'bok soi mă bơ̆jang kơ Kră Yang, nhơ̆m bĕ 'bơ̆t kơđeng cheng truh tơ chơnang soi, păng khan bĕ thoi âu: “Ơ Kră Yang, apinh Ih 'mêm mơnat kơ kon pơlei pơla Ih, păng 'nĕ ăn lu bơngai dêh đe pơ'brơh kơ kon pơlei pơla Ih, păng 'nĕ ăn kơ đe pơma khan thoi âu: ‘Tơ yơ Kră Yang 'Bok Kei-Dei lu sư?’ ”

Sa 4:10

Yua kơ bu pơ̆n pơjăm kơ năr tơdrong iĕ âu? Sư gô chơt hiôk 'bôh tơlei dăng pơtŏ 'bơ̆t ti Sôrôbabel.* Đei tơpơh tŏ măt 'nâu măt Kră Yang năm tơmang lăng jơ̆p kơ teh đak.

Jo 14:19

Apinh Ih mơnat 'nĕ jô̆ tơdrong kon pơlei âu pơm yoch kiơ̆ thoi tơdrong mơnat tih đơ̆ng Ih, thoi Ih đei mơnat ăn boih kơ lu nhôn đơ̆ng char Êyiptơ sơ̆ khơ̆ dang ei.