Am 7:17 - Sơ̆p Hlabơar Nơ̆r 'Bok Kei-Dei

¹⁷ Yua kơ inh khan thoi noh na Kră Yang khan dơ̆ng thoi âu: Akăn ih gô pơm đi tơ lăm pơlei tih; kon drŏ-nglo păng kon drŏ-kăn ih gô lôch kơ đao gưm, teh đak ih gô klah asong pơtŏ păng tơlei, gah ih, ih gô lôch lăm teh đak 'mê̆-'mach păng Isơrael gô pơm đĭch tơ dêh đe.

Am 7:17 Iomraidhean Croise

II Pot 17:6

Lăm sơnăm mă tơsĭn, chăl Hôsêa; pơtao đe Asiri blah iŏk Pơlei Samari, chông ba kon pơlei Isơrael tơ char Asiri, ăn lu sư oei 'bơ̆t Pơlei Hala păng 'bơ̆t đak krong Habôr tơ char Gôsan păng oei tơ lơ lu pơlei lăm dêh char Mêđi.

Horiso 78:55

Sư puh tơweh lu kon pơlei nai 'bơ̆t anăp lu sư, Hlang păng klah song teh ăn kơ lu sư jang sa. Sư ăn kơ lu bơngai Isơrael oei tơ lăm anih hnam kon pơlei ei.

Êsai 13:16

Lu kon hơ'lơ̆p sư đe gô rôp teh pơhĕch 'bơ̆t tơm măt lu sư, hnam lu sư đe tơgar iŏk, akăn lu sư đe tơrôp pơgô̆.

Êsai 22:18

Sư gô lôm ih, lôm kơjăp thoi 'bŏng-lŏng klơ̆m ih tơ dêh char să rơhơi ih gô lôch tơ noh, anih mă lu gre aseh ih, ih jơ̆ bơngai pơm kơ hnam tơ'ngla ih mơlâu.

Je 14:16

Lu kon pơlei mă mơ̆ng lu sư khan lê̆ adrol noh kư̆m lôch kơ đao gưm, pơngot rơwĕt hơdai hăm akăn, hăm kon drŏ-nglo kon drŏ-kăn lu sư. Akâu lu sư đe gô klơ̆m lê̆ hnơ̆k hnăk tơ rok trong pơlei Jêrusalem, ưh kơ đei bu 'bŭ. Inh gô tuh tơdrong kơnê̆ đêl lu sư pơm tơ kơ̆l lu sư.”

Je 20:6

Ơ Phashur, ih kơdih hăm lu bơngai mă oei lăm hnam ih, đĭ-đăng gô pơm bơnă. Ih gô năm tơ Babilôn gô lôch păng 'bŭ hloi tơ noh, hơdai hăm lu bôl buăl ih, wă khan lu bơngai mă ih đei pơma khan lê̆ adrol hơlĕnh kơ lu sư.

Je 28:12

Đơ̆ng rŏng kơ Hanania plôh lê̆ boih 'long ăt đơ̆ng ako Jêrêmi, đei nơ̆r Kră Yang khan kơ Jêrêmi:

Je 28:16

Thoi noh, Kră Yang khan: 'Nâu; Inh gô ba ih weh đơ̆ng kơpal teh âu; sơnăm âu ih gô lôch; yua kơ ih đei pơma iung blah hăm Kră Yang.”

Je 29:21

'Nâu Kră Yang Tih Hloh, 'Bok Kei-Dei bơngai Isơrael khan thoi âu gah Ahap, kon drŏ-nglo Kôlaia păng Sêđekia, kon drŏ-nglo Maaseia, bơngai mă yua anăn Inh khan lê̆ adrol hơlĕnh: “Inh gô jao lu sư kơ Nebukatnessar, pơtao Babilôn, sư gô pơlôch bre noh 'bơ̆t anăp lu iĕm.

Je 29:25

“'Nâu Kră Yang Tih Hloh, 'Bok Kei-Dei bơngai Isơrael khan: ‘Ih đei gơih boih hla bơar kơ đĭ kon pơlei Jêrusalem, kơ 'bok soi Sephania kon drŏ-nglo Maaseia păng kơ đĭ-đăng lu 'bok soi nai khan:

Nhom 5:11

Lu sư đei pơgŏ lu drŏ-kăn tơ Siôn, Păng lu adruh hle tơ rim pơlei tih char Juđa.

Êsêkiên 4:13

Kră Yang khan: “Lei-lăi thoi noh adrĕch adrung Isơrael gô sa 'bĕng kơnê̆ 'mê̆-'mach tơ lăm teh đak mă Inh pơpuh lu sư tơ noh.”

Hôsia 9:3

Lu sư ưh kơ gơh oei ôh tơ lăm char Kră Yang; mă-lei Êphraim gô wih brŏk tơ char Êyiptơ, lu sư gô sa tơmam sa ưh kơ 'lơ̆ng rơgoh lăm char Asiri.

Am 6:7

Yua kơ thoi noh đe gô rôp lu iĕm pơm bơnă adrol hloh kơ lu bơngai mă đe đei rôp, lei na wă kơ ưh pă kơtơ̆ng boih nơ̆r ôr chơt hiôk lu bơngai noh!

Am 7:11

Yua kơ Amôs đei khan boih Jêrôbôam gô lôch kơ đao gưm păng Isơrael sĭt tơpă gô pơm bơnă đe gô puh tơweh đơ̆ng teh đak lu sư kơdih!

Am 8:1

'Nâu tơdrong mă Kră Yang tơ'bôh ăn kơ inh. 'Nâu đei minh pôm bai plei 'long bơyan puih.

Am 9:1

Inh 'bôh Kră Yang dơ̆ng jê̆ chơnang soi păng khan thoi âu: Teh pơchah lê̆ bĕ lu jrăng tơm, wă kơ lu 'măng pơpơ̆, teh pơhĕch tơ kơpal kơ̆l lu kon pơlei! Lu đe bu mă oei arih lăm lu sư inh gô pơlôch păng đao gưm, ưh kơ đei bu gơh klĕnh, ưh kơ đei minh 'nu bu gơh kơdâu klĕnh klaih hlôi.

Am 9:8

Sĭt măt Kră Yang oei răp lăng kơpal teh đak yoch âu păng inh gô pơrăm sư đơ̆ng kơpal teh âu, mă-lei inh ưh kơ pơlôch đĭ hnam Jakôp, Kră Yang khan thoi noh.

Mi 1:16

Inh athei hơkôih lê̆ sŏk ih yuă jing 'ngôch kơ kon sâu mă ih kơeng; hơkôih bĕ kơ̆l 'ngôch thoi sem grơ̆, yua kơ lu kon hơ'lơ̆p gô tơklah đơ̆ng ih lu sư gô pơm bơnă.

Sa 14:2

Thoi noh Inh gô akŭm đĭ-đăng dêh char gô tơblah hăm Jêrusalem păng pơlei tih đe gô iŏk, hnam akŭm đe gô tơgar iŏk, đe gô rôp pơgŏ, lăm minh puăt kon pơlei đe rôp pơm bơnă, mă-lei kon pơlei mă oei đei noh đe huay kơ pơrăm đơ̆ng lăm pơlei tih.